今天是包包日, 去烏龍姊妹小三家串門子, 還是第一次去做包包!
早上先在家做了麵團和發酵, 下午拿著麵團像帶BB般小心, 移動到小三家玩埋下半場, 哈哈, 咁都得? 得呀, 有什麼不行........
吸引的漩渦, 被兩把不同的刀劃了個十字, 因為我們要比鋒利, 劃得很深, 對不起呀包包.
高粉250g 裸麥粉50g 速酵母2g 糖15g 鹽6g 蜜糖1tsp 葡萄子油10g 水~190g 合桃乾+無花果乾適量
1. 材料搓滑, 室溫發酵, 膨脹至兩倍, 排氣翻麵, 重複兩次, 放雪櫃中繼續發酵約兩小時(出去吃lunch嘛!)
2. 取出回溫發酵45分鐘(移動去老友家呀!), 滾圓放入灑了高粉的發酵籃中, 發一小時左右, 小心倒出, 劃十字, 220度入爐噴水焗約25-30分鐘.
已轉移slide photo
包很香......裸麥, 無花果, 合桃, 少少蜜糖香甜, 皮脆肉軟, 加油是不錯的變化, 夾羅馬生菜, 蕃茄, 煙三文魚, 好吃呀!!
一款包怎夠, 商商量量, 做pita吧, 第一次玩, 好緊張呀!!! 小三介紹周老師的食譜真不錯, 大部份都很成功, 最重要的重點, 是焗盤夠熱, 爐溫夠高!!!
看一片扁扁的麵團在爐裏像吹氣球般, 好興奮呀!
包包煙煙韌韌, 夾生菜, 蕃茄, 芝麻肉鬆, 好玩又好吃.
謝謝，會行會走的田園包~~~~~主人！
回覆刪除[版主回覆10/11/2008 23:28:00]不用客氣啦, 下次玩過!
田園包已做到工多藝熟, 真真犀利! 但係個pita包真係好靚呀, 爆到成個袋, 好羨慕
回覆刪除[版主回覆10/11/2008 23:30:00]係呀, 我獨沽一味嘛 , 熟晒了, 個pita包反而驚喜, 好好玩好神奇呀!
嘩，個PITA 好勁呀～！！！真的好似脹到咁呀？？？？？ 都好想一試添！！！！
回覆刪除[版主回覆10/12/2008 17:48:00]不難做呢, 又快, 最緊要是爐溫高, 和焗盤預熱.
用來夾任何送都可以, 例如咖哩, 好方便好食.
想問多一句呢～ 那一個發酵籃，在哪裡有得買啊？ THANKS!
回覆刪除[版主回覆10/12/2008 17:49:00]個發酵籃是在日本的Tokyu Hands 買的, 如無記錯, 是在東京高島屋店那間買的.
你倆又來雙劍合壁, 那麼, 誰人的"劍"較烽利呢?? Pita pocket最精彩係爆的時刻, 好睇好睇 , 我吾要三文魚, 比塊火腿我啦, 吾該!
回覆刪除[版主回覆10/12/2008 17:52:00]好難得機會呀, 我好懶, 小三好忙.
火腿好吃丫, 我覺得咖哩雞或羊仲好呀!
兩個包包都好出色啊，很久沒做這些包包啦！
回覆刪除[版主回覆10/12/2008 18:23:00]我仲係死牛一便頸, 做粗包
原來小三又坐享其成. 小三的場地, 麵糰沒有怕生沒有扭計. 發發發得好靚呀, 風水好?
回覆刪除[版主回覆10/12/2008 18:25:00]唔係, 小三都好大貢獻, 個電腦都有份幫手發酵呀!
重覆翻麵兩次？那麼兩次翻麵之間相隔幾耐呢？抑或是一次過做兩次翻麵，睇起來好似好好玩，好易整，攪到我都心思思又想買番個發酵藍來玩，Pita Bread我都整過呀！真係幾神奇嫁！個爐唔夠熱，真係會唔升起嫁！ Moon兄！我都整咗九鬼雲石雪芳呀！不過今次係加入咗第三隻鬼
回覆刪除[版主回覆10/12/2008 18:28:00]是隔個多小時翻一次, 每次我直頭把麵團取出摺幾摺......是徹底的翻麵.
不一定用發酵籃呀, 用過水殼舖布灑粉一樣得, 只是冇左d紋.
好好好, 等我睇下妳的新左, 多左隻鬼......?
好過癮的pita bread~
回覆刪除田園包，做得好好呀~相信今日你們兩過得很盡興，華山論舞劍，一比高下 ~
[版主回覆10/12/2008 18:31:00]好好玩呀, 又好吃又可包餸食, 正呀, 妳又試吓.
我用一把小刀, 小三用老人牌刀片, 一樣咁利, 搏命界.......太深了
好想食呀，唔該移動過來天后呀
回覆刪除我。。。都好耐。。。好耐。。。無做包了。。。
[版主回覆10/12/2008 18:32:00]有機會有機會.
妳做乜咁耐都唔整包呀, 好忙?
係無mood整啊，整包包需要好多時間，我依家反而鍾意整簡單又易整既布丁。。。
回覆刪除[版主回覆10/12/2008 22:30:00]點解咁冇mood呀,
我冇mood時, 會做包包, 我會有一天, 做各種布丁. 做布丁好快的嗎?
哗！！移动包包， 好肆力呀！！
回覆刪除[版主回覆10/13/2008 07:39:00](Empty)
真係要跟你地學習呀, 我今日都有去學整PITA BREAD,唉!心情還未平服呢.
回覆刪除[版主回覆10/13/2008 07:40:00]點解呀, 發生了甚麼事?
疑似中東包的包包很可愛﹐套入自己喜歡的餡料就得﹗
回覆刪除[版主回覆10/13/2008 07:41:00]呢個係中東包呀, 當然不是用泥爐燒啦.......係呀, 可以自由加料呀!
wow... look delicious.
回覆刪除If I can make bread like yours .
would be soooo much great!
[版主回覆10/13/2008 07:42:00]慢慢練就可以了, 至於味道, 還可以啦!
pita包好吸引啊!! 我又想整!!!
回覆刪除[版主回覆10/13/2008 07:43:00]好易整呀, 又快, 試吓啦!
你見我成日整布丁就知易整啦!
回覆刪除[版主回覆10/13/2008 21:33:00]我知道了
You are so good at making bread. I wanted to join you to make bread too. I also love bread so much
回覆刪除[版主回覆10/13/2008 21:33:00]你們的麵包也做得很靚呀! 多分享啦!
我睇到流晒口水, 依家仲古古聲添啊
回覆刪除[版主回覆10/13/2008 21:39:00]hehe, 一於做番個啦!
A moon 你做的麵包每次都很正, 真係好想試試呀!!
回覆刪除& 我想問吓, 我之前試過用裸麥粉做田園麵包, 但不知為何出爐放涼後, 就有少少酒酸味, why??
[版主回覆10/14/2008 08:05:00]那裡那裡, 也有不好吃的呢!
不太關裸麥粉的事, 是因為發酵過度(尤其是缺氧發酵), 是長時間發酵吧..........有些人喜歡這味道呢!
要減少酒酸味, 1. 發酵途中隔一兩個小時翻麵一次, 摺摺摺摺麵團 . 2. 發酵時間不要過長(我這個包由搓好至入爐約6小時, 冇酸味, 但隔夜發酵就會有一些酸) 3. 時間長了(超過2小時)放入雪櫃.
pita包，有興趣呀！幾時可以教埋我！
回覆刪除[版主回覆10/16/2008 10:56:00]等我再實驗一吓先, 我都未有把握呀