2008年9月14日 星期日

中秋佳話

今年又很好奇和饞嘴地到處試月餅.......奇華雙黃蓮蓉始終是最耐吃的, 蓮蓉結實, 香而不油(吃了才記起忘了拍照)........試了兩年美心的誇張漏油和蓮香像薯蓉的"蓮蓉", 今年不用再試了.


這個是日式月餅呀 - 源吉兆庵的"織部錦"(Oribe Nishiki)------本來想買趣緻的"兔饅頭", 但店員小姐說要在兩三個星期前訂!!! 天呀, 原來我不算日本癡. "織部錦"也要一天前訂呀, 那天專門去Sogo取.......



太太見了說, 又是這好看不好吃的月餅......hehe, 係呀, 不要拿它和蛋黃蓮蓉月比啦, 它是另一種雅的情調和文化........它是栗子紅豆茸.


 


順便買一個西苑酒樓雙黃黃蓮蓉, 很足油水蓮蓉十分香滑, 黃黃油潤鬆化, 只是十分甜, 老式月餅中是佳作.


  


追月夜, 太太買了兩個4黃蓮蓉回我娘家, 好呀, 豪一豪, 趁人多!!!


貴貴聘珍樓四黃金黃蓮蓉, 蓮蓉又香又滑又結實, 蛋黃鬆化, 比我愛的奇華還好一籌.......貴得有道理!


 


恆香四黃白蓮蓉, 蓮蓉一貫的又"削"又不香, 幾年前已有這印象, 想不到多年後仍是始終如一.......蛋黃雖稍實但ok的.


  


奇華有不少懷舊的月餅, 這款雙黃綠豆雞油月, 人人都說 : 吓? 乜來呀? 記得小時候中秋, 一位親戚買了一盒雞油月, 小朋友第一次吃新口味, 記住到今天, 我也會說, 好吃呀!! 現在多了蛋黃當然更好吃啦, 奇華的綠豆雞油月做得好好!!


 


金華火腿月也是我杯茶, 果仁加上少少火腿絲, 鹹甜相配, 有咬口又香口.......左面奇華的就做到了; 右面大榮華的,冬茸 "淋batbat"果仁又不夠, 吃一口已不想再吃了.


 


追月夜, 全家過節, 媽媽的大魚和蒸雞做得好滑好好味呀!



說真的, 自己做的那個月餅真的很不錯, 結實油潤, 餅皮芬芳, 甜度得宜, 真的不錯, 榮發餡料應記一功.


20 則留言:

  1. 我家都係今晚做節呀
    中秋節快樂!
    [版主回覆09/14/2008 18:22:00]一於家好月圓慶中秋!!

    回覆刪除
  2. 中秋節快樂
    [版主回覆09/14/2008 18:22:00]大家咁話, 最正是星期一又放假, 妳又有覺好訓!!

    回覆刪除
  3. Moon 兄! 中秋節快樂呀!嘩!咁快已經開咗咁多個月餅來吃啦!
    [版主回覆09/14/2008 18:23:00]係呀, 我本來話, 唔食喇, 怕肥呀, 但係買吓一個, 吃吓一個.........
     
    中秋節快樂呀!!!

    回覆刪除
  4. 颱風在狂追月亮女神,我改了晚上的航班,會在飛機上賞月,
    祝你們一家~~~花好月圓!
    [版主回覆09/14/2008 18:25:00]風神仲索緊月餅香, 不過應該走了.
     
    機上的月光分外明呀! 玩開心呀!

    回覆刪除
  5. A_moon, 我在加拿大的月餅已應你所求, 登了出來. 除了五仁, 其餘的是你們的製品嗎??? 在母親大人家一起過節呢???還有其他的菜呢???  中秋快樂呀!!
    [版主回覆09/14/2008 18:28:00]多謝多謝, 我已看了, 中秋應應節嘛, 哈哈.
     
    我點識做咁大的月餅. 全是我用銀兩買的, 呢個中秋家肥屋潤了.
     
    另外的菜, 掛住食, 冇影呢

    回覆刪除
  6. A moon,
    中秋節快樂呀...
    [版主回覆09/14/2008 18:29:00]中秋快樂呀! xheart

    回覆刪除
  7. 中秋節快樂!!!!!
    [版主回覆09/14/2008 18:30:00]哇, 我鍾意這四大美人呀, 好想一啖吞了
     
    中秋快樂.

