退出了單反世界10年以上了, 情願用傻瓜機, 年青時曾經是N記的擁躉.......
等到數碼機仔發明了, 便一直用, 比起傻瓜機, 質素已是很好了.......直到最近, DSLR真是越出越靚, 越出越平, 大家都人手一部, 試玩過, 真的很好, 是dc做不到的......
加上兩位老友記催谷一下, 算吧, "死牛一面頸"也終於飲水了.
其實也是經過詳細考慮的, 首先, 是N記還是C記? C記曾經領先十年, 但N記近年有點反超前......不過既曾失望於N記, 還不乘機轉呔, 說到底, 還不是想試吓C記!?
第二, 買EOS7D? 50D? 500D? 專業的7D......萬幾元body, 我未發達呀!......50D 和 500D 都可以考慮, 50D 重1.8磅, 500D重1磅, 問過專家, 他說輕機本身冇問題, 只係不耐撞, 和機械部份冇咁出色......我喜歡旅行和抓拍, 500D加上鏡頭, 也重2磅, 不用想了, 3-4磅會取我小命, 好, 一於500D, 加上50D的評價不是那麼出色.
最後, 是買kit set, 還是自己配lenses? kit的lenses不是不好, 但看中另一枝standard zoom lenses, Canon EF-S 17~55mm f/2.8固定光圈, 哇, 這是難得一見的定光圈好鏡, 3片非球面鏡, 2片低色散鏡.......!! 定光圈的威力, 在zoom到長焦時, 就顯示了.
不過自己買body配lenses, 價錢double也不止, 但專家朋友說, 與其買好body, 投資好lenses更值得, 好, 一於落錘!
不要以為"去買就買"一帆風順, 為了這枝鏡, 我走遍港九各大相機店, 個個都說, 這枝鏡已斷貨很久了, 幾時有? 冇人知.......最氣人是士丹利街頂的一間老店, 騙我白走一趟.......是老店, 但不老實.
十分氣餒之際, 最後陰差陽錯, 竟給我在荃灣的中完電器找到一枝"倉底遺珠", 哇, 實在太幸運了.......唉, 買鏡頭, 原來比起演唱會撲飛更難.
好了, 終於, 一切都集齊了, 500D + EF-S 17~55mm f/2.8!!!! 看那大眼睛鏡頭, 是不是很型仔!!
玩個不亦樂乎, 今天吃lunch, 帶齊500D和S90, 究竟係吃飯定去玩機咖!!?....hehe
看!
500D --- 景深控制得好薄, 看, 背景全分離了, 更出現圓點, 是f2.8的威力.
S90 --- 機仔來說, 景深已很薄, 但是要最短焦, 鏡頭放到好近才可拍到, 是另一種感覺.
500D的, 景深薄, 很潤滑的畫面......
S90 , 解像度和顏色都不錯, 但其他方面, 這張的質素差別最明顯了.
500D, 顏色較暖, 還有, 噪訊低, 整個畫面很滑, 這是大CMOS 感光元件的好處.
顏色較冷(已執過色), 但背景出現粒粒噪訊 , 是機仔的先天缺點呢.
500D --- 紅色太艷(可能我執得不好), 整個畫面很滑, 令人覺得很潤.
S90 --- 顏色較真, 不過畫面仍是有點一粒粒噪訊.......
大機有一個不好, 是太礙眼, 今天拍不了幾幅, 已有人來干涉 : 先生, 我地餐廳係唔比人拍照的.......-_____- , 我次次用S90拍拍拍, 都冇人發覺......
S90和500D兩個都仍是我老友, 尤其S90, 冇悔!
好靚仔尼波！D500嗎？細妹送咖？ 你有排好玩尼~
回覆刪除[版主回覆01/10/2010 20:44:00]影得幾靚仔呀, 係, 500d, 我都想左好耐才決定不買50d了. 妹夫剛好又在500d kit, 我兩兄妹都同時入甕了!
十年, 相機和壽司 加埋一起是什麼 ? 猜謎?
回覆刪除[版主回覆01/10/2010 20:46:00]十多年後, 才重投單反行列.....
也十年冇食壽司.......haha, 係用500D和s90拍壽司, 比一比.
前排只買左部 S90 咋喎 ...
回覆刪除[版主回覆01/10/2010 20:48:00]係, 本來好有決心不買單反, 點知眾老友記紛紛買了借給我玩, 唉, 一玩, 冇計, 係靚d. 落疊......
Both 相機& 壽司d 相都影得好靚
回覆刪除[版主回覆01/11/2010 12:12:00]希望映多D靚相啦!!!
我都係D5000同500D之間做緊抉擇....
