2008年11月19日 星期三

三顧摩星嶺

 五年了! 五年了!! 我要拿回我應得的(無線劇集爛句).......


五年前登山, 被群犬圍攻, 灰頭土臉地敗走; 今年10月, 上山不拿地圖, 烏烏龍龍地撤退 .......



今次, 準備充足!!!


出發前, 豪情壯志, 到跑馬地街市大排檔去, 大杯喝酒, 大塊吃豬手!!! ........肥同事引誘我, 好! 放縱一下吧!!!!  我最愛的青島啤酒........連盡三杯, 擲地為誓!!


 

 
 
 


找到山路入口, 正想起步, 那知忽然被人喝住 : "兩位想去邊呀?"


"行山囉!!!"


"條路入口和出口都有工程, 汽車和行人都不可通過! "


天呀! 難道你又要玩我???


.........無路可行, 今次誓不回頭, 立下軍令狀!!! 如有退縮.........斬!!! 於是包抄幾乎沒有路的山坡, 打開一生路........


途中見兩棵樹, 極盡纏綿緋惻, 他們前生一定是愛恨交纏, 落得今世男體被女體纏得乾枯凋萎, 唉, 愛情太可怕但又好誘人........



山上處處神秘的砲台, 碉堡, 軍事工程, 是兩次世界大戰握守港島西面的戰線........



蒼山殘陽裏, 恍惚聽長空雁叫, 馬蹄聲碎, 喇叭聲咽.......



 如今, 警察通訊雷達, 和電離層研究站的天線, 聳立山峰, 摩星摘月, 與天比高

 


見摩星山頂的嶺青年旅舍, 正納悶香港的Youth Hostel咁鬼偏僻, 邊度有國際旅人會入住.......話口未完, 見一位洋人背著行李, 沿山路拾級而上, 望望路牌......."往西環域多利道" !!!哇!



我們沿這山路下山, 沿途連綿數公里, 盡是成千上萬的"蜜糖花"(不知真名呀, 小時候是這麼叫 ), 摘下花朵, 搣掉花萼, 可啜到裏面的蜜汁呢!



今次上九天摩星, 終於可一雪前恥!!


12 則留言:

  1. 你唔識貨,摩星嶺青年旅舍個無敵海景可以看日落,當年還未玩相機,祗能將美景放入回憶裡。
    [版主回覆11/19/2008 22:34:00]冇錯冇錯, 那裏宿營一流, 我都想約埋三數良朋住番晚.
     
    不過, 青年旅舍的原意, 是給年青人遊歷各國時住宿的平價旅店, 一般都建在交通便利的地方, 香港的都變了宿營地點了.
     
    十幾年前都住過芝麻灣青年旅舍, 還有赤徑的, 都好靚呀! 丫, 話時話, 真係好耐冇宿過營了.

    回覆刪除
  2. 你所講既"蜜糖花"應該係"大紅花", 以前爸爸都有種 ! =)
    [版主回覆11/20/2008 09:39:00]應該係同科, 不過這種花和大紅花不同, 是永遠不開的, 一直是這個含羞答答的樣子呢!

    回覆刪除
  3. great pic! u're very funny!!! Plus good meal too!!!
     
    [版主回覆11/20/2008 10:06:00]Yeah! Did you go there before? or had the traditional food there? Next time you can try some.

    回覆刪除
  4. 魔星嶺個營好受歡迎架,成日滿架﹗
    [版主回覆11/20/2008 10:07:00]個度真係好幽靜和好風景呀, 交通又幾便利.

    回覆刪除
  5. 今次入黎做乜好呢?? 捧場啦還是啋場呢??? 兩樣都吾係, 係黎 "玩野" 呀 摩星嶺?? ...我好似去過一兩次....吾係去行山, 係去我先生工作的地方探班.
    [版主回覆11/20/2008 22:22:00]哇, 妳先生在那裡工作? 我好喜歡多見樹目少見人的工作.

    回覆刪除
  6. 嘩!咁靜"英英"嘅地方, 唔怕劏死牛? 叫埋女俠小李六安全d喎.
    [版主回覆11/20/2008 22:25:00]咁又係呀, 不過都唔怕得咁多, 玩左至算, 有李女俠去梗係好啦, 一個side kick, 再來膝撞, 當他沙包咁打

    回覆刪除
  7. 哎呀, 應該係女俠李小六先岩.
    [版主回覆11/21/2008 06:52:00]哈哈, ushhhhhh!!!

    回覆刪除
  8. 係呀! 係呀! 好記得細個時老豆有次係公園摘個依種花之後搣左花萼, 叫我地啜吓! 個時只知甜甜地,都唔知係咩! 哈~~ 好懷念!  (不過依家係街見到都唔會摘lu~~~)
    [版主回覆11/21/2008 20:28:00]我啜了兩朵呀!

    回覆刪除
  9.             
    我国的国花都是这类, 名叫 大红花 。从花瓣头部吹,可以吹出小小的波波,好有趣的 。
    [版主回覆11/21/2008 20:25:00]"蜜糖花"和大紅花真的好相似, 但是"蜜糖花"是永遠不會開的呢, 可能它是和大紅花同一科........

    回覆刪除
  10. 又是涡
    [版主回覆11/22/2008 11:34:00]吹波波......下次玩吓先

    回覆刪除
  11. 似係較“木槿花”﹐唔敢肯定呀﹗
    [版主回覆11/22/2008 11:37:00]也不是"木槿花"呢......
    http://zh.wikipedia.org/w/index.php?title=%E6%9C%A8%E6%A7%BF%E8%8A%B1&variant=zh-tw

    回覆刪除
  12. 多見樹木少見人的工作??? 通山跑???Forestry??? 摩星嶺明愛中心, 有冇見到???
    [版主回覆11/23/2008 13:49:00]摩星嶺明愛中心? 冇見呀, 是否在山腳域多利道那間呀?
    如果我做林木管理員, 也很好呀!!!

    回覆刪除