2008年11月29日 星期六

爆裂了......爆裂了......

今天, ot完一個上午, 拖著身心俱殘的軀殼回家, 可是又要開另一個ot........


今次要拿電鑽.........



昨晚, 當我工作了13小時, 回到家中, 太太說帶我看一個駭人場面........吓??


?


?


?


??


???


????


?????


天呀, 廚房門抵受不了乾燥和寒流, 趁我們上班, 徹底爆裂了!!! 我的天呀!......... 我摸摸我乾燥的臉......


防火板的彈性十分利害, 用盡全力才能僅僅按回門上, 怎算.........?



想過找人來修理, 可是這種小生意, 誰肯做. 一不做, 二不休, 馬死落地行......


用了1.5小時, 鑽了54個洞, 唧了一枝膠漿, 下了46口釘和8口螺絲........


再以平底漿和漆油化裝, 整容完畢, 合上血盆大口, 門小姐不再爆裂了, 大功告成!!



......請不要再玩了.


-----------------------------------------------------------------------------


題外話 : 你們知道日文 "出玉爆裂"是什麼意思?


20 則留言:

  1. 原來...門...會自爆既!!
    [版主回覆11/30/2008 08:31:00]唉, 係, 我還以為臉才會乾燥爆拆.......
    ......不過冇巧不成話, 前日, 我層樓的水錶房門, 也是一樣這麼爆開, 當時我還說 : "咁都得, 真係未見過......", 那知"今夕吾軀爆大鑊, 他朝君體也相同"

    回覆刪除
  2. 原來D門入面係咁嘅, 大開眼界.
    [版主回覆11/30/2008 08:34:00]係, 呢d係實木防火門, 所謂實木, 只是用膠水將一條條木黏合, 除了大門和廚房門, 其他門是空心的.

    回覆刪除
  3. 果然厲害;爆門都識整!!! 請問爆燈...爆屎渠...爆冷...爆大鑊你又識唔識呢 記得下次咪放咁多私房錢入門la 塞爆隻門
    [版主回覆11/30/2008 08:49:00]爆燈, 爆鹹水喉, 爆門我都整過, 爆大鑊, 爆陰毒都不時遇到啦, , 至於爆c渠, 唔好lu啩......
     
    私房錢.......係喎, 度門仲有下本邊未爆, 話唔定有d金銀珠寶上手業主收埋..........我好唔好撬番開塊板檢查吓呢??
     
     

    回覆刪除
  4. 香港近海都乾燥????嘩! 好彩係隻門爆啫, 爆磁磚咪仲大鑊???? 噢, 你又被收買人命呀????慘情慘情......好在你昨天食了燒鵝炸魚皮補番少少
    [版主回覆11/30/2008 18:53:00]呢幾日好乾呀, 濕度得3~40%, 我塊面都就快爆開.......瓷磚, 我家都爆了幾塊, 不過只是幾條小裂紋, 冇問題.
     
    唉, ph, 香港近這10多年, 變得越來越"搾乾搾淨", 可憐香港人被催眠了, 覺得ot才是夠搏, 冇法啦.
     
    所以一有機會, 便去玩吓, "玩了吃了的才是自己的"

    回覆刪除
  5. 好叻仔 !!!
    可唔可教我白磁磚爆裂,有細限裂紋如何救 ?
    [版主回覆11/30/2008 19:00:00]只是馬死落地行, hard head skin .
     
    磁磚裂, 是因冷熟熱脹, 舖磁磚是師傅冇留少少虛位........冇辦法, 嚴重的我就買一罐"平底漿", 抆落d罅隙, 然後刮平, 可保護不會碎裂, 和好看點, 等它仍未乾時用濕布抹去旁邊多餘的, 然後待乾, 乾後再清理裂痕旁邊的.
     
    咦? 我幾時變了曾近moon?

    回覆刪除
  6. 門都可以爆成咁,你好叻..自行修補!
    [版主回覆11/30/2008 19:08:00]歡迎妳來坐呀,
    唉, 我情願唔叻, 唔好再玩我, 不過既然玩到來, 我又好喜歡攪惦佢的.

    回覆刪除
  7. 原來係太乾燥呀! 我間房度門又係爆開左呀!!!
    [版主回覆11/30/2008 19:19:00]哎呀, 同病相憐!! 一係學我, 借個電鑽, 買d釘呀, 螺絲呀.......呀最好借埋個電批, 最辛苦是扭螺絲呀, 手都軟....
     
    一係, 問問相熟的裝修師大, 肯不肯維修吓. 他們多數會說 : 成度門換過乾手淨腳.......唔知呀.
     
     

    回覆刪除
  8. 嘩! 咁大家場面, 都係第一次見, 可吾可以比個製成品睇吓!
    [版主回覆11/30/2008 19:24:00]唉, 我都呆左, 幾十歲都未見過, 好彩算係攪惦.
     
    製成品??? 咪最後那幅相囉, 妳唔係以為那是未爆之前的原貌馬? 哈哈, 我好開心
     
    唔........我估又係yahoo blog的好事 : 出唔晒d相!!!

    回覆刪除
  9. 曾近moon : 你的拿手絕技"平底漿",  真試過抆牆的罅隙 ??
    [版主回覆11/30/2008 21:32:00]當然啦.......平底漿很方便, 去五金舖買一罐, 即買即用.

