2009年1月7日 星期三

澳門粥麵(1)

澳門遊2009



到澳門, 其中一個大樂趣, 是吃粥麵, 雖然很囉唆, 我也是這句 : 香港較難吃到這味道



華軒美食 - 正版細龜炒麵


沙梨頭仁慕巷2C地下


吃了一窩極之鮮甜綿滑的水蟹粥, 誠昌也要讓位, 那隻蟹的肉, 甜到令人詫異, 咦? 真是水蟹嗎? 咁好肉地嘅?



一位前酒店廚師, 一心自立門戶, 由街邊檔做起, 開了一間小炒店, 他自己仍每天在店外的大排檔爐灶前表演炒粉麵功架.


"un"吓"un"吓好功夫, 一炒炒了沒十年也有八載吧! 細龜好嘢!!


 


還吃了外脆內嫩的椒鹽狗肚魚(是其他廚師做的), 好吃! 還有招牌乾炒牛河, 夠乾爽又剛剛夠鑊氣.




黃枝記  - 無酒安能邀明月    有錢最好食雲吞


議事亭前地17號(噴水池前少少) 老鋪在十月初五日街85-85A地下


經歷三代的澳門老店, 每次都會吃, 千萬不要拿香港的分店比, 不是那回事.


雲吞做得很"的式"鮮甜, 燒鴨粥更是太太至愛, 甘香的燒鴨加上鮮甜的粥底拌生菜絲, 好吃!



黃枝記的蝦子撈, 竹昇麵極幼細, 可惜沒有祥記的豬油醬油, 一向覺得略遜一籌, 不過今年覺得它比祥記好吃........這一餐是我們的除夕晚餐, 客人少少的, 吃得真的好舒服!




何開記 - 喜包大發


高尾街2號(女媧廟後面)


 我封她是澳門三大老包點店! 阿婆說 :  "d粥阿婆自己煲的呀, 今日唔夠賣, 唔添比你了." "阿婆呢度冇乜嘢靚裝修招呼你呀!"


阿婆, 我就是喜歡在妳處吃早粥, 稀稀綿綿, 是最正宗的廣府明火白粥, 妳千萬不用豪裝, 或者franchise出去呀, 像泰昌蛋撻, 變了一間普通的連鎖店, 魅力全失了, 發展真是"硬道理"嗎?



吃一個豐富又清淡的廣府早餐, 一定要吃明火白粥, 超香滑蘿蔔糕, 芋頭糕, 香甜的白糖糕. 咸甜剪堆也好好吃, 下次一定不要剪開, 原個上!!



澳門的粥, 絕大部份都是綿綿滑滑的, 不是我常吃到的黏口漿糊粥.


澳門的蒸蘿蔔糕, 總是爽滑挺身的, 不是我在酒樓吃到的一兜漿糊.


12 則留言:

  1. 最近忙忙忙, 都沒有時間探你. 一來你就請我食宵夜(多倫多現在零晨一點二十分), 謝謝! 粥粉麵飯
    [版主回覆01/07/2009 14:37:00]hehe, 有冇令妳更肚餓.........
     
    嘩, 妳梗係忙緊埋年了, 半夜1點幾也未睡???

    回覆刪除
  2. 我咁大個女都未曾去過澳門嫁!只是知道這裡最出名的是賭場、杏仁餅之類 (好似係這個餅,我都唔係太清楚 ),綿綿的明火白粥咁晒我,我鍾意食熱騰騰的。
    Moon兄!我試整咗脆焦糖啦!都係好玩,不過對我來說,是要靠眼力去睇煮出來的顏色,我個人stupid but but 地,煮得唔多好樣
    [版主回覆01/07/2009 22:30:00]我都係幾年前無意中去一去, 才發現澳門的樂趣, 那時的澳門更有人情味, 更可親, 這幾年, 變得太快了, 澳門人都說 : "這不是一個發展中的城市. 這是一個消失中的城市." (澳門創作人協會)
     
    賭場, 只是澳門的另一個世界, 我沒興趣(除了去葡京飲茶haha), 澳門人是生活在另一個更有生活味的世界, 不過除著內地勞工大量加入, 這生活味已迅速消失了.
     
    我都想試呀, 有妳的經驗更好啦, 我希望我可以試兩次便成功吧.........我未買到粟膠呀, 得一瓶葡萄糖膠咋.

