2011年10月1日 星期六

我終於都破戒了

手搓包包都6年了.....還記得由最初幾個餅友"也也烏"研究來研究去, 到各自發展; 由搓到一身汗, 到現在"舉重若輕"......一直都好享受手搓麵團,那份專注,手感, 自家感覺......





不過機搓的一些效果, 是手搓不能做到的, 例如起橡皮手套般的薄膜, 手搓是永遠也做不到的,


自從知道有KA, 雖然一次都未用過, 這個扭動蛇腰的dough hook麵團勾迷倒我多年了, 所以......終於......





本來是等出年大日子才考慮的, 但剛好老友識得人有折扣, 喂, 出年唔知咩世界喎, 買啦!!! 好啦, 死就死啦!


記得近年買很多個第一次, 也是老友推動的, 今次也是老友的慫恿(不知是否可以說是損友呢haha)





我都冇想過買部咁勁的機, Kenwood Kitchen Machine KM020 Major Titanium 哇,.......6.7L 容量, 1500W 大馬力......可以打 2400g 麵團, 嘩, 我個焗爐頂多焗500g麵團左右咋噃......好勁好勁......仲有三個高中低速外加機器接口......大才少用噃......





講靚仔, 就KA靚仔d, 但就算和KA7Qt的 970W 比, 我的KM020的 1500W 大力得多. 高速攪動時也不會扎扎跳, 體型也不算大, 找到一個角落安置它....


看, 250g粉400g的麵團, 小得多可憐





起初, 跟它的menu, 麵團用1速打5分鐘, 噢, 和手搓的冇乜分別, 冇薄膜喎, 後來另一位老友提醒, 不要理, 打到起薄膜為止啦, 打十幾二十分鐘咖!!!~~~吓??? 我手搓, 15分鐘咋喎.......


於是打打打, 真的起到和麵包書照片的一大片跟橡皮一樣的薄膜了!!! 手搓, 是永遠也不能做到的.......(有點懷疑麵包書說自己是手搓起膜, 是不是有"秘技"的呢?)


可惜冇手再拍薄膜照片.





試驗品1 : 甜餐包 - 打5分鐘, 麵團和手搓的差不多, 用了英國硬麵粉, 不對勁.





質感比手搓的煙韌少少......





實驗品2 : 綠茶包, 又是英國硬麵粉, 又是打5分鐘.....





質感更實, 不對勁呀! 可見機搓也不是萬能, 仍要配合好的麵粉和技術.





試驗品3 : 檸檬jam包, 改用了T55法包粉一試, 搓20分鐘, 第一次起到又大又薄的薄膜了!!!





膨脹得好勁呀, 好鬆好輕.....真像一個個氣球呢! 起膜起得靚的包, 不但鬆軟, 也更耐久, 放了3天仍很鬆軟.





試驗品4 : 朱古力包.


很奇怪的是, 如果用正常的水量, 麵團比手搓是軟得多, 出現黐缸的情況, 反而用60%水, 麵團的軟度剛剛好.......那知........





麵包很乾, 哎呀, 下次要用正常水了.





試驗了幾次, 才漸漸上手, 期望日後可做一些手搓不能做得好的麵包.


22 則留言:

  1. 恭喜!恭喜!有個好幫手~ 幾銀呀?我好想賣我嗰KA,遲嚇同我講它的好與坏,等你~
    [版主回覆10/01/2011 23:18:00]希望我多d用吓部機, 但我又想玩手搓......欠的是時間:p

    回覆刪除
  2. hehe.....我都係用佢架
    [版主回覆10/02/2011 22:01:00]前輩, 分享d經驗比我丫, 妳係咪麵團打到起薄膜咖>

    回覆刪除
  3. 我早幾個月前都買咗KM010,部機真係好得,當你見到個薄膜,真係開心死。特別係整17小時中種包,因為手搓係搓唔到。 你係用1度打20分鐘?我通常用2.5度打15分鐘。  
    [版主回覆10/02/2011 22:09:00]2.5度, 哇, 好高速喎........等我又試吓先.......呀,  我發覺麵團比手搓的濕, 會黐缸底, 你的會嗎?

