2008年9月6日 星期六

月餅夢工場

一年容易(亦很不容易)又中秋, 有誰召集我們做月餅? 幸好有妳們呀好姐妹



隨著工藝和技術進步, 膠模的質素已經接近木模了, 而且用膠模的寧靜溫文, 和木模的砰砰澎澎, 又是令一番光景........我們用了膠模, 除了豬仔和加菲.


 麵團發好了, 其實是冰皮. 有薄膜咖


謝謝妳們不辭勞苦的準備一切........


好好玩呀! 一邊試, 一邊做, 記起了很多遺忘了的竅門, 和即場發現的一些新的心得.


1.    鹹蛋黃別忘了去掉蛋黃膜.


2.    麵團是用切開疊起壓扁的方法搓, 避免起筋, 最好靜置半天, 麵團會油滑很多, 用前再切疊幾下.


3.    月餅要撲高筋粉幫助脫模的, 膠模是不上粉的, 所以不灑粉在模中, 而是掃粉在月餅麵團上, 才入模, 效果超好, 不怕有過多粉黏在餅面.


4.      掃面蛋水用一蛋扣起一半蛋白, 加約50%, 月餅先180-200度焗熟至淺金色, 掃一次待乾再掃一次, 回爐150-160度焗至完全上色.


5.      情願焗耐少少也不要太高溫, 入爐前要噴水在餅皮, 避面出現爆裂場面.


食譜在此




做了大大小小廣式冰皮黃蓮白蓮豬仔加菲不下一百個餅. 


冰皮餅皮軟滑, 奶黃餡甘香有不太甜, 好好吃呀, 不過做起來比廣式月餅難度高好多.


廣式月餅要等回油, 三天之後才有得吃.


    

    
 
 
     
 


自從開始了第一次, 做中秋月餅, 永遠是我的夢, 這段日子, 總是最開心也是最神傷的.......多少離合, 到如今仍是水調歌頭


不應有恨      何事長向別時圓


人有悲歡離合      月有陰晴圓缺


此事古難全       但願人長久       萬里共嬋娟


仔仔細細珍重呀!


-----------------------------------------------------------------------------


今天吃了豬仔餅了, 好好食呀, 有餡的, 我很享受吃那又香又甜又有麵粉質感的餅皮呀! 廣式月餅那陣香味, 是其他所有月餅所沒有的, 所以, 千萬不要用英國的金獅糖漿呀!!! 英國人怎會做月餅!!!?


-----------------------------------------------------------------------------


今天吃了"加菲"了heehee, 原來裏面是豆沙餡呀! 好香甜, 好好吃, 可是有點失落, 我想吃厚厚的餅皮呢!...........哎, 老友不要罵我折福


------------------------------------------------------------------------------


終於可以切自製月餅了, 哎呀~~~ 怎麼唯一留給自己的是個半黃!!!(全黃的全送了家人朋友吧, 各位, 各安天命)~~~~唔制呀, 明年不要做半黃吧, 原來感覺真有點掃興.......雖然, 味道十分好, 比得上我在街上買最好的!!!




30 則留言:

  1. 謝謝你今天為我們把關,個了火頭大將軍,她是否好大火氣?

    [版主回覆09/07/2008 19:35:00]我的工作是最輕鬆呀, 只是玩, 沒幫手擔擔抬抬, 留下戰場一走了之........不過又真係好好玩呀!

    回覆刪除
  2. 知道你們開工做月餅大製作, 見小三個邊未有上餅, 知你實有, 哈哈, 有得食! 中秋未到, 我們已經吃掉了兩個雙黃連蓉, 咁要向你這裡攞番兩個填數 . 冰皮留番比下一位!! 你地D月餅真係做得好靚, 今年定勝舊年, 係嗎???? 做月餅係長時間大製作, 咁你有冇順手做番幾個包包呢??????? 小三個爐一次可以焗多少??成百個咁多, 你做睇火嘅都好辛苦啊!!!
    [版主回覆09/07/2008 19:43:00]今年吸收了去年的經驗, 又得各位同心協力, 順利了很多呀!
     
    我做的月餅未食得, 結果去買了個奇華雙黃蓮蓉, 都ok的, 但不是太香.
     
    月餅是流水作業, 做到冇停手, 飯也懶煮.......幸好小三的朋友做伙頭大將軍........包包要第時了
     
    小三個爐一次焗12個左右啦, 30分鐘, 結果我離開時(19:00), 還有三底未完成呢, 未問小三善後如何.
     

    回覆刪除
  3. 年年d月餅都咁靚, 羨慕死人喇~
    [版主回覆09/07/2008 19:44:00]希望一年好過一年啦!

