2010年1月3日 星期日

第二糕 - 暖麵漿檸檬雪芳

做蛋糕有d似打機, 當你知道升le的秘技, 就會好手癢, 不斷想試驗.


今次試我上年死了也不知為什麼, 開始一連串試驗的檸檬雪芳.



成份仍是一樣......


蛋黃60g 糖20g 油35g 檸皮茸2個 水50g 低粉75g


蛋白120g 糖40g 檸汁數滴(~1/4tsp)


下了檸檬汁, 對蛋白霜沒有什麼幫助, 暖打的蛋白霜, 起初是比較粗糙, 但再打一會, 仍是軟滑得很.



所有打發過程, 都座45度暖水, 蛋黃漿和蛋白霜, 都暖到30-35度, 天氣太冷了, 拌勻的過程後已冷至28度, 都ok啦, 蜂蜜蛋糕的溫度控制更加嚴格.



170度, 焗了約40分鐘, 看, 沒有爆谷般升起, 都算溫文.......



冷卻後, 糕面很平. 很好.......



很漂亮呀, ph, 真對不起了, 下次再請你吃這個, 更雪芳呢.



遲些再做些高難度雪芳, 2010年, 希望暖麵漿的方法, 令我可以終止雪芳實驗, 安安樂樂啦!


24 則留言:

  1.  今次有咩特別呢?
    [版主回覆01/04/2010 12:11:00]所有東西都是........暖!!

    回覆刪除
  2. 好成功啊!
    [版主回覆01/04/2010 12:12:00]希望從此一帆風順啦.

    回覆刪除
  3. 我唔係好明, 我每次整既雪芳個面(即爆開個面) d 肉都會有一層 "實肉" 既呢 ??? 仲都幾厚吓添呀, 食唔到架 !!
    [版主回覆01/04/2010 12:16:00]係蛋糕升得太勁, 又縮得太勁呢.
     
    試下暖漿的方法, 拌好30度以上, 才入爐, 效果好明顯的.

    回覆刪除
  4. MOON
    新年快樂 ,多年來你對雪芳蛋糕始終從一。
    永遠見你著做雪芳的熱度。。
    我一直相信保持興趣專心研究一樣野,可以將它發揮得淋漓盡致。
    KEEP  IT。。。。
    [版主回覆01/04/2010 12:18:00]收到妳的消息我都好開心呀!
     
    我喜歡做發泡蛋糕呢, 但又常失敗, 所以一直試試試, 希望一天, 每次都安安樂樂成功啦!
     
    Happy New Year.

    回覆刪除
  5.  
    [版主回覆01/04/2010 12:19:00]驗證碼攪事吧.

    回覆刪除
  6. 不愧為雪芳蛋糕痴,仲正過係出面買
    [版主回覆01/04/2010 12:19:00]我希望今年順順利利啦!

    回覆刪除
  7.  呢個雪芳整得好靚呢,脫模都脫得好靚!!
    [版主回覆01/04/2010 12:20:00]好開心呀! 希望一直順順利利啦!!!

    回覆刪除
  8. 我無暖漿,只是加左d暖水入蛋黃漿only.可能溫度真係好重要,其實係咪兩個漿都要暖ne?
     另外,我覺得打蛋白的程度好重要.
    [版主回覆01/04/2010 12:22:00]暫時我都覺得暖漿好好效果.
     
    蛋白呢, 有軟性到企身都可以的, 只是效果不同........呢d我未試呀, 唔凹至算啦!

    回覆刪除
  9. 呢個真係好完美!!
    [版主回覆01/04/2010 12:23:00]終於舒一口氣, 希望第日唔會再失敗啦!

    回覆刪除
  10. 噢!地利 Oh!tria2010年1月4日 上午12:25

     
    睇黎好複雜咁
    [版主回覆01/04/2010 12:23:00]其實只係一個字.......暖.

    回覆刪除
  11. 你一定得既~
    [版主回覆01/04/2010 12:24:00]希望啦, 我好怕凹.

    回覆刪除
  12. 唉,我無咁講究啦,等我做多幾次成功既濕性發泡 chiffon 就算!
    畢竟我已經好滿意自己既成品…
    [版主回覆01/04/2010 12:25:00]我的要求只係..........唔凹!!
     