    回覆刪除
  10. 曾近moon, 你這篇網誌淨睇回應都好好笑.  咁乾燥係咪因為吹北風呢??在家放個噴霧氣或者會有幫助喎???.  我想冇人會鍾意開ot, 除非佢地以為開ot=身份嘅像徵 聽聞而家又吾好境, 又裁員???  你講得啱呀, 入落自己度嘅就係自己嘅,咁你好食多幾碗燒鵝河, 魚皮, 一有空就去日本玩食玩食.............
    [版主回覆12/01/2008 15:17:00]唉, 真係聞者傷心, 聽者笑到流淚...........近排係翻北風呀, 不過真正乾燥的日子很短, 大部份日子都係潮濕, 不過近日真係天清氣爽, 正呀!!!
     
    ot係身份象徵, haha, 我估唔會啩, 咁犯......:p, 我估大部份人都係為兩餐迫不得意, 但日子久了, 覺得ot是正常,
     
    其實想想, 估計一個人的生產力值時薪$100, 每日工作12小時即係ot3小時, 一日無啦啦做多$300野, 一個月嗰$6000無償奉獻的生產力 (ot9人成冇補水), 去左邊? 那$6000應該可以請多半個人來幫輕你早點放工的.......
     
    d錢未必落晒妳老細袋, 但係一定落左係某些無形之手的袋........而剝削了妳的家庭, 休息, 私人時間......所以, 一有機會我就要拿番我應得的

    回覆刪除
  11. 第一眼見到張咁"男人"既相, 嘩左一聲! 你知平時入黎都會係風景, 食物! 攪咩呀~~ 咁既! 哈~~~~
    你話屋企都個男人點得呢~~~~~
    你句:出玉爆裂係咩呀?
    [版主回覆12/01/2008 15:21:00]咁我係男人嘛, 呢d ot我樂意的, 睇住度門由爛面變返正常, 我都好滿足的呀!
     
    "出玉爆裂", 是形容........痔瘡? 暗瘡? 哈哈, 比個貼士妳, 是在日本一間彈珠場外看到的........

    回覆刪除
  12. A moon!  你實在太聰明, 不過現在已看到你的製成品, 真係好得!
    [版主回覆12/01/2008 21:04:00]唉, yahoo blog, 跟官咁耐都知官姓乜啦........哎.
     
    喂, 多d來探我啦!

    回覆刪除
  13. 係咪爆谷機!
    [版主回覆12/01/2008 21:09:00]不是呢!
     
    開估啦, 日本人的"玉"是珠仔的意思, "出玉"是彈珠機彈出來的珠仔, "出玉爆裂", 是打彈珠的術語 : "彈珠出到爆"
     
    我們第一次看, 笑到碌地, 以為是"嚴重便秘 -  忽必烈"

    回覆刪除
  14. 依... 咁攪笑!  
     
    [版主回覆12/02/2008 07:45:00](Empty)

    回覆刪除
  15. 咦咦, 乜曾近X好好數口嘅咩???? 你咁樣計法都計到咁大條數, 你話喇, 一間公司吾止一個員工開ot, 你再剩吓, 條數好大呀, 邊樹有個咁好老世肯課水呀??你自動ot就啱晒添啦! 攞番你應得嘅野??? 好似都係係你自己荷包都攞咋播, 咁都算?????
    [版主回覆12/02/2008 15:47:00]我平時完全不計數的呀, 買完東西問買左幾多錢, 我的答案一定是 : "eeeeh, 唔記得左".
     
    不過呢個問題, 我真的煞有介事的和行山同事傾, 發覺ot這個問題很有趣, 很複雜.........唔, 老細不肯科水, 不就等於吃了東西只是付八成錢, 這個無形的霸王餐, 吃得真過癮呀!
     
    算啦, 只是up吓, 過吓口癮, T是一樣照O的呢! 唉.

    回覆刪除
  16. 平時見你包包餅餅,原來對修理家居物品都有一手喎!你今次好man呀
    你令我想起細佬細過時睇足球小將,看完後對著玻璃窗一腳衝力射球,再一腳猛虎射球,玻璃窗就爆了,後來也是媽媽DIY把玻璃重新裝上。
    [版主回覆12/04/2008 21:07:00]我本來就係man呀, 不過出世紙不知怎的, 寫了我叫moon.
     
    係呀, 我會包辦家中一切大小維修, 最大的工程不是這個呢, 有機會分享吓啦.
     
    哈哈, 我估媽媽diy後, 一定請妳細佬吃一頓好的......... , 不過可能也會同時請埋妳吃.........

    回覆刪除
  17. 你的整容術好得呀﹗鑽54個孔,真係鑽到手軟。
    我一路睇你篇報導加各人的回應,笑到翻肚,但開緊工唔笑得,好辛苦
    家有一鑽如有一寶,有埋電批就真係very good。我地搬屋後都買齊孖寶,整起野上黎真係方便好多。
    [版主回覆12/04/2008 22:01:00]係呀, 好彩我都幾捱得呢
     
    我只借了電鑽, 借不到電批, 好廢勁, 下次都係買個電批先.

    回覆刪除
  18. 啊。。 天氣乾燥,門都會裂開???
    好掂渦!handy man!
    [版主回覆12/04/2008 22:03:00]係, 好似我塊面.......
    handy man........還是handicap

    回覆刪除
  19. 好好手勢喎! 家居修理都難唔到你.
    [版主回覆12/06/2008 18:43:00]hehe, 我都ok的, 不過釘到手軟呢!

    回覆刪除
  20. 好恐怖呀~~!!會唔會爆裂前已經有d蛛絲馬跡,只係冇被發現呀~~
    [版主回覆12/11/2008 21:11:00]我相信起初是有少少跡象, 但某日, 突然爆開的.

    回覆刪除