2010年1月4日 星期一

有朋自遠方來

老友記ph回港探親, 小三約埋大家一齊聚一聚, 兼且又過一過烘焙癮......



這磚pain d'amande, 是搭飛機經過半個地球來到這裏, 好矜貴呀!



用最好的刀功切成薄片, 烘香, 卜卜脆, 裏面有杏片和砂糖小孔, 好吃呀!



看這盤cream般的麵漿, 是超高難度的台式蜂蜜蛋糕, 製作要求極高, 只可欣賞, 不夠功夫製作......



亞堅也要預習了數次......才成功, 但係真是很漂亮又好吃, 綿密的質感, 淡淡的蜜味和好香的蛋味, 吃了很shiawase的感覺!



涼粉的朱雪, 是超Q潤, 她說有點消抱, 嗯, 都好好吃呀! 下次試吓我學到的不消泡方法啦.



今次做橙雪, 我都掉了兩個, 幸好又找到更好的方法!


即場做了一個愛媛柚子雪芳, 這是一個很危險的雪芳, 但今次用大爐做,  在家40分鐘才焗好的蛋糕, 大爐5分鐘已升起, 25分鐘已出爐, 那有什麼危險, 質地和味道也不錯.



小三主理, 全手製餃子, 皮軟餡鮮, 好吃呀, 好多條金魚, 可能有一兩條特別醜的, 別怪我, 是我的處男作呢!



包癡的主菜來了, 先吃17小時紅酒山合桃紅莓包, 和芝士包, 怎麼和我做的不同, 那麼好味道, 前者香香甜甜, 真的好好吃



 鹹包蘸靚托斯卡尼橄欖油和葡萄陳醋, wow!


戲肉來了, 早已用了三日時間發poolish, 經多次翻麵的長時間發酵做成的麵團, 好香呀!!


 


好想做型呀, 但係做緊嘢, 冇得玩添, proofing後練幾下劃痕, 過少少手癮......


 


大爐加上鋁板, 做就爐石的效果, 看, 5分鐘內, 看著法包迅速爆起, 真是過隱死了.


 


最簡單但又最難追求的效果, 出現了, 真係好高興!



金黃脆口的crust, 大孔孔幼滑綿花感(外國人常說creamy)的包肉, 好吃呀!


 


看, 震撼吧!



空口吃好, 加上parma ham, gruyere chese, yc的好吃salade nicoise配念念不忘的葡萄醋紅酒汁, 這樣吃法包, 真係極致!


你們不知, 自己一個人放假吃早餐, 我好享受一杯凍奶加一片暖麵包, 加一碗cereal/muesli



最後, 還有千錘百煉的正宗心太軟.........



wow, 不能不說shiawase!!!



老友記, 希望妳很快又來港, 又可包餅聚.


17 則留言:

  1. 法包是我今天的早餐,
    杏仁條作為我的茶點,
    當日的聚會是我的回憶…謝謝你們
    [版主回覆01/04/2010 15:22:00]粉粿當晚已做了大家的晚餐, 昨天已吃了, 好味好味,
     
    法包用錫紙封住切口翻焗, 又是皮脆肉軟, 希望今晚可以做晚餐, 杏條moon嫂都話好吃.
     
    實在太多謝妳的安排了, 妳的班蘭, 哎, 那日冇醒起, 早知做多一個班蘭蛋糕, 留唔留得一個星期呀, 來我處整埋啦.
     

    回覆刪除
  2. 難得所見的法包....
    [版主回覆01/04/2010 20:15:00]真係好好吃, 半條包包放在冰格兩天, 翻焗一樣皮脆肉嫩, 吃晒了, 不吃飯.

    回覆刪除
  3. 哦........原來Phlee鄉下係..........佢返佐去咩呀?
    咦~ 有得玩,羡慕死我啦~~
    [版主回覆01/04/2010 20:16:00]在地球的另一邊, 她未走呀! 繼續玩........我都好羨慕呀, 因為我已........玩完了. :(

    回覆刪除
  4. 多謝你地預埋我, 又開心又充實的一日, d戰利品留唔到第2日, 當晚已經無剩喇.
    [版主回覆01/04/2010 22:43:00]都係多謝小三, 才可以有好玩的一日.
     
