2008年10月22日 星期三

東京之行(6) - Madeleine大比拼

做個幾次madeleine, 都是乾乾的.......東京之旅, 吃了幾個名牌madeleine和financier........


首選是東京銀座Henri Charpentier的三合一小禮盒, 一個原味貝殼蛋糕, 一多朱古力費南雪, 一個原味費南雪, 放在漂亮的盒子中, 再結上典雅的絲帶蝴蝶結........



貝殼蛋糕, 外型勻稱, 油潤細嫩, 柔軟緻密, 最上品呀........我做的完全不是那回事.


費南雪, 稍嫌沒有焦牛油味, 朱古力卻濃得化不開!


 


下面是Mont St Clair的迷你貝殼, 好可愛呀! 辻口博啟的書裏曾描述這是他兒時之味, 有特別感情呢!


口感是比較乾爽的, 沒有太大的驚喜, 不過真的是樸實一點的感覺.



下面是在百貨公司買的Morozoff貝殼蛋糕, 十二分的油潤, 軟軟的入口即化, 不過實在是 : "罪過, 罪過" 滿口都是油.



很特別的是糕底也是用模子壓得平平的.


夠了, 爆quota了!!!


21 則留言:

  1. 大比拼again??
    [版主回覆10/23/2008 10:45:00]拼了命試味呀!

    回覆刪除
  2. Hoh hoh hoh! 圖1的樣本是Henri Charpentier... 我都有呀! P.S. 我依家用microwave叮緊'熊本栗子'! 好好玩!
    [版主回覆10/23/2008 10:46:00]哈哈, 妳真識貨, 妳真識貨.
     
    熊本栗子, 怎玩的呀, 味道如何???

    回覆刪除
  3. Madeleine我也想試做,但一想到要吃那麼多牛油....都係買回來吃一兩個算了
    [版主回覆10/23/2008 10:57:00]Madeleine真是易做難精, 做出來永遠是實實的, 代價又太大.
     
    我係在日本見到靚嘢才破戒咋, 普通的就不值得犧牲僅餘的quota, 妳知啦, 我已冇乜身材了

    回覆刪除
  4. 你係鍾意食先買, 定係因為鍾意整, 所以想買黎試下人地既出品呢?
    [版主回覆10/23/2008 10:50:00]妳真係一語道破了, 我是玩過覺得好奇才買來試呢, 純粹貪玩, 吃呢, 都好吃的, 如果吃完不會肥.........

    回覆刪除
  5. 日本既蛋糕多是油潤細密~ 濕濕潤潤的, 又香甜
    我試過加多D牛油整, 睇到D牛油好似煎梗件蛋糕咁呀  
    [版主回覆10/23/2008 10:53:00]香港我很少吃呀, 有一次買了一件Delifrance的, 簡直是一片糕乾, 我情願吃牛油蛋糕了, 話時話, 牛油蛋糕的牛油不比madeleine少呢!
     
    妳做的有得睇嗎, 柔軟嗎?

    回覆刪除
  6. 油潤細嫩, 柔軟緻密, 最上品... 我都想試下呀!
    [版主回覆10/23/2008 10:53:00]可惜香港冇代理. 東京和大阪近郊蘆屋都有分店.

    回覆刪除
  7. 我以前都試過朱古力化不開,後來我唔直接放落D粉到,反而先用暖牛油把朱古力粉溶化,會有意想不到嘅效果
    昨日做咗兩個橙汁蛋糕(海绵板)但用了你雪芳橙的味道,效果相當OK
     
    [版主回覆10/23/2008 10:55:00]係呀, 可可是油脂為主, 脂溶的. 你做的是朱古力madeleine嗎?

    回覆刪除
  8. 朱古力好吸引呀
    [版主回覆10/23/2008 10:55:00]勁朱呀! 不過仍是plain的吃到真味.

    回覆刪除
  9. 剩係個盒都已經引C人啦~
    [版主回覆10/23/2008 10:56:00]個盒好高貴的呀, 送禮一流, 又不是太貴.