    回覆刪除
  8. 嘩﹗買咁多月餅﹖中秋節快樂﹗
    [版主回覆09/14/2008 18:32:00]係呀, 我作死呀, 看來短期內體重.........嗚~~~~~
     
    不過, 放肆一下才是中秋快樂的

    回覆刪除
  9. 我兒子也是買了奇華雙黃白蓮蓉和雞油月回來,就係超贊,但可惜買不到五仁月餅。
    中秋節快樂!
    [版主回覆09/15/2008 18:54:00]妳和兒子都懂得吃雞油!!! yeah, give me 5!!!
    追月快樂!

    回覆刪除
  10. 中秋節快樂, 真是好多月餅, 我今年沒有食...
    [版主回覆09/15/2008 18:57:00]唉, 我開始食滯了.......點解呀, 妳keep fit?

    回覆刪除
  11. 中秋節快樂呀
    [版主回覆09/15/2008 19:39:00]追月快樂

    回覆刪除
  12. 原來我睇相時未有文字, 四黃正正正呀!! 那個奇華五仁都吾錯喎, 睇來靚過恆香, 等我明年試吓, 又或者去買"月下貨"
    [版主回覆09/15/2008 19:42:00]係呀, 今個中秋好豪呀!!!
    奇華那個是金腿 = 五仁+火腿, 好香口呀!
     
    哇妳有看 tastebug 嘛, 好勁呀!!!

    回覆刪除
  13. 今年我只係食左moon哥夢工場出品同埋自己上堂學既月餅... 連冰皮都只係食左自己上堂整既 + 大班mini size的 1/4粒仔... 連潮式月餅都係留返俾mummy食... 嘿嘿~~ 但對我黎講, 真係好夠了... 相信.. 我都係果句, 只係鍾意整, 而唔係鍾意食...

    回覆刪除
  14. 中秋節快樂!繼續享受美食!
    [版主回覆09/15/2008 19:43:00]大家咁話呀!!!

    回覆刪除
  15. moon,o甘多美食当前,呢个中秋有没肥左啊?哈哈!
    [版主回覆09/15/2008 19:44:00]哎, 我都有d食滯, 我相信我d脂肪會在未來幾日報復了.

    回覆刪除
  16. 嘩! 自己整咁多又再買咁多, 真是月餅痴啊. 原來都有好多人同我一樣鐘意四黃的
    你吃月餅吃到眼花呀, 人家eRICa盒內是成雙成對, 不是四大美人呵
    [版主回覆09/16/2008 08:09:00]本來都唔預左買咁多的, 不過買下買下又買多了, 現在滯了........
    係喎 , 是兩pair

    回覆刪除
  17. 我今年都係用榮發朋友吃過都話好食
    [版主回覆09/16/2008 20:50:00]榮發的餡係幾好的, 夠實淨, 和香, 很怕吃油淋淋, 軟patpat的餡.

    回覆刪除
  18. 鸡油月饼,真用鸡油整的吗?
     
    [版主回覆09/16/2008 20:52:00]我不知呀, 應該是吧, 不過只是吃到綠豆味, 沒雞味的, 放心.
     
    雞油的動物油中最好的, 不飽和脂肪酸最多.

    回覆刪除
  19. Moon哥, 我也是愛吃四黃架, 咁就唔洗驚無得食黃啦
    你又話怕肥, 點解食咁多月餅架? 你都整咗好多喎, 食唔食哂架? 我都食過小三的有餡豬仔餅, 好好味, 喜愛蓮蓉唔係太甜 ^^
    [版主回覆09/16/2008 20:58:00]我喜歡月餅一半黃一半蓮蓉的, 鹹甜上配, 4黃就做到黃和蓉各一半了. 
     
    我現在都有點內疚呀, 但一年一次......終不悔, 唯有之後水飯啦!

    回覆刪除
  20. 系?当真?呵呵。。0甘我就放心食海南鸡饭鲁~
    [版主回覆09/19/2008 17:34:00]係呀, 我睇過衛生署資料.........不過, 比起植物油, 它仍是差一些, 不過吃啦, 樣樣怕, 不吃更不健康

    回覆刪除