2008年10月28日 星期二

東京之行(7) - 御手洗の桃

日本的桃, 真的與別不同, 千萬不要將美國桃, 加拿大桃, 中國桃和它比較.

又圓又大, 芳香, 淋甜, 多水多汁........

日本的桃主要分白鳳和白桃兩大類, 不過在我眼中, 只有一類 ------ 廁所桃!!!




每次在酒店吃桃, 都不敢在起居室, 因為一口咬下, 桃汁都會"必"到周圍都係, 只好躲在廁所, 在洗面盤上盡情的吃吃吃, 不理汁水橫流.


 


好多水呀.......!





 


這是最貴的一次, 大約HK$70 的白桃, 不過沒想像中香甜.




青森富士蘋果, 都給比下去了.




夏天去日本, 最好天天吃桃.

21 則留言:

  1. 你有冇拎佢地返香港食呀.
    [版主回覆10/29/2008 11:54:00]哎呀, 冇呀, 因為冇手拎呀........

    回覆刪除
  2. 見到d桃真係好想一啖咬落去呀!!!!
    [版主回覆10/29/2008 11:58:00]係呀, 我想起都流口水, 那一口咬下, 滿口甜汁必到滴出來的感覺真痛快.

    回覆刪除
  3. 在廁所吃桃,很有情調呢~!
    [版主回覆10/29/2008 11:59:00]冇法啦, 怎小心也會滴到周圍都係, 唯有暱埋, 好似偷食咁.

    回覆刪除
  4. D 桃真係好靚, 實係多汁及甜! 我都好耐冇食過又多汁又甜的桃, 睇怕明年都係要去Farmer's market 買, 聽講果D先至最好.
    [版主回覆10/29/2008 12:01:00]加拿大白桃呢, 有時都幾多水和甜的, 不過沒有那種肉厚又必汁的感覺的. 我都試過去 U-pick黃桃呀, 黃桃酸d啦.

    回覆刪除
  5. momo~~ 好想食啊~
    [版主回覆10/29/2008 12:05:00]唉, 我都係, 不過千祈不要買香港日式超市那些. 超貴不在講, 那些桃是鑑生摘下來空運, 完全不是那回事呢.........唉.

    回覆刪除
  6. 你下次試下去大丸超市買, 然後拎去包裝counter, 佢地會獨個用bubble膠紙包住再入紙皮相, 拎到返香港一樣咁靚.
    [版主回覆10/29/2008 14:16:00]icic, 嘩, 大丸, 大阪最好的百貨公司!!! 她的服務好好呢! 也有些成盒買的, 包裝好好, 下次有手再買過........可惜日yen..........

    回覆刪除
  7. 嘩~ 嘩~ 嘩~ 日本的桃子啊~吃過真的超難忘!!又靚又甜又多汁! 上次去東京我地有兩次特登去大超市買桃吃,回旅館4個人切3個桃,吃得我地好感動啊~還買了哈蜜瓜,又係好多汁,吃到大家架架笑,真係開心又難忘!!最尾果日想去買一大盒返香港比家人朋友,點知唔夠時間...唉...好可惜呢!去到機場見到人地一盒二盒攞返香港,真係恨死隔離呀!日本既桃便宜很多,約$60-$70有3大個又紅又靚!二三百元有一大盒了!香港很貴吃呀!
    [版主回覆10/29/2008 14:24:00]係呀, 春天食士多啤利, 夏天食桃, 真係好味, 日本士多啤利香港還買到靚的, 桃就真係唔得, 一定要在日本吃.
     
    唉, 幾是日yen跌番呀

    回覆刪除
  8. 好似偷食咁, 笑死我喇
    [版主回覆10/29/2008 14:25:00]係, 仲要之後洗番個瓷盆, 冇法啦, 太好水,

    回覆刪除
  9. 我暑假時在北海道也嘗過此桃,第一次吃,真是驚為天人,一路食,d汁就一路滴......出名的蜜瓜都不夠它好吃!現在你講起都令我好懷念呢!
    [版主回覆10/29/2008 22:05:00]真係呀, 我最愛吃的日本水果, 是士多啤利, 桃, 蜜瓜, 西瓜......
     
