2009年2月23日 星期一

再來柚子蜜雪芳 --- 兩個, 死未 :p

心思思, 一放假立即做多個柚子蜜雪芳蛋糕, 太太朋友送的一大瓶, 已給我用了一半 :p


Lyric的好丫, 抑或做小阮子的好呢? 兩個都試吧..........我想.


Lyric的是多水版本, 有點害怕, 先做小阮子的食譜, 跟足........唉, 怎麼攪, 仍是有少少凹, 雖然已很不錯, 但是小阮子的是完全成功呀!!!


更加證明, 問題不是出在材料份量, 也不是麵粉folding, 也不是蛋白打發, 看來是出爐後的問題........是不是爐溫不足(我看了超潤Q, 說爐溫高會引致塌陷, 所以我把爐溫降至160度, 可能實得130度), 糕肉熟得不穩定, 出爐稍為移動, 令糕肉塌陷???


因此我用了心思思用我的原來食譜, 180度(我的爐很斯文, 測溫槍結果是模身只有140度), 焗到表面焦黃, 出爐是小心翼翼, 輕輕倒置.........待涼2小時, 脫模. 成功了!!!


除了爐溫更高, 待涼更久, 同一個食譜, 今次成功了, 是不是這原因, 我也不敢說呢!


 





































 


小阮子


A moon


蛋黃


40g


45g


蛋白


160g


140g


低粉


70g


75g



70g


60g



40g


35g


柚子蜜


55g


50g



10g


30g


 


 


 


 


 


 


 


 


 


        小阮子食譜的......                                             A moon食譜......


 
 
 



19 則留言:

  1. 你瘋狂咁做雪芳... 點食得哂呀???
    [版主回覆02/23/2009 17:08:00]食得晒, 我比d太太吃, 自己又用來做早餐, ok的, 不過又真係幾瘋狂

    回覆刪除
  2. 唔知點解, 我做的柚子雪芳都係偏濕.
    [版主回覆02/23/2009 17:15:00]如果只是偏濕, 不是結層或塌陷, 那只要焗透一點就可以了.
     
    我的雪芳蛋糕, 不偏濕, 幾爽, 但有時會無端端凹陷, 更奇.

    回覆刪除
  3. 睇黎整雪芳蛋糕好似唔係咁容易咁 wor...
    我到而家都仲未整過呀...
    [版主回覆02/23/2009 17:17:00]都唔係丫, 雪芳蛋糕不難做的, 只係唔知點解近排我發了餅瘟. 其實不嬲都幾成功的.

    回覆刪除
  4. 好一個戚風痴!! 欣賞你既"唔死心"!!!  不繼去尋求真相~~~  
     
    [版主回覆02/23/2009 17:33:00]哎, 痴得好交關, 不過又幾好玩的, 所以鑽研一下啦

    回覆刪除
  5. 可能係爐溫。我家焗爐好熱情, 所以我買左個焗爐溫度計, 四十幾蚊之嘛, 長期放係爐裏面, 咁實知個爐d溫度有無錯啦。
    今次都好成功呀!
    呀, 還有其實我食譜出自超Q潤本書, 但我成日將D水同果泥份量自己增加, 做出我自己喜歡的口感。
    [版主回覆02/23/2009 17:38:00]好可能係. 我個爐已經比較斯文, set180度, 隨時得140-150度, 而且我看了超潤Q, 最後幾頁, 說蛋糕凹陷是因為爐溫太高, 所以我又較低20度..........
     
    我做過超潤Q, 蛋糕塌到不似糕形, 還罵她騙人, 原來妳比她還多水份, 我看, 也是因爐溫的問題........呀, 那麼多水份和高爐溫, 雪芳蛋糕不會爆到七彩嗎?

    回覆刪除
  6. 你呢排好喜爱说谎喔!我都做0左啦, 不过没post上来。
    [版主回覆02/23/2009 17:41:00]哈哈, 我一直都愛做雪芳蛋糕, 喜歡它簡單好吃又不太肥. ,
     
    有空post來分享吓啦.

