2008年11月23日 星期日

我最愛的包包

雜乾果田園包! 真是百吃不厭.


我不太吃有餡的包, 不是不愛吃, 而是怕胖, 更愛的是麵粉烘焙品的味道和質感, 可卻不能太寡, 加入我也很喜愛的乾果, 最佳拍檔!!



高粉250g 麥粉25g 裸麥粉25g 速酵母1tsp(~2g) 鹽5g 糖~10g 葡萄子油~20g 水~210g 乾果(任何你喜歡的提子乾, 紅莓乾, 杏乾, 合桃.......)共~100g........識背了, 也很隨意.


低溫隔夜發酵, 中途翻麵兩次, 分割, 靜置, 做鵝蛋型, 末發酵1小時, 界痕


照仙姐的心得, 250度(小爐最高溫), 連烤盤預熱........


 


把發好的麵團連薄身爐紙用快手法移上燙熱的烤盤, 果然比從前爆得好些, 不過始終是小爐, 後勁不繼.........算啦, ok!



好吃, 包包又香又有咬口, 肉也軟........你對包包好, 包包也會對你好.......和人不同.


不過, 田園包包的肉老化得較快呢! 和人相似.



11 則留言:

  1. 呵呵。。。包與人。。。的確大分別呀~
    [版主回覆11/23/2008 23:33:00]但有時都幾似, 好好心機去做, 結果失敗, 是但做, 反而幾好效果. 還是.........平常心啦!

    回覆刪除
  2. 250'c ?? 入爐後一直都用呢個溫度焗 ? 要焗幾耐呀 ??
    [版主回覆11/24/2008 09:37:00]呀, 不是呀, 等包包膨脹完成後, 降回220度, 共焗約30分鐘

    回覆刪除
  3. 呀, 今次爆得好靚, 我鍾意這種爆口, 下次學吓你咁切法先.  你對包包好, 包包也會對你好....... 和人不同 ............. 非常認同!!! 做包做出大道理, 高手
    [版主回覆11/24/2008 09:41:00]很易的豬仔包界痕. 不過要把刀夠利, 斜刃的界.
    人是很奇怪的動物, 你對一個人好, 他未必欣賞, 反而重視一個對他不好的.........不過有時包也會的呀!

    回覆刪除
  4. 葡萄子油是什麼? 可以不用?
    [版主回覆11/24/2008 12:07:00]葡萄子油是用葡萄核榨的油, 聽說抗氧化成份好高的, 但近日看書, 知它的omega-6成份也很高, 不是想像中的好, 所以下次我都係買其他的油.

    回覆刪除
  5. 好大感触, 一切随意随缘啦!!
    包包正, 心情靓 !!
    [版主回覆11/24/2008 12:10:00]做包見人生吧, 我喜歡做包!

    回覆刪除
  6. 田園包也是我所好。
     
    [版主回覆11/25/2008 08:09:00]有咬口, 又健康, 不過好快老化, 硬倔倔的.

    回覆刪除
  7. 做包悟出人生. 真的要跟 呀 sir 多多學習.   此刻就打過招呼先.
    [版主回覆11/26/2008 07:39:00]唔好笑我啦, 只是一時感觸, 冇嘢的呢. 多來探我啦.

    回覆刪除
  8. 好似出面街買到時硬皮包包, 我好鐘意食架....
    如果有一日我都做到包包就好啦..........
    [版主回覆11/26/2008 07:43:00]只要嘗試, 不怕失敗, 一定可做到呢!  做包成功機會大過做蛋糕的呢!

    回覆刪除
  9. 好靚嘅包包,我又要食!! 唔係吖,我見你 d blog友同你都好好感情啊!!做人唔好太貪心,無可能全世界嘅人都鐘意你嘅!!! 依家有我 le 個地球人鐘意你 ..................................d 食物咪得囉
    [版主回覆11/26/2008 07:46:00]我又冇咁貪心.......我才不要全世界人都喜歡我呢, 那太可怕了
    有家人和老友, 還有blog友在一起聊聊, 世界已變得好好了.

    回覆刪除
  10. 我最鍾意食既就係硬包,我呢...有半年無做過包啦....
    [版主回覆12/02/2008 17:21:00]硬包呢, 即焗即食是最好的, 一放就不行了......
     
    點解呀, 係喎, 常見妳做布丁呢!

    回覆刪除
  11. 原因好簡單, 因為我係布丁怪囉
    [版主回覆12/02/2008 18:04:00]icic, 我係包癡........

    回覆刪除