2010年1月10日 星期日

十年了, 十年了......

退出了單反世界10年以上了, 情願用傻瓜機, 年青時曾經是N記的擁躉.......


等到數碼機仔發明了, 便一直用, 比起傻瓜機, 質素已是很好了.......直到最近, DSLR真是越出越靚, 越出越平, 大家都人手一部, 試玩過, 真的很好, 是dc做不到的......


加上兩位老友記催谷一下, 算吧, "死牛一面頸"也終於飲水了.



其實也是經過詳細考慮的, 首先, 是N記還是C記? C記曾經領先十年, 但N記近年有點反超前......不過既曾失望於N記, 還不乘機轉呔, 說到底, 還不是想試吓C記!?


第二, 買EOS7D? 50D? 500D? 專業的7D......萬幾元body, 我未發達呀!......50D 和 500D 都可以考慮, 50D 重1.8磅, 500D重1磅, 問過專家, 他說輕機本身冇問題, 只係不耐撞, 和機械部份冇咁出色......我喜歡旅行和抓拍, 500D加上鏡頭, 也重2磅, 不用想了,  3-4磅會取我小命, 好, 一於500D, 加上50D的評價不是那麼出色.


最後, 是買kit set, 還是自己配lenses? kit的lenses不是不好, 但看中另一枝standard zoom lenses, Canon EF-S 17~55mm f/2.8固定光圈, 哇, 這是難得一見的定光圈好鏡, 3片非球面鏡, 2片低色散鏡.......!! 定光圈的威力, 在zoom到長焦時, 就顯示了.


不過自己買body配lenses, 價錢double也不止, 但專家朋友說, 與其買好body, 投資好lenses更值得, 好, 一於落錘!



不要以為"去買就買"一帆風順, 為了這枝鏡, 我走遍港九各大相機店, 個個都說, 這枝鏡已斷貨很久了, 幾時有? 冇人知.......最氣人是士丹利街頂的一間老店, 騙我白走一趟.......是老店, 但不老實.


十分氣餒之際, 最後陰差陽錯, 竟給我在荃灣的中完電器找到一枝"倉底遺珠", 哇, 實在太幸運了.......唉, 買鏡頭, 原來比起演唱會撲飛更難.


好了, 終於, 一切都集齊了, 500D + EF-S 17~55mm f/2.8!!!! 看那大眼睛鏡頭, 是不是很型仔!!



玩個不亦樂乎, 今天吃lunch, 帶齊500D和S90, 究竟係吃飯定去玩機咖!!?....hehe


看!


500D --- 景深控制得好薄, 看, 背景全分離了, 更出現圓點, 是f2.8的威力.



S90 --- 機仔來說, 景深已很薄, 但是要最短焦, 鏡頭放到好近才可拍到, 是另一種感覺.



500D的, 景深薄, 很潤滑的畫面......



S90 , 解像度和顏色都不錯, 但其他方面, 這張的質素差別最明顯了.



500D, 顏色較暖, 還有, 噪訊低, 整個畫面很滑, 這是大CMOS 感光元件的好處.



顏色較冷(已執過色), 但背景出現粒粒噪訊 , 是機仔的先天缺點呢.



500D --- 紅色太艷(可能我執得不好), 整個畫面很滑, 令人覺得很潤.



S90 --- 顏色較真, 不過畫面仍是有點一粒粒噪訊.......



大機有一個不好, 是太礙眼, 今天拍不了幾幅, 已有人來干涉 : 先生, 我地餐廳係唔比人拍照的.......-_____- , 我次次用S90拍拍拍, 都冇人發覺......


S90和500D兩個都仍是我老友, 尤其S90, 冇悔!


28 則留言:

  1. 好靚仔尼波!D500嗎?細妹送咖?  你有排好玩尼~
    [版主回覆01/10/2010 20:44:00]影得幾靚仔呀, 係, 500d, 我都想左好耐才決定不買50d了. 妹夫剛好又在500d kit, 我兩兄妹都同時入甕了!

    回覆刪除
  2. 十年, 相機和壽司 加埋一起是什麼 ? 猜謎? 
    [版主回覆01/10/2010 20:46:00]十多年後, 才重投單反行列.....
     
    也十年冇食壽司.......haha, 係用500D和s90拍壽司, 比一比.

    回覆刪除
  3. 前排只買左部 S90 咋喎 ...
    [版主回覆01/10/2010 20:48:00]係, 本來好有決心不買單反, 點知眾老友記紛紛買了借給我玩, 唉, 一玩, 冇計, 係靚d. 落疊......

    回覆刪除
  4. Both 相機& 壽司d 相都影得好靚   
    [版主回覆01/11/2010 12:12:00]希望映多D靚相啦!!!

    回覆刪除
  5. 我都係D5000同500D之間做緊抉擇....
    你覺得500D 好唔好用?
    [版主回覆01/11/2010 12:11:00]專家的評價, 係D5000比500D高半籌, 但是價錢貴半級.......
     
