2008年11月12日 星期三

東北之旅(10) - 令人驚喜的懷石料理(二)

帶著是是但但的心情到了餐廳..........咦, 不是自助餐呀!


首先料理長後藤慎也先生預備了一份很仔細的"御  獻立"



一.先付      陸鹿尾菜
一.前菜      薯仔麵豉絡 蓴菜梅醋 紅酒煮無花果 澤蟹 芝麻豆腐
一.煮物      煮釀茄子
一.鄉土料理  馬肉刺身
一.造里      今日刺身拼盤
一.台之物    陶板煎雞
一.中皿      手做蒟蒻沙拉
一.志之義    豬苗代產蕎麥粉的手打蕎麥麵
一.炸物      炸鯰魚
一.食事      粟米飯
一.止碗      蓴菜檸檬清湯煮
一.香之物    卷心菜之紅花醃
一.水果子    杏仁豆腐


看著一些似知非知的菜色, 心裏已很興奮, 是一個很完整的懷石呀!


前菜........很少吃蓴菜, 日本人也叫"順菜", 這西湖原物在日本是上菜. 紅酒煮無花果好香甜, 配那冷梅酒真開胃. 把澤蟹放入口......哎呀, 不能吃的呀!!!


 


很田園的風味的茄子起了肉煮過.....那滑潺潺像辣椒的是什麼??? 那位可告訴我?


煮物


侍者珍而重之的上的, 是......馬肉刺身, 嗯.......吃吧! 不是不敢吃, 而是不好吃, 淡而無味, 韌韌的, 日本人卻視為珍品.



刺身拼盤, 好吃得多了, 新鮮!!



陶板燒雞---燒吓燒吓自己煎, 真過隱.



炸鯰魚, 肥肥甘甘苦苦的, 好吃呀!



                                        冷蕎麥麵是我最愛吃的, 不過稍稍不夠香和彈.


                                            


手做蒟蒻沙拉, 爽滑清新, yummy



連杏仁豆腐都好好吃, 吃得出是用生磨杏汁做的.


用料雖不名貴, 但那份心思和手藝, 真是令我們很欣賞呢!


12 則留言:

  1. "心思和手藝"就是大和料理的靈魂!?
    [版主回覆11/12/2008 23:12:00]我想, 大約是"簡約中見精緻, 以最簡單的烹調發揮食材的原汁原味" ........更簡單的是"禪"的文化吧.
     
    o岩我口味.

    回覆刪除
  2. 將蒟蒻變成固體是要用醋浸泡,所以坊間的蒟蒻都是用液體浸泡著,而在成形前它是會令皮膚痕癢的。
    [版主回覆11/12/2008 23:22:00]咁得意嘅? 它原本是什麼植物嗎? 是不是類似芋頭之類? 下次要帶定無比膏了

    回覆刪除
  3. 綠色辣椒係咪"毛茄"呀 ??
    [版主回覆11/13/2008 09:01:00]係呀係呀, 叫毛茄呀, thx!

    回覆刪除
  4. 綠色辣椒是秋葵(毛茄)吧... 我鍾意食, 好有營養. Sogo supermarket都有得賣呢.
    [版主回覆11/13/2008 09:09:00]ICIC, 是呀, 不過很少買來吃的.
     
    原來英文是gumbo or okra, 日文直譯オクラ(O Ku Ra).

    回覆刪除
  5. 馬肉 。。。。。 。。。。 。。。。
    杏仁豆腐﹖在哪裡﹖﹖﹖ 你每張相的光線好足夠﹐通常在餐廳(尤其係日本餐廳)都很黑暗﹐就算打燈有時都唔係幾理想 ﹐你怎樣影得0甘liang﹖﹖﹖
    [版主回覆11/13/2008 10:23:00]係, 係馬肉 , 是當地的名菜, 日本人還喜歡吃鯨魚刺身, 不太好吃, 不過是虛榮, 何必呢.
     
    我的相, 當然是有一隊crew跟住, 打燈, 背景, 三個cam men, 美術指導, 技術支援, 反光板.......哈哈, 發夢好了.
     
    首先是調好白平衡, 不要昏昏黃黃, 第二, 長時間曝光, 去到1/4秒我仲得, 引住氣手要定(冇理由帶腳架去吃飯), 一張震了第二張, 加上少少構圖(少少啦, 總不成把台面的東西掃走), 直至太太也忍不住說 : 食得未呀.....hehe, 都係兩三分鐘的事.
     
    最後, 用photocap執少少, ok的.

    回覆刪除
  6. 隻蟹仔要嚟裝飾嘅???
    [版主回覆11/13/2008 21:12:00]係呀, 我口咬下........硬嘅!!!

    回覆刪除

  7. 杏仁豆腐到........賣相不太美, 但好好吃, 不是盒裝貨色, 吃到磨滑了的杏仁.

    回覆刪除
  8. 馬刺我唔敢試....
    嘩, 快啦, 我就快去日本啦...我要狂食魚生飯
    [版主回覆11/14/2008 21:02:00]我都冇乜興趣呀!
    哎呀, 你就好啦, 玩開心d, 吃多d好嘢!!!

    回覆刪除
  9. 馬肉!仲要係生食!!你好勇敢呀!!!!
    [版主回覆11/15/2008 22:14:00]我好奇之嘛, 如果不是晚餐有這道菜, 我一定不會吃......我不捨得.........而且, 不好味的

    回覆刪除
  10. 呵呵。。。moon夫人等得好辛苦尼,有否蜘蛛網繞住成身呀?
    多謝你講解,相機尼家野,我真係白癡尼~等我好好吸收嚇~
    [版主回覆11/15/2008 22:15:00]我都盡快的了, 不映她也不肯呢, 不過一定要快, 要吃吃吃呢! 影相我也曾下過少少功夫, 不過現在已是天才波!

    回覆刪除
  11. 好嘢!有好嘢慢慢嘆! 原來有d好睇唔好食嫁!
    [版主回覆11/15/2008 22:20:00]多數都好好食, 只是那馬刺........有機會我分享我所吃過最豪華的懷石.......

    回覆刪除
  12. 那滑潺潺像辣椒好像是秋葵,但我不肯定呢。
    [版主回覆11/16/2008 18:58:00]應該係呀, 香港很少吃的, 日本就多d, 幾香的, 不過裏面滑潺潺就怪d, 日本人喜歡滑潺潺的食物, 例如tororo(山芋蓉), 我都唔係好接受.......雖然我受得滑潺潺的納豆.......
     

    回覆刪除