一年容易(亦很不容易)又中秋, 有誰召集我們做月餅? 幸好有妳們呀好姐妹
已轉移slide photo
隨著工藝和技術進步, 膠模的質素已經接近木模了, 而且用膠模的寧靜溫文, 和木模的砰砰澎澎, 又是令一番光景........我們用了膠模, 除了豬仔和加菲.
麵團發好了
, 其實是冰皮. 有薄膜咖謝謝妳們不辭勞苦的準備一切........
好好玩呀! 一邊試, 一邊做, 記起了很多遺忘了的竅門, 和即場發現的一些新的心得.
1. 鹹蛋黃別忘了去掉蛋黃膜.
2. 麵團是用切開疊起壓扁的方法搓, 避免起筋, 最好靜置半天, 麵團會油滑很多, 用前再切疊幾下.
3. 月餅要撲高筋粉幫助脫模的, 膠模是不上粉的, 所以不灑粉在模中, 而是掃粉在月餅麵團上, 才入模, 效果超好, 不怕有過多粉黏在餅面.
4. 掃面蛋水用一蛋扣起一半蛋白, 加約50%水, 月餅先180-200度焗熟至淺金色, 掃一次待乾再掃一次, 回爐150-160度焗至完全上色.
5. 情願焗耐少少也不要太高溫, 入爐前要噴水在餅皮, 避面出現爆裂場面.
做了大大小小廣式冰皮黃蓮白蓮豬仔加菲不下一百個餅.
冰皮餅皮軟滑, 奶黃餡甘香有不太甜, 好好吃呀, 不過做起來比廣式月餅難度高好多.
廣式月餅要等回油, 三天之後才有得吃.
自從開始了第一次, 做中秋月餅, 永遠是我的夢, 這段日子, 總是最開心也是最神傷的.......多少離合, 到如今仍是水調歌頭
不應有恨 何事長向別時圓
人有悲歡離合 月有陰晴圓缺
此事古難全 但願人長久 萬里共嬋娟
仔仔細細珍重呀!
---------------------------------------------------------
今天吃了豬仔餅了, 好好食呀, 有餡的, 我很享受吃那又香又甜又有麵粉質感的餅皮呀! 廣式月餅那陣香味, 是其他所有月餅所沒有的, 所以, 千萬不要用英國的金獅糖漿呀!!! 英國人怎會做月餅!!!?
---------------------------------------------------------
今天吃了"加菲"了heehee, 原來裏面是豆沙餡呀! 好香甜, 好好吃, 可是有點失落, 我想吃厚厚的餅皮呢!...........哎, 老友不要罵我折福
-------------------------------------------------------
終於可以切自製月餅了, 哎呀~~~ 怎麼唯一留給自己的是個半黃!!!(全黃的全送了家人朋友吧, 各位, 各安天命)~~~~唔制呀, 明年不要做半黃吧, 原來感覺真有點掃興.......雖然, 味道十分好, 比得上我在街上買最好的!!!
謝謝你今天為我們把關，個了火頭大將軍，她是否好大火氣？
回覆刪除[版主回覆09/07/2008 19:35:00]我的工作是最輕鬆呀, 只是玩, 沒幫手擔擔抬抬, 留下戰場一走了之........不過又真係好好玩呀!
知道你們開工做月餅大製作, 見小三個邊未有上餅, 知你實有, 哈哈, 有得食! 中秋未到, 我們已經吃掉了兩個雙黃連蓉, 咁要向你這裡攞番兩個填數 . 冰皮留番比下一位!! 你地D月餅真係做得好靚, 今年定勝舊年, 係嗎???? 做月餅係長時間大製作, 咁你有冇順手做番幾個包包呢??????? 小三個爐一次可以焗多少??成百個咁多, 你做睇火嘅都好辛苦啊!!!
回覆刪除[版主回覆09/07/2008 19:43:00]今年吸收了去年的經驗, 又得各位同心協力, 順利了很多呀!
我做的月餅未食得, 結果去買了個奇華雙黃蓮蓉, 都ok的, 但不是太香.
月餅是流水作業, 做到冇停手, 飯也懶煮.......幸好小三的朋友做伙頭大將軍........包包要第時了
小三個爐一次焗12個左右啦, 30分鐘, 結果我離開時(19:00), 還有三底未完成呢, 未問小三善後如何.
年年d月餅都咁靚, 羨慕死人喇~
回覆刪除[版主回覆09/07/2008 19:44:00]希望一年好過一年啦!