回覆刪除你覺得500D 好唔好用?
[版主回覆01/11/2010 12:11:00]專家的評價, 係D5000比500D高半籌, 但是價錢貴半級.......
不過500D係女仔機中冇咁女仔了, D5000好女性FEEL...
講到未, 我曾失望於NIKON, 今次轉向用CANON.
之前你用機仔已經影得好靚, 等睇你用大機影 o既蛋糕相!
回覆刪除[版主回覆01/11/2010 12:09:00]我都係標準拍友啫, 未成熟呢, 大機相係靚少少, 不過付出的代價是大好多........哎.
歡迎加入500D行列
回覆刪除[版主回覆01/11/2010 12:06:00]我放棄50D, 買重500D, 欣賞他的輕盈體態.........希望他不會令我失望啦. 幾時試吓機呀?
我目標係Canon500d Body加一個tamron 70-300mm鏡, 再加一個Cannon窮人3寶的定焦大光圈鏡(幾百蚊), 又或者係S90. 好頭痕.
回覆刪除[版主回覆01/11/2010 12:05:00]咁買kit啦, 變相幾百元有一枝15-85mm f/3.5-5.6, 呢枝鏡都ok咖.
S90呢, 係另一種態度, 唔同玩法, 他亦係dc仔中的經典呀!
先決定dc, 定係dslr, 再想啦
哈..有時大機就係又愛又恨,想影又唔被影的感覺...係好難受......
回覆刪除[版主回覆01/11/2010 15:15:00]係, 所以兩種機都有生存價值, 好可能我會兩種機都帶.......哎, 重死了.
我都係鍾意機仔多啲, 大機影食物真係好礙眼...
回覆刪除想換S90呀, 尤其影夜景真係好正
[版主回覆01/11/2010 15:17:00]機仔都ok咖, 大機就多d去到玩攝影的角度.........不過機仔都可以玩攝影.
只不過單鏡反光可以成為相機的世界主流, 都有它的道理.
wa~~ 歡迎你回到 SLR 世界呀~~
回覆刪除500D 都好好啦~~~~ 用 DSLR 影過相後...會唔想用 DC 架~~ 不過下下孭住個大相機出街...又好重...都要靠個 DC SNAP-SHOT 一下~~
[版主回覆01/11/2010 17:04:00]哈, 我回來了.........本來都想買50D, 不過幾經考慮, 都係喜歡輕機. 所以都係500d, 將來我一樣會兩機齊帶了.
嘿嘿！牛唔飲水點襟得牛頭低呀！
回覆刪除[版主回覆01/11/2010 22:09:00]老實說, 如果不是見妳們玩dslr咁過癮, 我呢隻牛係lum住過幾年才飲水的, 我要練好快槍手, 否則和moon嫂旅行, 等我取景等到慶.
AMOON，和先生一起走過單反的日子了，幾枝鏡頭都發晒毛喇。。十幾年來D系過住傻瓜機的日子。睇落D要執番部DSLR喇。。
回覆刪除[版主回覆01/11/2010 22:11:00]嗯, 妳和我一樣, 由單反轉入dc, 都係時候回歸了, 依家DSLR好平....(不過散買鏡頭就好貴)
咪係囉，牛唔飲水點襟得牛頭低呀﹗唔好賴我地啊﹗
回覆刪除[版主回覆01/11/2010 22:15:00]又好老實, 自從想飲水, 我係打算農曆年才動手, 不過又係嘅, "早買早享受, 遲買貴幾舊", 我支鏡頭, 已經斷晒市. 打去CANON, 連他們也說唔知幾時有貨.........真係唔憂做! 下一水貨一定勁加價.
呵呵...moon 哥, 我老公成日講 "早買早享受, 遲買有折扣" 喎! 不過佢都係前者個隻...哈哈
回覆刪除[版主回覆01/12/2010 07:44:00]又有道理, 要睇吓供求啦, c記呢d鏡頭, 真係直情唔想做生意.............我問過N記同一級數的鏡頭, sales哥哥說更加不用想了, 一有貨到就給搶光.........哎!
好羨慕呀!
回覆刪除[版主回覆01/12/2010 07:59:00]我都豁出去了........妳都加入啦, kit真是很抵買.
恭喜, 賀喜! 我地又多D靚相睇啦.
回覆刪除[版主回覆01/12/2010 07:59:00]希望我攪得惦這大東西啦!
好!搵日組番個團先.
回覆刪除[版主回覆01/12/2010 08:00:00]一於咁話啦!
影得好靚呀 .... 我都諗緊想買番部 500d 或者 GF1 .... 但我老公又話咁重你唔會拎出街啦 ..... 但 GF1 D 鏡頭又太貴 ......
