2007年12月30日 星期日

彩色東京 1 - 天呀! 新宿

2007年12月22日, 東京箱根之旅, 由下著毛毛冷雨的新宿開始.......



天呀! 怎麼會是這光景 : 好像走在一個大了幾十倍的油麻地..........


或是旺角砵蘭街..... 


大旺季, 三個月前所有大酒店已full了, 只能入住一間小酒店, 離開酒店外出時, 晚娘臉的front desk一定要我們交出房匙, 我看是因為怕閒雜人等入內吧, 天呀, 好想念大阪的新阪急酒店, 在最旺的梅田地下鐵站, 通道竟可直上客房樓層, ........


   歌舞伎町街頭, 滿街都是古惑仔, 紅男綠女, 飲酒食肉, 無料案內所("免費資料所"......我沒有打算入內問資料呀!!)


你不會相信, 日本的街頭, 到處垃圾, 穢物, 尿蹟......這裏是歌舞伎町

 


可是, 新宿也是交通最方便的地方, 六間鐵路公司, 幾十條地面和地下的鐵路線貫通全國遠近東西南北.......



還有幾天也走不完的地上地下商場, 百貨公司, 不夜天的食肆.......


這下午, 高島屋百貨公司的頂樓, 樂隊Legend為聖誕節做Roadshow, 好高質素呀! 始終是日本.



可是這下午, 到處人頭湧湧, 連我們這些香港人類也頂不順, 只是5時, 所有食肆外面都是人龍, 氣結之下, 選了這間普通的餐廳Sweet and Pasta Seicento, 日本的意粉永遠都是al dente的, 甜品, 以日本的水準, 沒有驚喜......



不過, 如果以為這就是東京, 那可大錯特錯了, 彩色東京, 還未開始.......


4 則留言:

  1. 啊﹗到處都是垃圾﹑檅物﹑尿跡好﹐吾係嘛﹗點解會這樣架﹗以前都吾係咁架﹗我印象中的日本好乾淨﹐係覺得的人好似好忙碌。走起路來比我快兩倍﹐地鐵永遠都係﹐人頭湧湧。百貨公司一間接一間﹐行來行去﹐都仲係同一間百貨裡﹐似迷宮。
    [版主回覆12/31/2007 02:29:00]係呀! 不過早上再上街, 垃圾, 吐物都清理了, 只有穿入地下街的梯口的尿味歷久常新.........
    百貨公司一間接一間, 小田急, 京王, Lumine1, MyLord, Lumine2, Lumine Est, 再過去Time Square的高島屋, Tohyu Hands.....還有地下街........我也花了幾小時才走通了地上地下.......其實幾好玩像走迷宮.

    回覆刪除
  2. 歌舞伎町真的比較雜,我以前去都唔係咁既...
    [版主回覆12/31/2007 02:39:00]哈哈, 其實日本的繁華街都是這樣了, 只是歌舞伎町特別勁, 現在全部開無料案內所, 已沒有白羽絨女郎當街派tissue, 害得太太說沒免費tissue用.......
     
    其實, 如果妳喜歡吃吃串燒, 拉麵宵夜, 歌舞伎町是不錯的, 我都想試東方見聞錄, 可是怕熱氣.
     
    雜.........其實像我這傻佬背著斜揹袋在後面, 在人迫人的橫街不停的逛........
    如果在香港, 可能錢包已被扒了三次......
    在祖國一些城市, 腎臟也不見了兩個.......
    只有在日本, 我完全沒擔心過, 放心的在古惑仔群中穿來插去.

    回覆刪除
  3. 上次我去歌舞伎町時都見佢地有隊清潔隊, 一隊人每人手上各持長夾, 係度夾垃圾, 係一隊人都有10個人架.
    我都比較鍾意京都多, 真係各有特色, 日本太大啦! 去多幾次都行唔晒.
    [版主回覆01/01/2008 01:24:00]係呀, 我也見京王百貨收店後, 有一組人仔細把大門的巨型捲閘, 一個一個地擦凈.
     
    我都是最喜歡京都, 那是真正的日本, 還有很方便便回到大阪, 神戶, 變化無窮.

    回覆刪除
  4. 百貨公司真係多到行幾個月都行唔完,不過好遲先開門又好早關門,所以舊年都無乜機會行百貨公司。
    只係行了高島屋的Tokyu Hands、三越地面層和另一間百貨公司的地下街。haha !
    [版主回覆01/01/2008 01:29:00]係呀係呀, 不過妳會髮覺每間百貨公司的佈局都是很相似的.......整整下, 我只是會行7樓家品部, 和地下食品街.......我始終是男人嘛.
     
    然後我會像玩迷宮似的, 在地上地下, 大街小巷邊走邊拍照.
     
    下次, 我想去看看上野, 涉谷, 還有日本橋的三越百貨總壇.
     
    三越和大丸, 在日本是一等一高級百貨公司, 可惜在香港, 一間也生存不了, 是不同的文化吧.

    回覆刪除