    回覆刪除
  4. 嘩!毎個月餅都好靚仔呀!不過我都係最鍾意食豬仔餅多啲!我見奇華都要$18.00/PC,好鬼貴呀!
    [版主回覆09/07/2008 19:46:00]都有少數是裂了的, 可能爐溫要在低d, 小三個爐火氣好大呢!
     
    街上賣豬仔餅的真的不多, 但我好喜歡吃那糖香.

    回覆刪除
  5. 好羨慕你們一大群好朋一齊分享做餅的樂趣。你們的餅的花紋很清楚,味道是不是要幾天后回油才知道?
    上個月巳經食了一盒五仁月餅。兒子回香港,已托他買二盒回來。
    預祝你們中秋節快樂!
    [版主回覆09/07/2008 22:51:00]本來今年也不知有沒有落腳處 , 幸好有老友招呼呢!
    現在的膠模質素也很好的, 花紋很清晰呢!
     
    我也買了一個雙黃蓮蓉吃, 很貴呀!
     
    祝中秋快樂
     

    回覆刪除
  6. 好勁呀~ 連豬仔模都有~
    宜家街都好少見喇.
    [版主回覆09/07/2008 19:46:00]是呀, 尤其是咁靚的豬仔模, 有錢都買不到呀!

    回覆刪除
  7. 月老﹐尼排忙著做月餅﹐無時間閱讀電郵﹖﹖﹖
    [版主回覆09/07/2008 22:59:00]咦, 我個孫a moon仔覆了的呀............奇
    年青人真的冇交帶.

    回覆刪除
  8. , 不过--肥呀!!怕怕!!
    [版主回覆09/08/2008 17:36:00]一年一次, 算啦, 而且我是enjoy做多過吃的呢!

    回覆刪除
  9. 唉!月老呀月老~你孙Moon仔真不孝 ,净系顾着玩~
    所以,唔可以全部依赖d后生仔办事 ~呵呵呵。。。。。
    [版主回覆09/08/2008 17:35:00]是呀, 這年青人真要好好教訓

    回覆刪除
  10. 好正呀! 有一流水準!
    [版主回覆09/08/2008 17:34:00]還可以還可以, 希望一次比一次好, 妳的月餅也不錯呢!

    回覆刪除
  11. 响小三處我以為Ph有千里眼順風耳, 原來是你處漏了風. 一天做成二十五盒月餅. 你這個把關火頭是否差點也溶化了? 看它們靚靚出爐, 真是喜在心頭.
    [版主回覆09/08/2008 17:34:00]哈哈, jenny, 妳終於來了, 也100個餅中, 其實有不少是迷你加菲和豬仔呢!
     
    看爐火是優差, 只要靜靜坐著就可以了. 不過我也有玩其他工序呀, 這麼有趣怎可不玩呀!

    回覆刪除
  12. d 月餅好靚啊~ 中秋節快樂啊~
    [版主回覆09/08/2008 21:00:00]謝謝呀, 中秋節快樂!!!

    回覆刪除
  13. 終於等到你同小三開工整月餅啦, 今次應該無發生唔記得落油事件嗎?
    豬仔餅真係超可愛呀~
    [版主回覆09/08/2008 20:59:00]hehe, 今年幸有小三收留我, 豬仔是每年必備的節目呢, 我愛吃豬仔餅. 今年 不會了, 因為大家也不敢買菊花茶(妳竟記得 )

    回覆刪除
  14. 三寨的大制作,唔知月老的孙,系咪只做的粗重功夫尼?月老的孙所谓的粗重功夫。。。呵呵呵。。。
    [版主回覆09/09/2008 11:04:00]a moon仔咁貪玩, 梗係乜都試啦, 只是沒有買料和開粉團, 其餘每個工序, 稱料, 包餡, 包餅皮, 掃粉, 入模, 成型, 噴水, 入爐, 睇火, 掃蛋水, 焗色, 出爐.........都好好玩, 最後當然是........試食啦! 好好玩呀.

    回覆刪除
  15. 出年我都想做﹗不過想做冰皮月餅多d
    [版主回覆09/09/2008 11:05:00]我較喜歡廣式月餅呢,.
    冰皮的難度高好多呀!

    回覆刪除
  16. 多謝分享呀,真係整得好靚呀,我剛整了酥皮奶黃月餅,個皮出左事~真係好慘呀~
    [版主回覆09/09/2008 21:04:00]我未整過酥皮奶黃呢!, 相信是很難處理的呢!

    回覆刪除
  17. Fatgarfield 肥加菲2008年9月9日 晚上10:14

    Garfield mooncake ah!!!!!!!!!!!!
    [版主回覆09/09/2008 22:40:00]hehe, 係呀! 靚唔靚呀?