回覆刪除[版主回覆01/12/2010 15:12:00]我都一直係咁擔心, 不過從此我都要再適應抬住大機的日子了. panasonic或olympus的micro 4/3機種是好的, 不過發展得未成熟, 配件好貴, 都係唔買了.
HE HE ....歡迎你加入500D行列，就算用上ISO1600，放大照片看都沒有雜訊和矇查查感覺架!(P.S:我又未試過在外邊餐廳食野時被店員話喎！反而佢地更好人地擺靚位置俾我哋拍照添! )
回覆刪除[版主回覆01/12/2010 15:16:00]咁就好了, 我都擔心買錯機. 暫是的缺點, 係覺得它的反射鏡上落那一下不夠輕盈, 有d震, 不知是否用慣了冇快門冇反射鏡的dc仔......:p
令外我支鏡頭的景深好薄, 都會覺得有時部機的對焦有少少歪左(有時對左少少隔離位).........所以我還是要練好d.
我在買機時.....也考慮買N記還是C記.....結果買了N記.....也就真是買錯了,因它的顏色始終令我不滿意......
回覆刪除[版主回覆01/12/2010 15:19:00]妳的照片顏色好靚呀! 我部機呢, 覺得顏色比較s90溫潤.
N記和c記, 都各有風格, 資深拍友同時說, n記的色調教寫實, c記的較有電影感..........我就完全唔識得了.
不過我知每一幅相, 都要先執一執的, 以前菲林時代也是這樣.
什麼單反不單反我完全不識, 只知相片影出嚟靚就是好機
回覆刪除[版主回覆01/12/2010 15:01:00]這是幸福的, 因為冇咁多煩惱和支出........我要花好多心機照顧我的相機大老婆, 濾光鏡手帶, 靚唧唧, 防潮箱........都花費不少.
上次響 Hyatt 食 buffet, 就係拎部 450d 出黎, 咪俾 waiter 叫唔俾影食物相囉! 呢個真係大機嘅壞處!
回覆刪除[版主回覆01/12/2010 17:24:00]icic, 如果用dc仔, 他們又冇咁干涉........其實我覺得不讓人拍食物, 是很小家的, 他們說如果影人(自己人)又ok喎, 真係唔明d食物有乜秘密
師父.... 你還是加入了單反的隊伍了.... 我又可以多一樣問師父了!!.... 我現只有EP1... M4/3系統還是新的...暫沒有鏡可玩...所以現學人玩老鏡! 又幾好的... 又平又靚... 不過拍時就慢了點!
回覆刪除[版主回覆01/13/2010 14:37:00]係呀, 現在仲係磨合期, 有d地方不滿意, 還是覺得dc仔就手.
EP1係好機來的, M4/3係好有誠意的新system, 不過真係未發展成熟, 配套不太多...........even 單反, 我都仲係覺得它這個系統不是太穩定, 例如對焦偏差, 我都領教了很多次.
反而幾部dc仔都好可靠!
靚仔香港賣幾銀？枝鏡係一起來的嗎？彈買枝鏡係咩價錢？
回覆刪除[版主回覆01/13/2010 16:12:00]我私伙答妳
搞到我好想食sushi
回覆刪除[版主回覆01/19/2010 07:41:00]一於去吃啦!
Oh I want to buy that lens too! how much is it? I'm thinking if I try tamron...dunno how to choose!
回覆刪除[版主回覆02/08/2010 21:20:00]這枝鏡$7xxx, 而且常常全港缺貨, 光圈是大, 但也有缺點, 就是不夠銳利和有點紫色散. 和易入塵.......可惜1.6倍crop機, 可選擇的大光圈不多.
副廠鏡頭, 我自己比較冇信心.......不如經濟點, 買 EF-S 18-55mm f/3.5-5.6 IS或 EF-S 18-135mm f/3.5-5.6 IS
自從去完旅行返嚟，就好想買一部單反相機．因為見ｄ相好靚，人真係會好開心．只不過自己對單反嘅認識係0.......但係又唔想買DC．近排做咗少少rearch，見canon 550D好似幾好，啱我呢ｄ入門，但係都唔平．又有人話nikon D3000比新仔用都好ok，又唔太貴．都唔知點好．你有無意見呢？
回覆刪除[版主回覆03/17/2010 22:33:00]相機最關鍵的, 是對焦準確和鏡頭質素
近月我詳細比較nikon和canon, 發覺nikon的對焦系統, 比同級的canon優勝, 鏡頭方面, 所有鏡頭都是超低色散鏡頭, 似乎也比C記優勝. N記的D3000或D5000都可以考慮, 不過我沒有真的試用過, 只是間接的意見.