    回覆刪除
  4. 我幾年前都買左部:
    http://hk.myblog.yahoo.com/chinesecelery08/article?mid=1468
    不過我又唔識整包, 又懶整, 用左都無十次 !  
    依家我每個星期用麵包機整麵包食! 你咁勤力, 一定會好好利用它了。
    看看你用新機整包包,是否可以吸引到我再將部機攞番出黎用先 ! 
    [版主回覆10/02/2011 22:10:00]hehe, 我就已經搓左5次了, 不是次次都咁成功. 練好d再整d高難度d嘅.

    回覆刪除
  5. 恭喜哂, 等你新作品.
    [版主回覆10/02/2011 22:11:00]會呀會呀, 我都好想試多d.

    回覆刪除
  6. 我今日都用KA第二次搓包, 其實識手搓之後都可以用返機:P 有D好濕既麵糰都係用機搓好~雖則手搓可以減手臂~~~XD
    [版主回覆10/02/2011 22:14:00]係呀係呀, 好些包都只能用機搓才有效果, 例如17小時, ciabatta, baguette......手搓不是不可以, 效果冇咁好. 不過, 我都喜歡手搓的.

    回覆刪除
  7. 恭喜你有個好幫手呀! ^^
    [版主回覆10/03/2011 19:38:00]hehe,  仲要一段時間磨合一吓呢!

    回覆刪除
  8. 2.5度唔高,我通常係先用min-1把乾濕料完全混合成糰後轉2-2.5打至光滑就加轉回min-1加牛油,至牛油完全入晒後就轉2.5大概打多5分鐘,視乎麵糰狀態便收手........全程大約15分鐘啦,都要睇麵糰多少、水份等各樣架。
    [版主回覆10/03/2011 19:43:00]icic, thanks for sharing. menu仲教用min拌勻d粉1分鐘, 再用1速打5分鐘.......唔怪得中衰過我手搓...... 2.5速, 好的, 等我試吓先.   係喇, 有一點好奇, 我用正常的水量(麵粉的63%),手搓冇問題, 但用機搓就好濕好濕, 仲會黐缸底添, 妳有這情況嗎?

    回覆刪除
  9. 原來手搓做唔到書中既簿膜!!!! 唔怪得啦!!! 我一路到覺得係咪自己搓得唔夠時間!!!!  聽你咁講, T55好適合用機搓~~
    查實,,, 我都想買部機........
     
    [版主回覆10/03/2011 19:49:00]係呀, 初時見到一些麵包書, 話就話手搓, 跟住一幅照片, 薄膜好似醫生手套咁......不過多左經驗, 就發覺手搓的薄膜根本不會那樣......   T55粉理論上不是高筋粉(粹取率低), 但筋性很強勁, 用來做法包就好, 但做軟包會顯得韌左d.

    回覆刪除
  10. 喂喂喂﹗你咁講係咩意思先,將我地CLASSIFY為損友系列…… 我部機每次用完都係入番盒,家中實在冇地方可以比個「長生位」佢
    [版主回覆10/03/2011 22:12:00]哈哈~~~最佳損友呀~~~~ :D, 我僅僅搬左個狗竇比佢, 咁至可以多D用吓佢. 妳都快D搬返個位比佢啦.

    回覆刪除
  11. Hi Amoon, 歡迎您成為Kenwood 的用家.  我都是因為要學做麵包, 見同學們都紛紛買機, 所以我都買了.  幾好用的.  以後我又可以在您這裡偷師了.  哈哈哈. 
    [版主回覆10/03/2011 22:16:00]我都係初哥咋, 你的包包都好靚呀! 多D分享吓經驗啦.