嘩！毎個月餅都好靚仔呀！不過我都係最鍾意食豬仔餅多啲！我見奇華都要$18.00/PC，好鬼貴呀！
回覆刪除[版主回覆09/07/2008 19:46:00]都有少數是裂了的, 可能爐溫要在低d, 小三個爐火氣好大呢!
街上賣豬仔餅的真的不多, 但我好喜歡吃那糖香.
好羨慕你們一大群好朋一齊分享做餅的樂趣。你們的餅的花紋很清楚，味道是不是要幾天后回油才知道？
回覆刪除上個月巳經食了一盒五仁月餅。兒子回香港，已托他買二盒回來。
預祝你們中秋節快樂！
[版主回覆09/07/2008 22:51:00]本來今年也不知有沒有落腳處 , 幸好有老友招呼呢!
現在的膠模質素也很好的, 花紋很清晰呢!
我也買了一個雙黃蓮蓉吃, 很貴呀!
祝中秋快樂
好勁呀~ 連豬仔模都有~
回覆刪除宜家街都好少見喇.
[版主回覆09/07/2008 19:46:00]是呀, 尤其是咁靚的豬仔模, 有錢都買不到呀!
月老﹐尼排忙著做月餅﹐無時間閱讀電郵﹖﹖﹖
回覆刪除[版主回覆09/07/2008 22:59:00]咦, 我個孫a moon仔覆了的呀............奇
年青人真的冇交帶.
, 不过--肥呀！！怕怕！！
回覆刪除[版主回覆09/08/2008 17:36:00]一年一次, 算啦, 而且我是enjoy做多過吃的呢!
唉！月老呀月老~你孙Moon仔真不孝 ，净系顾着玩~
回覆刪除所以，唔可以全部依赖d后生仔办事 ~呵呵呵。。。。。
[版主回覆09/08/2008 17:35:00]是呀, 這年青人真要好好教訓
好正呀! 有一流水準!
回覆刪除[版主回覆09/08/2008 17:34:00]還可以還可以, 希望一次比一次好, 妳的月餅也不錯呢!
响小三處我以為Ph有千里眼順風耳, 原來是你處漏了風. 一天做成二十五盒月餅. 你這個把關火頭是否差點也溶化了? 看它們靚靚出爐, 真是喜在心頭.
回覆刪除[版主回覆09/08/2008 17:34:00]哈哈, jenny, 妳終於來了, 也100個餅中, 其實有不少是迷你加菲和豬仔呢!
看爐火是優差, 只要靜靜坐著就可以了. 不過我也有玩其他工序呀, 這麼有趣怎可不玩呀!
d 月餅好靚啊~ 中秋節快樂啊~
回覆刪除[版主回覆09/08/2008 21:00:00]謝謝呀, 中秋節快樂!!!
終於等到你同小三開工整月餅啦, 今次應該無發生唔記得落油事件嗎?
回覆刪除豬仔餅真係超可愛呀~
[版主回覆09/08/2008 20:59:00]hehe, 今年幸有小三收留我, 豬仔是每年必備的節目呢, 我愛吃豬仔餅. 今年 不會了, 因為大家也不敢買菊花茶(妳竟記得 )
三寨的大制作，唔知月老的孙，系咪只做的粗重功夫尼？月老的孙所谓的粗重功夫。。。呵呵呵。。。
回覆刪除[版主回覆09/09/2008 11:04:00]a moon仔咁貪玩, 梗係乜都試啦, 只是沒有買料和開粉團, 其餘每個工序, 稱料, 包餡, 包餅皮, 掃粉, 入模, 成型, 噴水, 入爐, 睇火, 掃蛋水, 焗色, 出爐.........都好好玩, 最後當然是........試食啦! 好好玩呀.
出年我都想做﹗不過想做冰皮月餅多d
回覆刪除[版主回覆09/09/2008 11:05:00]我較喜歡廣式月餅呢,.
冰皮的難度高好多呀!
多謝分享呀,真係整得好靚呀,我剛整了酥皮奶黃月餅,個皮出左事~真係好慘呀~
回覆刪除[版主回覆09/09/2008 21:04:00]我未整過酥皮奶黃呢!, 相信是很難處理的呢!
Garfield mooncake ah!!!!!!!!!!!!
回覆刪除[版主回覆09/09/2008 22:40:00]hehe, 係呀! 靚唔靚呀?