    回覆刪除
  7. 第一次留言, 被你的好學精神吸引
    今次很成功啦, 好一個"A"貨, 一樣正!
    (我諗我都係要買番個溫度計...唉 )
    [版主回覆02/23/2009 17:44:00]歡迎歡迎.
     
    我那是好學, 貪玩就真. 謝謝妳的鼓勵.
     
    我都買了, 一枝紅外線溫槍.

    回覆刪除
  8. 你真係好鐘意做雪芳喎~我咁耐都只係做過2種味, 就係橙味同奇異果味, 不過我都係最鐘意橙味, 我諗柚子味應該都好香~
    [版主回覆02/23/2009 21:09:00]我喜歡雪芳, 又想, 做, 到吃, 都喜歡.
     
    橙味好好呀, 我最喜歡. 奇異果不行呀, 做雪芳, 大多用芬芳的水果做的.

    回覆刪除
  9. 唔係呀...我覺得都好成功呀
    [版主回覆02/24/2009 08:08:00]其實都算唔錯了, 不過真想找出方法, 以後都不想做出凹陷的雪芳蛋糕.........

    回覆刪除
  10. 呢個戚風蛋糕好成功脫模,吾難整呀!
    [版主回覆02/24/2009 08:12:00]就係一個咁簡單的雪芳蛋糕都做到凹左幾次, 先至谷起我的求知欲, 唉, 希望加高爐溫, 和徹底待涼有幫助啦.

    回覆刪除
  11. 你太太最近有冇柚子蜜雪芳恐懼症呀
    [版主回覆02/24/2009 08:42:00]冇呀, 她在出爐時吃了一塊, 朋友來吃了一塊, 其他........我倒開始有恐懼症了........

    回覆刪除
  12. 哎唷~~ 我唔記得食@@" 下次下次....XD
    [版主回覆02/24/2009 11:13:00]係喎! 那天太忙, 忘了招呼妳, 唔好意思呀!

    回覆刪除
  13. Sally Ho 莎莉豪2009年2月24日 上午9:40

    你咁成功, 下次又玩乜呀?
    [版主回覆02/24/2009 11:15:00]下次玩朱古力, 再想試Lyric的超潤Q, 仲有好想玩包包, 好耐冇玩了, 哎, 最好全職玩耍就好了........

    回覆刪除
  14. A-moon, 你的食譜用了咁多次, 我(相信還有其他人)亦用了你的食譜多次, 一点問題都冇, 所以問題不在食譜, 可能真係你的舊爐問題. 我倒想你試試Lyric 那個超Q軟, 然後我就來偷,

    回覆刪除
  15. Fatgarfield 肥加菲2009年2月24日 上午11:42

    Looks like you're able to make a perfect chiffon once again! Hurray!
    [版主回覆02/24/2009 14:20:00]我估我都接近成功了..........一個要求 : 唔好凹陷........係咪一個好低的要求?

    回覆刪除
  16. 試下用第二個爐就知是不是爐溫的問題!
    [版主回覆02/24/2009 14:22:00]我冇第二個爐呀~~~ 不過, 不少雪友來交流經驗, 她們的作品就是證明, 食譜冇問題, 手勢也冇問題.......那麼, 多數是爐的問題! 下次我較高溫d.

    回覆刪除
  17. 其實係我地太掛住d朱古力o者~~~~~ moon哥幾時再整啊??? 個熱情果餡等緊你呀~~
    [版主回覆02/24/2009 20:50:00]我估再下個星期啦, 我想玩吓包包先, 熱情果餡雪住, 冇問題.

    回覆刪除
  18.  "說謊" 蛋糕真真難攪   你好有恆心呵! 我個模借左俾小撇撇暫時唔可以同你研究研究, 佢整左二個喇, 都好成功啊~ 你地研究住先啦
     
    [版主回覆02/27/2009 07:35:00]其實又唔係咁難, 只係我近月"撞牆"啫, 多謝妳們的分享, 我又學左好多嘢, 我都想試吓妳和Lyric的方法. 我會繼續做的, 它是我早餐之一呀
     
    快d歸隊啦

    回覆刪除
  19. Lyric既食譜水份有成100g, 真係好多水
    [版主回覆03/02/2009 22:42:00]我都未夠膽試呀, 怕爆發......

    回覆刪除