    不過500D係女仔機中冇咁女仔了, D5000好女性FEEL...
     
    講到未, 我曾失望於NIKON, 今次轉向用CANON.

    回覆刪除
  6. 之前你用機仔已經影得好靚, 等睇你用大機影 o既蛋糕相!
    [版主回覆01/11/2010 12:09:00]我都係標準拍友啫, 未成熟呢, 大機相係靚少少, 不過付出的代價是大好多........哎.

    回覆刪除
  7. 歡迎加入500D行列
    [版主回覆01/11/2010 12:06:00]我放棄50D, 買重500D, 欣賞他的輕盈體態.........希望他不會令我失望啦. 幾時試吓機呀?

    回覆刪除
  8. Sally Ho 莎莉豪2010年1月11日 上午9:53

    我目標係Canon500d Body加一個tamron 70-300mm鏡, 再加一個Cannon窮人3寶的定焦大光圈鏡(幾百蚊), 又或者係S90. 好頭痕.
    [版主回覆01/11/2010 12:05:00]咁買kit啦, 變相幾百元有一枝15-85mm f/3.5-5.6, 呢枝鏡都ok咖.
    S90呢, 係另一種態度, 唔同玩法, 他亦係dc仔中的經典呀!
    先決定dc, 定係dslr, 再想啦

    回覆刪除
  9. 哈..有時大機就係又愛又恨,想影又唔被影的感覺...係好難受......
    [版主回覆01/11/2010 15:15:00]係, 所以兩種機都有生存價值, 好可能我會兩種機都帶.......哎, 重死了.

    回覆刪除
  10. 我都係鍾意機仔多啲, 大機影食物真係好礙眼...
    想換S90呀, 尤其影夜景真係好正
    [版主回覆01/11/2010 15:17:00]機仔都ok咖, 大機就多d去到玩攝影的角度.........不過機仔都可以玩攝影.
    只不過單鏡反光可以成為相機的世界主流, 都有它的道理.

    回覆刪除
  11. wa~~ 歡迎你回到 SLR 世界呀~~
    500D 都好好啦~~~~ 用 DSLR 影過相後...會唔想用 DC 架~~ 不過下下孭住個大相機出街...又好重...都要靠個 DC SNAP-SHOT 一下~~
    [版主回覆01/11/2010 17:04:00]哈, 我回來了.........本來都想買50D, 不過幾經考慮, 都係喜歡輕機. 所以都係500d, 將來我一樣會兩機齊帶了.

    回覆刪除
  12. 嘿嘿!牛唔飲水點襟得牛頭低呀!
    [版主回覆01/11/2010 22:09:00]老實說, 如果不是見妳們玩dslr咁過癮, 我呢隻牛係lum住過幾年才飲水的, 我要練好快槍手, 否則和moon嫂旅行, 等我取景等到慶.

    回覆刪除
  13. AMOON,和先生一起走過單反的日子了,幾枝鏡頭都發晒毛喇。。十幾年來D系過住傻瓜機的日子。睇落D要執番部DSLR喇。。
    [版主回覆01/11/2010 22:11:00]嗯, 妳和我一樣, 由單反轉入dc, 都係時候回歸了, 依家DSLR好平....(不過散買鏡頭就好貴)

    回覆刪除
  14. 咪係囉,牛唔飲水點襟得牛頭低呀﹗唔好賴我地啊﹗
    [版主回覆01/11/2010 22:15:00]又好老實, 自從想飲水, 我係打算農曆年才動手, 不過又係嘅, "早買早享受, 遲買貴幾舊", 我支鏡頭, 已經斷晒市. 打去CANON, 連他們也說唔知幾時有貨.........真係唔憂做! 下一水貨一定勁加價.

    回覆刪除
  15. 呵呵...moon 哥, 我老公成日講 "早買早享受, 遲買有折扣" 喎!  不過佢都係前者個隻...哈哈
    [版主回覆01/12/2010 07:44:00]又有道理, 要睇吓供求啦, c記呢d鏡頭, 真係直情唔想做生意.............我問過N記同一級數的鏡頭, sales哥哥說更加不用想了, 一有貨到就給搶光.........哎!

    回覆刪除
  16. 好羨慕呀!
    [版主回覆01/12/2010 07:59:00]我都豁出去了........妳都加入啦, kit真是很抵買.

    回覆刪除
  17. 恭喜, 賀喜! 我地又多D靚相睇啦.
    [版主回覆01/12/2010 07:59:00]希望我攪得惦這大東西啦!

    回覆刪除
  18. 好!搵日組番個團先.
    [版主回覆01/12/2010 08:00:00]一於咁話啦!