Moon Sir你好勁，d月餅好靚，一定好好玩啫！
回覆刪除[版主回覆09/10/2008 08:10:00]其實是我的朋友勁呀, 她們最勞苦功高, 沒她們我也沒得玩呀!
BTW, 叫我a moon行了.
好犀利！勁！
回覆刪除[版主回覆09/10/2008 11:58:00]只是工多藝熟吧!
請問廣式的和冰皮的奶黃餡有無分別？ 可否提供食譜？Thanks in advance。
回覆刪除[版主回覆09/10/2008 11:58:00]廣式是黃蓮蓉, 白蓮蓉, 在榮發買的最靚......
http://hk.myblog.yahoo.com/joeyaysy/article?mid=1910
食譜我在上面link了呢.
奶黃餡呢, 今次是用烹飪團體的食譜, 我沒有修改過, 不能公開呢, sor!
廣式月餅係唔係真係好難整呢 ? 好似好複雜呢~
回覆刪除[版主回覆09/10/2008 12:00:00]廣式月餅, 因為餡料是買的(自己根本做不到), 蛋黃也是買的, 不難呢, 手藝也易掌握, 用膠模更易.
反而奶黃月淋patpat的很難做得好呢!
多謝你的來訪
回覆刪除[版主回覆09/10/2008 15:45:00]謝謝妳呀, 妳也 多過來坐
係呀,個皮包左餡之後手感就好似湯圓咁~~~ 好鬼難包~`我雪左皮都唔見得好好,我真係要再睇下先,
回覆刪除廉式月餅0既皮係唔係硬些少,似唔似搓撻皮太約咁上下0既硬度
[版主回覆09/11/2008 11:12:00]冰皮真的幾高難度, 所有東西都好黏好軟的.
廣式月餅易好多, 焗好是個硬殼, 要回油的.
啊!moon哥已經吃了豬仔餅! 不過我昨晚吃了個冰皮,前晚趁新鮮吃了個潮州月餅,好味呀!
回覆刪除[版主回覆09/12/2008 08:04:00]係呀, 好好吃, 自製月餅星期六吃, 不過已急不及待買了兩三個月餅解饞了.
中秋節快樂﹗
回覆刪除今年偷懶都沒有開工做月餅呀﹗
[版主回覆09/12/2008 08:06:00]大家咁話, 不要緊, 妳有口金呀
月餅可買些來吃.
一班人一齊整月餅, 真開心呀! 你地果d整得好靚喎, 咁我就睇咗當食咗la! 前兩年我都有整忌廉芝士冰皮月餅, 不過今年冇時間整了!
回覆刪除[版主回覆09/13/2008 16:33:00]係呀, 幸得有人收留我, 所以才有得玩又有得食. 中秋快樂呀!
不！不會駡你，最多話你~~~~~~~作死，早知同你換啦！
回覆刪除[版主回覆09/13/2008 16:34:00]hehe, 咁又唔駛換, 比多個淨皮的我啦, 多多益善
真的很有準哦！下年可以跟你們一起學習學習嗎？ 我還是鍾情廣式月餅，市面上什么雪糕月餅，朱古力月餅等充其量只是甜品小吃，還是大大個，（至少）雙黃的傳統蓮蓉最有節日感。記得小學時中秋時節，媽媽為我預備小息的零食總是一大個（2-3黃）月餅，我不喜歡卻總把它們吃完，想起也怕怕，哈哈！ 今年吃了東海的豆沙蛋黃和五仁月，五仁月全沒有油“億”味，很香又有 “趙”頭，大家有機會可以試試。不過人人都說五仁只有老人家才吃的。。。呵呵
回覆刪除[版主回覆09/13/2008 16:41:00]hehe, 我都係拉衫尾去玩玩, 沒有什麼貢獻的.
我也是, 最喜歡都是傳統廣式月餅. 滬式, 潮式, 日式, 新式......都會吃但總不似中秋月. 我想, 是兒時的味覺留到今日吧.
五仁我愛吃呀, 加了火腿的金華火腿月, 綠豆雞油, 蓮蓉, 豆沙, 椰蓉我都o岩, 當然火腿和蓮蓉是我的首選.
Moon哥, 祝你與威乎中秋節快樂~
回覆刪除[版主回覆09/13/2008 22:39:00]大家咁話大家咁話
(Empty)
回覆刪除[版主回覆09/14/2008 01:20:00]哇, 多謝妳呀!!