    唔凹已好滿意了.

    回覆刪除
  13. 好靚呀...係咪一定要座暖水做呀...我不嬲都係就咁整咋...但呢排咁凍就無整過lor...
     
    [版主回覆01/04/2010 15:25:00]試吓啦, 座45~50度大暖水, 麵漿30-35度, 我覺得效果幾好呢!

    回覆刪除
  14. 係呀係呀, 佢真係升得勁, 縮得仲勁架 !!!
    好 !! 依家即刻試吓暖漿既效果先 !
    [版主回覆01/04/2010 15:26:00]快試試, 應該可以解決大脹大縮的問題呢!

    回覆刪除
  15. 這個蛋糕你做得實在太美了 ! 我最近換了新爐不識得用, 不能有蛋糕呀!   學識用爐一定試你的方法 - [暖] 字訣。
    [版主回覆01/04/2010 20:39:00]噢! 妳換了新爐!!? 是什麼爐呀? 點解唔識用呢?
     
    做個蛋糕試吓啦, 暖麵漿呀!

    回覆刪除
  16. 我的問題跟你完全一樣,明明做得好好的,永遠永遠是聚寶盤。但是我比較懷疑是爐的問題。by the way我跟你一樣用同一款爐。謝謝你的研究,我趕緊用暖水法來試試看。
    [版主回覆01/04/2010 20:55:00]我都估爐係一個問題, 這個爐, 爐溫算幾準, 但相信儲熱能就係差........令蛋糕裏面的水氣冇法子蒸發. 所以我地係易凹一族.
     
    冇辦法, 都好的, 迫我對雪芳蛋糕多d認識.......人生也是在不斷的錯誤中學習呀!

    回覆刪除
  17. 好似睇落連crumb都冇!
    脫模脫得咁靚gei?有冇咩方法ga?
    [版主回覆01/05/2010 14:51:00]徒手脫, 輕輕按吓按吓, 不難的, 仲唔駛用工具添.

    回覆刪除
  18. 好味! 好味!
    [版主回覆01/05/2010 14:52:00]幾清香呀!

    回覆刪除
  19. 我只係在山崎買個長法包時翻熱用過炸 ! 味敢用來焗蛋糕, 等有時間約師父學下個爐點用。
    [版主回覆01/06/2010 08:56:00]set o岩溫度時間, 應該冇問題的. 祝早一開爐.

    回覆刪除
  20. A moon, 你對雪芳蛋糕真係充滿熱誠呀!
    睇完你既制作, 我學多好多野丫~ 多謝!
    [版主回覆01/07/2010 11:50:00]我喜愛吃雪芳蛋糕, 也喜歡整家庭包餅呀!
     
    你的小點心做得很好! 雪芳蛋糕都係!

    回覆刪除
  21. Moon 哥,你的努力真係為我地造褔了不少!
    你令小四見到雪芳,就唸起你!
    努力!
    [版主回覆01/08/2010 21:50:00]哈哈, 其實我好懶咖, 只係又喜歡吃雪芳, 但又時時失敗. 所以好似好多試驗咁啦!
     
    呀, 我最近拿烙印仔和外甥整銅鑼燒, 他覺得超神奇呀!

    回覆刪除
  22.         今次呢個好成功啦!學妳太太話齋,話得著啦!         你係點樣脫模 o架?好靚呀,一 啲都無爛到。
    [版主回覆01/08/2010 21:53:00]係呀, 希望暖麵漿係終極答案啦! 今次眼閉了, :p :p
     
    我係徒手脫模的, 要訣是 : 不可拉扯, 只可按壓. 試吓, 好方便, 連小刀呀, 什麼的, 都不用.

    回覆刪除
  23.         徒手脫模?我無咁高道行喎!按 吓 按 吓,咁就連內圈同個底都可以甩模 o架 嗱?    
    [版主回覆01/08/2010 22:40:00]冇錯, 按吓按吓就得了, 不太難.

    回覆刪除
  24. 又跟你學到野啦~~~
    [版主回覆01/10/2010 20:02:00]大家多d交流一下.

    回覆刪除