    回覆刪除
  3. Miss the  蝦子撈 very much... 
    [版主回覆01/08/2009 10:38:00]我都懷念呀, 唔知幾是再去吃呢???

    回覆刪除
  4. (Empty)
    [版主回覆01/08/2009 10:39:00]個hello kitty好靚

    回覆刪除
  5. 早排睇亞蘇介紹澳門食物, 又係好似你咁講, 話雲吞吾好同香港比. 香港的雲吞真係好正呀!! 你有冇買蛋卷呢??? 我最鍾意食那細細盒的蟠桃果, 酸酸甜甜.  我朋友上次去完香港返來也有買給我食. 今次吾知有冇呢? 這幾天就返喇.
    [版主回覆01/08/2009 16:54:00]澳的的鳳城雲吞, 都好唔錯呀, 香港普遍是好dd, 但係香港有一個最大的問題, 係香港大多數用梘水麵, 有一陣味, 有一次慕名去食麥N記, 哇, d麵"壓"到攻鼻喇利, 而且好似橡筋般韌.........唉, 算吧..........澳門的大多是竹昇麵, 好食好多.
     
    哈哈, 妳是說同益百花魁的王母蟠桃! hehe, 我就更喜歡他的精神薑了, 好精神那隻呢, 好好吃的呀! 妳又唔出聲, 寄d比你嘛.
     
     

    回覆刪除
  6. 我都好鍾意食粥面, 大圍有家吃蝦子蔥撈面都好好食的.
    [版主回覆01/08/2009 16:55:00]係呀, 食粥麵可合廣東人的胃口呀! 大圍? 我成日去喎, 邊間呀???

    回覆刪除
  7. 我真係唔識門路~
    次次跟 tour guide book 都覺得不外如是.
    [版主回覆01/08/2009 17:01:00]我都係跟guided book開始的呀, 跟了幾本才集大成的.
     
    其實我這幾間舖都係好平凡的店子, 但係我欣賞他們的平凡中的一種韻味, 不過亦可能吃的除了食物, 是一種感覺啦.

    回覆刪除
  8. 點解無乜人o既?我o係聖誕節去的期間,人山人海,間間都排長龍,因為有老人家,所以放棄了很多美食!
    [版主回覆01/08/2009 17:09:00]一般遊客, 一係跟團, 聚在噴水池, 一係在賭場, 是不會和我們爭食的.
     
    不過多了很多日本人和香港人, 他們會搶食的, 假期的澳門仍是人山人海, 平日就好d.
     
    我去了多天, 所以可以慢慢選
     
     

    回覆刪除
  9. 你識咁多路去搵野食既, 下次我去澳門要問下你先得 ! ^^
    [版主回覆01/08/2009 17:10:00]我都去了幾次, 有少少老馬feel了, 好呀, 妳去時叫我mail我的食的紀錄啦!

    回覆刪除
  10. 精神薑????有機會我回來你請我吃吧! 寄就無謂喇, 我想郵費可以買到好多盒呢, 我最吾鍾意益郵局啊.
    [版主回覆01/09/2009 19:29:00]妳唔明咖喇, 精神薑好sexy咖 , 仲好好味添, 我今次都買了一大盒回來吃. 郵費不是問題
     
    有機會我映給妳看啦!

    回覆刪除
  11. 粥與我是息息相關,從少就喜歡吃粥,尤其冬天,總想吃粥保溫,下次帶個暖壺幫我買番來
    [版主回覆01/10/2009 19:39:00]我和moon嫂都是粥粉迷呀! 天口冷食碗粥成身暖晒.
     
    我都想過呀, 不過那些粥一定要即食的呀! 所以都係冇了.

    回覆刪除
  12. 啊啊啊, , 呵呵呵 , 你近期都好喜歡攪 "sexy" 啊, 先來薑餅女嫏, 後來精神薑 , 都係留番比你自己慢慢歎喇, 正所謂"君子不X人所"" 好 """ 你記得下次去澳門帶埋個飯壺去喇!
    [版主回覆01/10/2009 19:40:00]哎呀, sexy冇乜唔好丫
    性感薑餅人是太太的order呀! 至於精神薑呢........我遲d比妳睇!!

    回覆刪除