2008年10月19日 星期日

咖哩pita包

做了好玩的pita包, 今次加了芝麻, 用在日本買的咖哩米澤牛煮薯仔, 好味好味!



做法容易, 方便快捷, 又可加大量各樣的餸菜, o岩晒喜歡吃餡的朋友們



也是用上次一樣的方, 做半量很好呢! (我這烏龍鬼, 放了全量的油鹽糖, 幸好都好味)


以我的溫吞吞爐子, 用盡了最高溫240度, 連烤盤預熱, 都算爆得ok, 只是一邊高一邊低, 第二爐有半個脹不好. 沒有小三的 DeLonghi 爆得那麼好


 
 


有一個很大的疑問 : 這麼薄薄的麵團, 藏了那麼一丁點的發酵氣體, 為什麼可以脹爆十幾倍一個大洞,


而我的法包, 藏了那麼多氣泡, 為什麼每次都是脹得那麼半死不活? 不明白.


22 則留言:

  1. 你的 pita bread 一流,我以前做的就脹不起!要參考一下呢…
    [版主回覆10/19/2008 22:11:00]相信用你的爐石應該好好呢, 模仿中東的泥爐......

    回覆刪除
  2. 咁你又真係幾烏龍喎!我都整過這個包包嫁!又真係好神奇,佢會自己升起,好鬼得意,餡料又可以自由選擇。
    [版主回覆10/20/2008 16:53:00]我係烏龍老大呀!!! 係啦, 我第一次都唔信自己眼睛呀!
    好方便呀, 可夾涼瓜排骨丫.....

    回覆刪除
  3. 我返左黎喇!
    [版主回覆10/20/2008 16:53:00]好, 盡快來看.

    回覆刪除
  4. 你都係要換爐喇, 吾係遲早 pita 變 flatbread 呀 你好少擺烏龍呢????
    [版主回覆10/20/2008 16:55:00]哎呀, 我的廚房仔, 換不到再大的了.......算啦, 做到pita, 證明火力都ok.
     
    我? 妳問小三我是誰??? 我更烏龍都試過呀!

    回覆刪除
  5. 我都話。。我們心靈相通0架喇~
    你的大問題﹐可以想象。一塊薄麵團﹐擁有發酵氣體﹐經過高溫不定的發漲﹐裡面的組全部織折斷﹐漲暴成為一個大洞包~
    [版主回覆10/20/2008 17:00:00]吓........妳指的是 ........共同問題?
     
    我的問題是, 扁扁的pita夠力撐開麵團, 扯斷晒, 為什麼法包麵團咁多氣體, 偏偏係咁意脹一脹, 連大孔孔也沒有.......(我指我的爐), 是溫度不夠??? 那我下次試吓240度連烤盤也預熱了, 行嗎? 我怕麵包也焦了......

    回覆刪除
  6. 我好鍾意食 咖哩薯仔 架 !!!
    [版主回覆10/20/2008 17:01:00]好方便, 開一包日本咖哩, 烚熟d薯仔放入去煮, 攪惦.

    回覆刪除
  7. 咦咦,咁我個大火爐咪應該可以應付自如!
    [版主回覆10/20/2008 17:01:00]我估一定爆都七彩, 不信妳試試, 請埋我食, 有餸的.

    回覆刪除
  8. emmmm, yummy yummy...... 我就比较喜欢放d蔬菜 + tuna。
    这款面包真是很有趣, 薄薄的面团可以涨到0甘大!!
    [版主回覆10/20/2008 17:02:00]都可以, 甚至火腿芝士又得, 柱候牛腩也得.......

    回覆刪除
  9. 呢個會係小四下一個想學的item!
    [版主回覆10/20/2008 17:04:00]這個是最易做的包, 好鬼方便呀!
     

    回覆刪除
  10. um, 我一定會再戰這個包的.
    [版主回覆10/20/2008 17:05:00]好呀, 妳的包出了什麼問題呀.............
     

    回覆刪除
  11. 係烹飪堂整失敗了, 我都唔知咩原因啊. miss冇理我.
    [版主回覆10/20/2008 21:44:00]原因多數是, 爐和焗盤不夠熱, 再試啦

    回覆刪除
  12. 因家有親人來,我每晚不能上網太久,
    你個中東咸煎餅好靚,周老師記錄了很多心得,日後再研究研究!
    [版主回覆10/20/2008 21:46:00]哎, 龍門客棧.......
     
