2009年1月15日 星期四

上主菜囉(2) - 陸軍俱樂部

澳門遊2009


陸軍俱樂部, 總是叫我們迷上, 低調而高貴, 澳葡時代餘下的芬芳盪漾著, 怎不能先叫一杯葡萄牙有汽葡萄酒慢慢玩味?



 每次打電話訂位, 他們一定照例說一次dressing code, 起初真有點忐忑, 不過我們便服一道, 都冇問題.


先來一個血腸南瓜湯, 看著西服畢挺的侍者把熱湯倒在碟上, 已是很窩心的服侍. 香甜的南瓜湯, 鹹香的血腸, 真是由舌頭享受到肚子呀! 吃片蘸了橄欖油的麵包, yummy!!



叫一度前菜 : 焗蘑菇蘋果茄子, 先看到一個大交叉, 法國菜的精緻. 不是葡菜, 勝似葡菜, 焗得半乾很香的蘑菇, 配清甜的蘋果片, 加油煎香的茄子..........

驚喜之處是那另一"撇", 是烘得半乾, 濃縮了的陳年葡萄醋, 灑上東方的芝麻, 蘸一蘸茄子, 真是畫龍點睛, 又鮮又酸甜.........我開始懷疑, 大廚不是葡國人, 可能是一位法日混血兒..........???


唉, 不知怎的, 每次都被催眠般, 都叫欖油蔬菜馬介休, 真的, 從未有一間餐廳做出這麼豪氣的一大片鹹鮮馬介休, 冇辦法不一吃再吃.



 


太太指定一定要再吃的軟朱古力蛋糕.......



 她最愛就是這個.


我不理了, 要一個傳統葡萄甜點組合, 我想吃到牛油糕和細路仔糕, 不過侍者介紹 : 前-葡國海綿蛋糕, 中-杏仁糕, 後-焦糖布丁. 太太說 : 好吃嗎? 我說 : 好吃呀!.........真的呀!!!



好歎呀!!!!!!!



南灣大馬路975號  tel:28 714000


8 則留言:

  1. 樣樣都咁好味, 真美好啊!
    [版主回覆01/16/2009 17:32:00]呢度吃個遲來的聖誕午餐, 真係好情調呀!

    回覆刪除
  2. 軟朱古力蛋糕!!
    [版主回覆01/16/2009 17:33:00]太太指定甜品, 以前在新口岸的La Comedie的焗朱古力更正, 可惜現在已冇得吃了.

    回覆刪除
  3. 唔通知搬左過去澳門?
    [版主回覆01/16/2009 17:34:00]搬左返黎好耐了

    回覆刪除
  4. 好似幾值得去喎, 睇你個BLOG真係好, 成日都有正野介紹!
    [版主回覆01/16/2009 17:37:00]試下啦, 其實我都係由幾本書仔玩起呢!

    回覆刪除
  5. 越睇就越發覺自己原來miss o左咁多野!我要再去澳門呀!!
    [版主回覆01/16/2009 17:39:00]真的呀, 澳門有好多得意的小情趣.

    回覆刪除
  6. 那個馬介休好似好好味噃.
    [版主回覆01/16/2009 17:40:00]好好肉, 好好咬口呀!

    回覆刪除
  7. 嘩! 好正呀, 我下次又去...因為我啱啱先去完...
    [版主回覆01/18/2009 22:05:00]哈哈, 又一位知音人, 呢度真係好令人回味的呀! 食物和情調都是.

    回覆刪除
  8. 很特別的茄子,配蘋果及磨菇,陳醋 想起我們上次要調開水
    [版主回覆01/18/2009 22:08:00]今次是第一次點這到頭盤, 表面上很普通的食材, 不過做得很出色.
     
    上次那些不同呀, 那是專門用來呷的醋, 我都鍾意呷醋的呀!

    回覆刪除