老友記千里送來禮物, 最喜歡酸酸甜甜的紅莓乾, 心思思做一個紅莓乾裸麥包包.......
加上和太太吃lunch, 睡午覺, 這是一個幸福假期的三大元素........當然還有上上網和聽音樂, 哈哈, 好充實.
參考了高橋美子的"慢發酵麵包", 沒完全合意的, 冇問題呀, 隨心組合吧.
4個包
高粉270g 裸麥粉75g 全麥粉30g 速酵母2g(用3tsp水調勻) 奶12g 鹽6g 糖38g 淡牛油38g 水192~200g 紅莓乾75g 提子乾25g
麵團手稍搓5分至普通滑身, 包入乾果, 室溫發酵1~1.5小時, 翻麵, 放雪櫃3-4小時(出街囉!) , 取出分割4份滾圓靜置0.5小時, 做型, 末發酵1小時左右, 撲粉劃痕, 入爐200度焗25~30分鐘
鬆而結實, 又香又甜, 加了牛油真的好好吃!! 可惜一星期只能玩一次.........
最鍾意食紅莓架啦.
回覆刪除[版主回覆09/29/2008 15:35:00]係呀, 酸酸甜甜, 妳一定鍾意了, 我都好鍾意呀!!!
無計啦！我都係一星期玩一次喳！所以一有假放，我就要玩盡佢。
回覆刪除cranberry??? 做包, 餅仔我都係麻麻, 做 granola bars 又吾同. 是什麼假期呢???
回覆刪除[版主回覆09/30/2008 11:20:00]hehe, 但我喜歡酸酸甜甜的呢, 加買麥味都幾好食.
靚呀!!!!! 不過紅莓... 我麻麻地好...
回覆刪除[版主回覆09/30/2008 11:25:00]heehee, 我就幾喜歡, 得我一人吃咋, 太太都不好的.
0甘~你用它來做雪芳嗎﹖
回覆刪除[版主回覆09/30/2008 20:54:00]酸味和雪芳不夾呢, 不過我會空口吃, 已吃了大半包.......
紅莓及藍莓都是很有益的乾果. 我用紅莓做過軟包都很好味. 你這個是健康包
回覆刪除[版主回覆10/01/2008 21:13:00]這包包下了牛油, 不算最健康, 不過下牛油真的好香!
紅莓好有益嫁 ...所以我都唔食提子..改食紅莓了 ...
回覆刪除你d包包真係好靚好靚呵
[版主回覆10/01/2008 21:17:00]提子是我的至愛呀, 所以今次我兩樣都有落, 好吃的都是有益的
好似好好味咁播
回覆刪除[版主回覆10/01/2008 21:17:00]好香的, 酸酸甜甜, 不過高溫焗, 很快老化呢!
唔知點解, 2 間City super都冇 裸麥粉賣喎...
回覆刪除[版主回覆10/08/2008 17:32:00]吓, 咁奇, 應該有喎, 連Rye flour都搶晒?
去bakingware house 買啦.
http://www.bakingwarehouse.com/2004-04/index_2005_03.asp?language=Chinese
我入去睇過啦, 但都冇Rye flour喎...
回覆刪除[版主回覆10/08/2008 20:54:00]算啦, bakingware house的更靚d