    我個中東咸煎餅, 不夠妳那次好呢, 妳的爆得勁d..........再試.......唉, 可惜不知什麼時候才ot完.

    回覆刪除
  13. 你係菊花茶月餅高手嗎 , 原來仲有D更勁嘅?????
    [版主回覆10/21/2008 13:47:00]冇錯, 我是菊花月始創人........還有, 搓麵團忘了落酵母........之類........

    回覆刪除
  14. 呢款包我想整好耐架喇
    睇見你最後2幅相唸起我整過一次PIZZA焗左個底先出到黎就係咁既樣@@仲脆既…到依家都唔知點解…
    [版主回覆10/21/2008 21:36:00]我相信pizza的效果一定好相似.....薄薄的一片低度發酵麵團......哇! 咁咪變左一個大氣球???
     
    不過, 塗了茄醬和灑了芝士, 就不會脹得咁勁了.

    回覆刪除
  15. 唉…o個次好似食餅咁…= =
    [版主回覆10/21/2008 22:18:00]焗過龍? 低筋粉加得太多也會太脆.
     
    話時話, 日本的pizza是薄薄脆脆.

    回覆刪除
  16. 你真係好勁 !
    [版主回覆10/22/2008 08:38:00]玩吓啫, 又有得食吓, 不好好玩多過好食.

    回覆刪除
  17. 係咪正宗既都係薄脆架?
    但我O個次脹起左就冇縮返= =都唔知點食…
    [版主回覆10/22/2008 08:41:00]正宗的(我所吃過的, 不是真的在意大利), 是薄薄的煙煙韌韌的, 一定不是什麼厚批, 芝心批什麼的.
     
    下次用叉子先督d孔孔啦, ok的

    回覆刪除
  18. looks great! thanks for sharing..i might try it later...
    [版主回覆10/22/2008 08:42:00]好好, 記得叫我睇吓呀

    回覆刪除
  19. 係煙韌架?
    [版主回覆10/22/2008 12:21:00]係呀, pizza應該是薄薄, 煙韌, 邊邊有點脆的.

    回覆刪除
  20. Hello Moon, how are you lately?
    呢個pita bread 真係好神奇呀,我今個星期都要試吓先!
    另外, 我有d嘢想請教吓你呀! 我奶奶因最近驗出有糖尿病, 但佢一直都習慣以麵包做早餐,但街外的麵包大部份都會加一定的糖, 對佢就唔係咁好!
    我哋而家多數都會去A1 買一種標明無加糖分的麵包比佢食,但佢日日都食同一款麵包, 好似好悶咁!
    我想問吓你,會唔會有D少糖 or 冇糖, 少油的麵包recipe可以share 吓呀?
    同問我有想問吓,我可唔可以自行修減原recipe內的糖同油的分量,咁樣做出來會唔會影響麵包的效果同口感呢?
    million thx in advance!!
    [版主回覆10/22/2008 14:47:00]試吓丫, 這個包又易做又健康, 不過一定要加餡食.......除了我這包癡, 空口食.
     
    哎, 我不敢建議, 不是營養專家呢! 以包論包
     
    - 芝麻咸餐包, 好丫, 自己做, 仲可以不加牛油, 用橄欖油, 正, 不過千萬千萬不要加植物牛油, even zero transfat的都不要.
    - 法包, 田園包, ciabatta都是低糖, 用全麥粉做的包, 能穩定血糖, 不過較硬, 老人家吃不慣.
    -自行減油減糖, 當然得啦, 我成日都咁做, 不過包包會較粗和快老化, 好吃的東西通常是冇益的.......

    回覆刪除
  21. 我諗我都可以唔加餡料食pita bread.....因我都係一個super 包痴!!
    我會慢慢嘗試吓.......如果減少咗糖分,加多少少酵母,咁會唔會好d呢?
    [版主回覆10/22/2008 15:59:00]酵母不用加, 沒關係的, 反而長時間發的包會好味點, 加中種又會好的, 想快座微暖水.

    回覆刪除
  22. 响小三處玩唔夠, 回家再玩過
    [版主回覆10/23/2008 18:11:00]比佢撩起我條筋添

    回覆刪除