    回覆刪除
  19. 影得好靚呀 .... 我都諗緊想買番部 500d 或者 GF1  .... 但我老公又話咁重你唔會拎出街啦 ..... 但 GF1 D 鏡頭又太貴 ......
    [版主回覆01/12/2010 15:12:00]我都一直係咁擔心, 不過從此我都要再適應抬住大機的日子了. panasonic或olympus的micro 4/3機種是好的, 不過發展得未成熟, 配件好貴, 都係唔買了.

    回覆刪除
  20. HE HE ....歡迎你加入500D行列,就算用上ISO1600,放大照片看都沒有雜訊和矇查查感覺架!(P.S:我又未試過在外邊餐廳食野時被店員話喎!反而佢地更好人地擺靚位置俾我哋拍照添! )
    [版主回覆01/12/2010 15:16:00]咁就好了, 我都擔心買錯機. 暫是的缺點, 係覺得它的反射鏡上落那一下不夠輕盈, 有d震, 不知是否用慣了冇快門冇反射鏡的dc仔......:p
     
    令外我支鏡頭的景深好薄, 都會覺得有時部機的對焦有少少歪左(有時對左少少隔離位).........所以我還是要練好d.

    回覆刪除
  21. 我在買機時.....也考慮買N記還是C記.....結果買了N記.....也就真是買錯了,因它的顏色始終令我不滿意......
    [版主回覆01/12/2010 15:19:00]妳的照片顏色好靚呀! 我部機呢, 覺得顏色比較s90溫潤.
     
    N記和c記, 都各有風格, 資深拍友同時說, n記的色調教寫實, c記的較有電影感..........我就完全唔識得了.
     
    不過我知每一幅相, 都要先執一執的, 以前菲林時代也是這樣.

    回覆刪除
  22. 什麼單反不單反我完全不識, 只知相片影出嚟靚就是好機
    [版主回覆01/12/2010 15:01:00]這是幸福的, 因為冇咁多煩惱和支出........我要花好多心機照顧我的相機大老婆, 濾光鏡手帶, 靚唧唧, 防潮箱........都花費不少.

    回覆刪除
  23. 上次響 Hyatt 食 buffet, 就係拎部 450d 出黎, 咪俾 waiter 叫唔俾影食物相囉!  呢個真係大機嘅壞處!
    [版主回覆01/12/2010 17:24:00]icic, 如果用dc仔, 他們又冇咁干涉........其實我覺得不讓人拍食物, 是很小家的, 他們說如果影人(自己人)又ok喎, 真係唔明d食物有乜秘密

    回覆刪除
  24. 師父.... 你還是加入了單反的隊伍了.... 我又可以多一樣問師父了!!.... 我現只有EP1... M4/3系統還是新的...暫沒有鏡可玩...所以現學人玩老鏡! 又幾好的... 又平又靚... 不過拍時就慢了點!
    [版主回覆01/13/2010 14:37:00]係呀, 現在仲係磨合期, 有d地方不滿意, 還是覺得dc仔就手.
     
    EP1係好機來的, M4/3係好有誠意的新system, 不過真係未發展成熟, 配套不太多...........even 單反, 我都仲係覺得它這個系統不是太穩定, 例如對焦偏差, 我都領教了很多次.
     
    反而幾部dc仔都好可靠!

    回覆刪除
  25. 靚仔香港賣幾銀?枝鏡係一起來的嗎?彈買枝鏡係咩價錢?
    [版主回覆01/13/2010 16:12:00]我私伙答妳

    回覆刪除
  26. 搞到我好想食sushi
    [版主回覆01/19/2010 07:41:00]一於去吃啦!

    回覆刪除
  27. Oh I want to buy that lens too! how much is it? I'm thinking if I try tamron...dunno how to choose!
    [版主回覆02/08/2010 21:20:00]這枝鏡$7xxx, 而且常常全港缺貨, 光圈是大, 但也有缺點, 就是不夠銳利和有點紫色散. 和易入塵.......可惜1.6倍crop機, 可選擇的大光圈不多.
     
    副廠鏡頭, 我自己比較冇信心.......不如經濟點, 買 EF-S 18-55mm f/3.5-5.6 IS或 EF-S 18-135mm f/3.5-5.6 IS

    回覆刪除
  28. 自從去完旅行返嚟,就好想買一部單反相機.因為見d相好靚,人真係會好開心.只不過自己對單反嘅認識係0.......但係又唔想買DC.近排做咗少少rearch,見canon 550D好似幾好,啱我呢d入門,但係都唔平.又有人話nikon D3000比新仔用都好ok,又唔太貴.都唔知點好.你有無意見呢?
    [版主回覆03/17/2010 22:33:00]相機最關鍵的, 是對焦準確和鏡頭質素
     
    近月我詳細比較nikon和canon, 發覺nikon的對焦系統, 比同級的canon優勝, 鏡頭方面, 所有鏡頭都是超低色散鏡頭, 似乎也比C記優勝. N記的D3000或D5000都可以考慮, 不過我沒有真的試用過, 只是間接的意見.

    回覆刪除