    回覆刪除
  10. 嘩~ 包裝靚蛋糕仲靚!!! 真係有啲唔捨得食, 你有冇做過化不開既朱古力費南雪呀?  好想試呀
    [版主回覆10/23/2008 18:07:00]送禮佳品呀!! 我都唔捨得, 所以影了相先食.
     
     

    回覆刪除
  11. Fatgarfield 肥加菲2008年10月23日 中午12:28

     A moon, what will happen if one day you travel to Paris? Even more pastry shops, even more sinful?!?!
    [版主回覆10/23/2008 18:08:00]我只是匆匆到過巴黎一次, 那時還未識什麼是靚餅呢........將來有機會要試吓了.

    回覆刪除
  12. 因為公司, 所以時常有機會食到唔同既日本蛋糕~
    唉.....我梗係未研究到啦, 你鑽研完雪芳就好研究呢個啦, 到時SHARE個食譜俾我
    [版主回覆10/23/2008 18:10:00]嘩, 咁正!!! 日本出trip真是優差呀!!
     
    我不敢研究呀, 做過一輪, 已怕得要死了, 肥!!!!!!!!

    回覆刪除
  13. 你成日去日本ga?? so jealous
    [版主回覆10/23/2008 18:10:00]不是呀, 只是8月的貨尾而已.......

    回覆刪除
  14. 呢一味我反而麻麻地, 我都係鐘意D蛋糕輕軟! 不過, 貝殼蛋糕又真係好鬼可愛既.
    [版主回覆10/23/2008 20:44:00]我的至愛, 當然是雪芳蛋糕啦, 貝殼蛋糕, 超肥, 不過它確是法國傳統名點, 也可一吃呀, 一吃停不了.......

    回覆刪除
  15. 舊朱古力磚一睇就知道係非常超級濃味呀!
    [版主回覆10/23/2008 20:44:00]絕品呀!!!

    回覆刪除
  16. Moon哥,唔好食咁多啊,真係爆quota架,每一件都好肥,點解會咁香,因為勁多牛油囉,不過唔肥又唔好食喎,你話係咪好矛盾呢
     
    係呢,點解貝款蛋糕背面係平既?我做的是凸啊!
    [版主回覆10/24/2008 16:57:00]冇啦, 係去旅行至咁放肆的呢. 我自己好久好久才玩一次的呢.
     
    一般madeleine是爆背的, 但是這個可能是連背部也有模子壓著的吧, 很特別的.

    回覆刪除
  17. 看起来好好吃。 おいしそう。
    [版主回覆10/24/2008 17:06:00]はじめましてね!
    そうよ! 次回東京に行けば、このケーキを食べてみて!
     
    妳好呀!
    係呀! 下次去東京, 記得買來試試呀!

    回覆刪除
  18. 唉, 下次都唔睇你既blog了, 睇完之後我忍唔住買左個金融家mode....
    [版主回覆10/24/2008 17:07:00]hehe, 一次半次, 唔緊要啦! 好唔好食呀?

    回覆刪除
  19. I bot a box of  Henri Charpentier biscuits last time.. didn't know they are famous I was only attracted by their packaging.. I have a colleague who's going to Japan next week.. told her to buy me a box of their cake lor! can't wait!
    [版主回覆10/25/2008 23:57:00]靚嘢來呀, 比較過就知是上品, 香港不知那裡吃到..........

    回覆刪除
  20. 近排好放肆渦~竟然越吃越肥~~ 小心爆胎呀!!!
    [版主回覆10/28/2008 08:14:00]是之前去日本的事了, 我去完返來~~~~~~~~瘦了幾磅呢!

    回覆刪除
  21. 係啦,我買左個費南雪,模仲未開齋,係時候啦!
    [版主回覆10/29/2008 22:20:00]記得分享成果呀, 唉, 我做的madeleine不行呢!

    回覆刪除