    法包今晚清晒, 做了晚餐, 噴水在包肉, 再用錫紙封住切口, 200度高溫焗10分鐘, 仍然係皮脆肉軟, 超好吃呀!

    回覆刪除
  5. 好羨慕呀!見到D大孔法包真係流晒口水!不過除了技術問題,我個小爐一定做不到這效果。 
    [版主回覆01/05/2010 07:45:00]我都係跟住玩吓食吓好了, 因為由麵粉, 揉搓, 發酵, 做型, 劃痕, 烤焗.........都好講究, 我估我只係做型合格, 麵粉都拿到, 其餘都未掌握.........所以間中玩吓就可以. 

    回覆刪除
  6. 越睇越肚餓添, 快D瞓先, 唔係要找嘢食做宵夜!
    [版主回覆01/05/2010 07:46:00]我拿的法包昨晚已吃完, 回味中.

    回覆刪除
  7. 我整左幾次法包都失敗左,最後果次好少少,我覺得係低溫發耐左. 係咪唔駛搓咁耐ga?
    可否分享下秘訣?
    [版主回覆01/05/2010 07:51:00]我都係跟住玩吓食吓吧, 因為由麵粉, 揉搓, 發酵, 做型, 劃痕, 烤焗.........都好講究, 單是麵粉已很難買, 麵團要偏濕, 揉搓恰到好處, 初發酵要液種加翻麵長時間發.........最後烤包要高溫儲熱好的爐..........
     
    玩吓又唔緊要, 做到近似就算了.

    回覆刪除
  8. 你們相見歡, 很羨慕.
    藍門設備完善, 你們很幸運. 錦上添花, 來個美好的回憶.
    [版主回覆01/05/2010 07:53:00]係呀, 咁至可以盡情享受烘焙, 又有大d地方一聚, good!

    回覆刪除
  9. 好懷念個柚子戚風!
    [版主回覆01/05/2010 07:55:00]快d買料做翻個, 呢個好易, 我懷念法包.........就有難度了.

    回覆刪除
  10. 嘩....吸引~~~ 你爆磅未!!!
    [版主回覆01/05/2010 07:56:00]我都驚咖, 好彩未爆出來 :p

    回覆刪除
  11. Phlee返咗嚟???? 你地啲包聚真係好吸引,個個高手
    [版主回覆01/05/2010 14:44:00]係呀, 可以聚一聚真好呀!
    我呢, 係去學和吃, 唔係高手呢!

    回覆刪除
  12. 見到d法包真係 !
    [版主回覆01/05/2010 20:36:00]好好吃, 唔知幾時再有得食.

    回覆刪除
  13. 用三日時間發嘅poolish嚟做法包果然不同凡啊!  正正正 !!
    [版主回覆01/05/2010 20:38:00]由選麵粉到入爐, 都好多竅門..........我只識吃, 不識做了.

    回覆刪除
  14. 真係好吸引呀! 新年快樂呀!
    [版主回覆01/06/2010 16:19:00]好好吃好好玩.
    新年快樂!

    回覆刪除
  15. 你的愛媛柚子雪芳真係好吃呢!
    [版主回覆01/06/2010 22:22:00]Johnny Sand的好介紹, 真係正呀, 好香.

    回覆刪除
  16.         每次 喺藍色大門都有好 嘢食!
    [版主回覆01/08/2010 22:39:00]最緊要係有好友和好包包!

    回覆刪除
  17. 嘩 。。甘多野玩,上一排小三有提起PH會番香港探老友 ,還問我要不要一起聚聚,都想,但系私人事情做不到了。
    糕手(高手)聚堂真是多野睇,最喜歡那蜂蜜蛋糕,留意很久了,還在收集資料階段,不敢下手試做,很多年前公幹時在成田機埸看見過做好的蜂蜜蛋糕裝在盒子裏,看了很久,怎麽蛋糕上層好像藝術品般的?很滑而且顔色均勻。
    AMOON 幾時會嚐試進攻這種海綿蛋糕的最高境界 --  蜂蜜蛋糕?
    http://www.castella.co.jp/castella/castell3.shtml
    日本用手工量産的影頻。。。

    回覆刪除