2007年12月2日 星期日

又是第一次, 大窿窿免搓包

看老友記phleeWingboy's Hole-y Bread, 十分有趣呀! 趕忙一試~~~


做出的免搓patpat包, 真的洞中有洞, 洞洞相連, 別有洞天......



真的免搓呀, 麵團經24小時冷藏發酵, 取出來真是軟得像一pat爛泥, 不得了, 違反了原食譜的次序, 先分割和"撥"型(太軟又黏, 只好用膠刮撥成ciabatta形), 才發酵2小時.



麵團一直軟撻撻, 做不到phlee的半圓形呀, 幸好在爐中也會漲成ciabatta形.



皮脆肉軟, 香香韌韌, 正! 不過我焗得太盡, 皮脆得來有點硬, 咬到口"鞋鞋"的


正如Natalie的分享, 洞洞的大小, 和水份有直接關係, 原來麵團只要水份夠, 發酵時間夠長, 不用搓也有很好的筋性,


還有, 是爐溫一定要高, 才能將洞洞谷大(我今次全程用盡小爐的最高溫250度)!


後記 : 放到夜晚, 肉還是軟的, 但皮已變得很韌, 用來蘸湯一流. 下次我高溫焗到咁上下, 再低溫焗耐d, 令包肉收水, 不知行不行


17 則留言:

  1. 個樣唔差喎﹗快d send d過黎我度﹗
    [版主回覆12/03/2007 07:58:00]好好好, 哎呀, 可是妳幾時跑到我樓下

    回覆刪除
  2. 會不會很快老化﹖
    [版主回覆12/03/2007 08:04:00]今朝再吃, 肉還是軟, 但皮就韌到丫. 冇法子啦, 出面d法包都係一兩日就老化晒的

    回覆刪除
  3. 你真係快手......呀!不錯呀....洞洞很大哦.我之前看到phlee的時候, 覺得此包包好像"白糖糕", 你的也似...可能兩樣東西都是長時間發酵, 所以質感很相似.
    [版主回覆12/03/2007 14:11:00]係呀, 白糖糕的效果, 是因這包水份很多, 水和麵粉一起加熱的"糊化現象", 不過我的包肉和phlee的分別很大......'
     
    糊化了的麵包肉, 是很爽口煙韌彈牙的, 有點韌韌, 很多法包就是這樣. 不同一般麵包的鬆軟.

    回覆刪除
  4. 見到就覺得好味呢~~~
    [版主回覆12/03/2007 14:15:00]個包太有咬口呀, 如果有假牙真的會扯甩.
     
    不過用來浸湯就一流, 昨晚用來蘸湯, 好像海綿似的索滿湯水, 皮變得冇咁韌, 包用點浸都唔爛, 正!

    回覆刪除
  5. 真係好大個窿呀!之前,我都想整呢個架!不過,又驚驚地,驚整唔成會浪費,以家見到妳成功,咁我又整!等星期日,我會整,到時請妳到來比些意見我呀!好嗎?
    [版主回覆12/03/2007 14:18:00]好呀好呀, 試完來分享吓啦
     
    不過pat麵團真的好le heh呀! 一patpat的, 下次我可能減少少水.

    回覆刪除
  6. 咦咦, 得咗喇, 好野 ! 係咪好好好好好難 "撥" 型呢, 我都撥到"呢咁hare", 用個膠挖 "掃" 埋一邊, 就送入爐. 你第二日食時, 有冇返焗??下次同太太一人一條, 一次食晒佢! 你覺吾覺得乜都吾塗是最好食???個種包味真係好正! 我這兒好乾燥, 外面買D 法包第二日就吾食得!
    [版主回覆12/03/2007 14:30:00]ok呀, 好le he但好好玩, 最好的是不用搓但筋性爆棚. 等我今晚翻焗一下先, 我之前焗得太勁, d皮好脆硬呀! 放到夜晚d皮就變韌了, 相信是包肉的水份走出來.
     
    我們這裏也是呀, 法包在冬天或夏天冷氣下放一晚, 第二日就變麵包乾了.......

    回覆刪除
  7. 好掂呀! 第一次都咁靚仔! 努力!
    [版主回覆12/04/2007 19:57:00]hehe, 我會再試的, 看看可不可以做好d, 那時便可以試法包了

    回覆刪除
  8. 你好快手呀!我擒日都整左呀!不過都無Phlee 咁大窿窿呀!你等我貼呀~~~~
    [版主回覆12/04/2007 20:18:00]好的好的, 看了喇!!!
     
    大家一起做同一款包, 研究吓, 真的很好玩, 好像回到一起玩家家酒的日子.

    回覆刪除
  9. 你一團過是很聰明的做法呀,我分開兩條,要撥好麻煩,焗盤又唔夠大……
    [版主回覆12/04/2007 20:19:00]我是分成兩團呀, 不過預計每團都發到很大, 我分了兩盤, 每盤焗一個!

    回覆刪除
  10. 一個食譜出自吾同人的手有吾同的效果, 真係好好玩啊, 我們再看看其他包痴的作品先, 好期待........
    [版主回覆12/04/2007 20:20:00]有誰玩這包包, 快通知一聲呀!

    回覆刪除
  11. 我做了....可是.....HUM>........唉.......
    [版主回覆12/07/2007 10:16:00]看了啦, 好好丫, 我的好像不及妳呀, 做的時候好呢heh的呀!

    回覆刪除
  12. 好野呀! 你整得好好呀!  
    [版主回覆12/30/2007 00:15:00]涼粉, 你的stollen也很正呀!

    回覆刪除
  13. 你做好靚 ! 我要試做做
    [版主回覆12/30/2007 00:09:00]好呀, 等我睇吓先

    回覆刪除
  14. Moon哥,我今日都整咗啦,我都覺得質感好似Ciabatta~
     
    呢個dough真係好濕同sticky,好辛苦才可將佢哋分成兩份...
    [版主回覆12/30/2007 00:21:00]係呀係呀, 個麵團很濕很軟, 下次做就會好d了

    回覆刪除
  15. 好吸引... 等我搵個時間加入你地先... :)
    [版主回覆12/30/2007 00:23:00]快試試呀, 好好玩的包!

    回覆刪除
  16. 我終於都整左了, 入緊雪櫃等發酵啊!! 好緊張啊!!
    [版主回覆01/10/2008 07:56:00]好的好的, 等妳的好消息

    回覆刪除
  17. You might want to refer to the followings: h ttp://video.on.nytimes.com/index.jsp?fr_story=35eac03d9  or watch the video from    http://www.williams-sonoma.com/products/c311/index.cfm?pkey=clcrred&ckey=lcrred the other pot you can use to bake is called "Emile Henry" Hope this is useful for you. Debbie

    回覆刪除