    回覆刪除
  12. 買咗KM,恭喜恭喜!有機方便好多!雖然有時都好享受手搓包的過程,但用機隻手唔會勞損吖嘛! Enjoy!

    回覆刪除
  13. 嘩~ 一開始就咁多出品, 有排玩, 有排食呀! 原來係小六的好介紹.. 可惜我屋企真係無位!!!

    回覆刪除
  14. 太好了,你也加入KM行列,之後就又多一位明燈。 我覺得你說KM打麵糰比手搓濕, 可能是溫度的問題。 試過打含水量高的麵糰,明明材料都是對的, 越打越瀉,到最後差不多變成液體狀Slime一樣。 用手摸一下勾勾,發覺很熱, 不知道是高速打的問題還是機器容易傳熱, 也可能因廚房溫度高, 所以之後每逢天氣熱, 就把機器搬入開大冷氣的房間打,就沒有出現問題了。
    [版主回覆10/04/2011 21:43:00]妳都係用KM嗎? 幾時分享吓呢?   十分同意妳的說法, 機搓麵團真係比手搓的瀉好多, 相信是高速打麵, 摩擦力令麵團溫度上升, 麵團就軟了. 嗯.......下次照打, 之後待涼就ok吧.

    回覆刪除
  15. 答訕﹕yc, 當你知幾錢,你就會有位擺架喇﹗
    [版主回覆10/04/2011 21:44:00]haha, 妳好好找吓地方喇, yc

    回覆刪除
  16. 咁我執定個廚房先啦!  
    [版主回覆10/05/2011 22:06:00]heehee. 執得來就o岩o架喇.....:)

    回覆刪除
  17. 恭喜恭喜,又有新伙伴啦!!
    [版主回覆10/05/2011 22:08:00]希望以後好好利用它, 和試驗一下手搓和機搓的分別.

    回覆刪除
  18. 手搓少變化,你用機與手搓分別不大是因為你沒掌握到(我也是)
    有排你玩,有排你試,有時在炎熱的天氣要加冰打來降溫,你好學,我們等你寫報告.
    ps. yc, 快些執吓個位

    回覆刪除
  19. 恭喜晒, 又有新玩具

    回覆刪除
  20. 哈哈哈, 你終於用機喇! 1500W好勁喎. 你做咁少麵檲好晒播, 不如做多点益街坊朋友同事親戚+損友都好啊, 哈哈哈! 外型我就覺得 Kenwood 靚過KA.
    [版主回覆10/08/2011 08:09:36]破戒了, 本來我係"手搓派"的, 不過多個選擇都好丫. 部Major真係好大力呀, 唔怕燒機........可惜我個爐一次都係焗400g~500g麵團丫, 等焗兩輪又好難控制發烤時間.........第日試吓先.




    KA樣子古典D, 又好多顏色, 不過部部都好似樣, 好易攪錯,. KENWOOD的KMix系列都好似KA咖, 又係好多顏色, 又大力過同級KA, 都唔錯的.

    回覆刪除
  21. Moon 哥,你卒之都姣婆守唔到寡呀!係啦,都唔知啲麵包書係咪搵笨o架,成日都話用手都搓到薄膜,我用 food processor 加手搓都唔得呀!!你又唔叫你太太幫手影相,等我見識吓真正薄膜嘛!Sa 姐嗰部都好似係你呢部,但都唔覺佢搓到薄膜。

    個綠茶包望落好乾好嚡咁喎!
    [版主回覆10/10/2011 20:19:45]就係喇, 騙左我好幾年, 搓極都只係厚膜.........我好早起身做包的, 下次等她睡醒先啦.

    其實我都係喜歡手搓, 好玩d, 但係有部機, 多d選擇嘛!

    個綠茶包, 用左英國麵粉, 加上落左d綠茶粉, no good.

    回覆刪除
  22. 我都剛買了 但未識用 個幾個漿分別打咩嫁 ?

    回覆刪除