    蜜瓜呢, 我喜歡富良野蜜瓜多過夕張的. 士多啤利也是香港少吃到那麼甜的.

    回覆刪除
  10. 一個桃要成十元加幣  .有機會真係要試試. 這裡的白桃淡而無味, 所以很少買.
    [版主回覆10/29/2008 22:08:00]現在一個要十幾元加幣, 在香港我也不買桃吃的, 中國的桃, 簡直像吃生蕃薯似的.

    回覆刪除
  11. 日本 農民不停研究,提陞品種的素質。其實有無攪變種工程,或是用天然配種來提陞 ?
    但 中國 內的人民只貪眼前小利,無奈!
    [版主回覆10/29/2008 22:11:00]日本的農民, 很尊重自己的事業, 日本的政府, 盡力保護農民的利益...........
     
    因此, 所以.

    回覆刪除
  12. 好掛住在日本樹上即摘即食的桃呀!
    [版主回覆10/29/2008 22:14:00]哎呀, 我未試過樹上摘呀, 在那裡的呀!!

    回覆刪除
  13. 岡山桃都好出名﹐有冇試過呀?真係好清香撲鼻﹐甜到我頂唔緊添啊﹗
    [版主回覆10/29/2008 22:18:00]咁利害, 我都要試吓呀, momo呀momo, 我幾時才再可吃呀!!
     
    http://www15.ocn.ne.jp/~aramomo/syurui.htm
     

    回覆刪除
  14. 好掛住在日本樹上即摘即食的桃呀! 好味啊 !
    [版主回覆10/29/2008 22:19:00]妳又試過??? 我唔制呀, 在那個農場呀, 下次我都要試.

    回覆刪除
  15. 看我的北海道回鄉記趣,你會發現!我自已睇返都勁懷念!
    momo momo I miss you! 
    [版主回覆10/31/2008 15:12:00]是余市山本觀光農場.......下次都要去先得.
     
    http://www.pref.hokkaido.jp/keizai/kz-ksnko/700-green/gt-shigen/k-nouen/k-nouen.htm

    回覆刪除
  16. 我都好想食呀!我已經四年無去過日本啦!攪到我心思思
    [版主回覆10/31/2008 15:13:00]唉, 日yen這麼貴, 真不知那天可望見家鄉了.

    回覆刪除
  17. 好攪笑!要唔要穿好口水"堅"先大口咬呀!
    [版主回覆10/31/2008 15:15:00]我估要呀, 可惜冇帶去, blog友在農場, 要踎低才可吃呀!

    回覆刪除
  18. 我們去日本旅行都幾乎日日食桃,一入到超市,桃的香味撲鼻,好難忘。真係太正啦﹗
    我們沒有在廁所食,搵佐個兜兜住
    [版主回覆10/31/2008 22:35:00]大家都有呢個經驗!!
     
    無論廁所食, 踎低食, 渣兜食, 都係同一個原因.........

    回覆刪除
  19. 日本桃未食過添,hk$70一個
    [版主回覆12/05/2008 08:45:00]咦, 睇唔到呢個回應添..
     
    唉, 可惜香港買不到靚日本桃, 下次想托一箱回來, 到時請妳吃!!
     

    回覆刪除
  20. 呵呵。。。0甘多汁,要拎係廁所食,食完系咪要沖返個涼尼???
    尼度地,都係美國入口較甜,本地的很“淡茂茂”~
    [版主回覆12/05/2008 08:49:00]食完要洗廁所..........個洗面盤呀, 這是最佳食桃的地方
     
    美國, 加拿大的桃都食過, 黃肉桃酸酸的, 白肉就好d, 不過都係普通, 中國的桃, 像食生蕃薯, 放到爛到係"腎腎"的.

    回覆刪除
  21. 我係 citysuper 都買過來食...........真係十級多汁 ~ 但係真係好貴............
    [版主回覆12/05/2008 08:52:00]你好呀yo
     
    citysuper的都係7級多水呢, 而且好貴. 所以我都係好少吃, 唉可惜依家d yen升到8幾, 我都係唔去lu.

    回覆刪除