    回覆刪除
  18. Moon Sir你好勁,d月餅好靚,一定好好玩啫!
    [版主回覆09/10/2008 08:10:00]其實是我的朋友勁呀, 她們最勞苦功高, 沒她們我也沒得玩呀!
    BTW, 叫我a moon行了.

    回覆刪除
  19. 好犀利!勁!
    [版主回覆09/10/2008 11:58:00]只是工多藝熟吧!

    回覆刪除
  20. 請問廣式的和冰皮的奶黃餡有無分別? 可否提供食譜?Thanks in advance。
    [版主回覆09/10/2008 11:58:00]廣式是黃蓮蓉, 白蓮蓉, 在榮發買的最靚......
    http://hk.myblog.yahoo.com/joeyaysy/article?mid=1910
     
    食譜我在上面link了呢.
     
    奶黃餡呢, 今次是用烹飪團體的食譜, 我沒有修改過, 不能公開呢, sor!
     

    回覆刪除
  21. 廣式月餅係唔係真係好難整呢 ? 好似好複雜呢~
    [版主回覆09/10/2008 12:00:00]廣式月餅, 因為餡料是買的(自己根本做不到), 蛋黃也是買的, 不難呢, 手藝也易掌握, 用膠模更易.
     
    反而奶黃月淋patpat的很難做得好呢!

    回覆刪除
  22. 多謝你的來訪
    [版主回覆09/10/2008 15:45:00]謝謝妳呀, 妳也 多過來坐

    回覆刪除
  23. 係呀,個皮包左餡之後手感就好似湯圓咁~~~ 好鬼難包~`我雪左皮都唔見得好好,我真係要再睇下先,
    廉式月餅0既皮係唔係硬些少,似唔似搓撻皮太約咁上下0既硬度
    [版主回覆09/11/2008 11:12:00]冰皮真的幾高難度, 所有東西都好黏好軟的.
     
    廣式月餅易好多, 焗好是個硬殼, 要回油的.

    回覆刪除
  24. 啊!moon哥已經吃了豬仔餅! 不過我昨晚吃了個冰皮,前晚趁新鮮吃了個潮州月餅,好味呀!
    [版主回覆09/12/2008 08:04:00]係呀, 好好吃, 自製月餅星期六吃, 不過已急不及待買了兩三個月餅解饞了.

    回覆刪除
  25. 中秋節快樂﹗
    今年偷懶都沒有開工做月餅呀﹗
    [版主回覆09/12/2008 08:06:00]大家咁話, 不要緊, 妳有口金呀
    月餅可買些來吃.

    回覆刪除
  26. 一班人一齊整月餅, 真開心呀! 你地果d整得好靚喎, 咁我就睇咗當食咗la!  前兩年我都有整忌廉芝士冰皮月餅, 不過今年冇時間整了!
    [版主回覆09/13/2008 16:33:00]係呀, 幸得有人收留我, 所以才有得玩又有得食. 中秋快樂呀!

    回覆刪除
  27. 不!不會駡你,最多話你~~~~~~~作死,早知同你換啦!
    [版主回覆09/13/2008 16:34:00]hehe, 咁又唔駛換, 比多個淨皮的我啦, 多多益善

    回覆刪除
  28. 真的很有準哦!下年可以跟你們一起學習學習嗎? 我還是鍾情廣式月餅,市面上什么雪糕月餅,朱古力月餅等充其量只是甜品小吃,還是大大個,(至少)雙黃的傳統蓮蓉最有節日感。記得小學時中秋時節,媽媽為我預備小息的零食總是一大個(2-3黃)月餅,我不喜歡卻總把它們吃完,想起也怕怕,哈哈! 今年吃了東海的豆沙蛋黃和五仁月,五仁月全沒有油“億”味,很香又有 “趙”頭,大家有機會可以試試。不過人人都說五仁只有老人家才吃的。。。呵呵
    [版主回覆09/13/2008 16:41:00]hehe, 我都係拉衫尾去玩玩, 沒有什麼貢獻的.
     
    我也是, 最喜歡都是傳統廣式月餅. 滬式, 潮式, 日式, 新式......都會吃但總不似中秋月. 我想, 是兒時的味覺留到今日吧.
     
    五仁我愛吃呀, 加了火腿的金華火腿月, 綠豆雞油, 蓮蓉, 豆沙, 椰蓉我都o岩, 當然火腿和蓮蓉是我的首選.

    回覆刪除
  29. Moon哥, 祝你與威乎中秋節快樂~

    [版主回覆09/13/2008 22:39:00]大家咁話大家咁話

    回覆刪除
  30. (Empty)
    [版主回覆09/14/2008 01:20:00]哇, 多謝妳呀!!

    回覆刪除