2010年3月18日 星期四

日向夏の雪芳

天氣回暖, 又見到超市有日向夏(Hyuga natsu)出售.


日向夏, 是宮崎縣特產的一種柑, 與其說是柑, 它更接近柚子, 其實它並不太好吃, 皮厚, 汁多但不太甜, 不過倒是很香很香,


好, 買兩個來做雪芳蛋糕.



A. 蛋黃 55g 糖20g 油30g 日向夏汁50g(不足便加水) 皮茸1個


B. 蛋白120g 糖40g


C. 低粉75g



A材料逐樣加入, 座暖水仔細打勻


B打至企身軟滑


B和C交替拌入A中, 入模170度焗40分鐘, 待涼脫模.....很鬆軟潤滑, 香噴噴.



可是仍有一彎凹陷, 好像嘲笑我 : 快D換爐啦!!! 收到



22 則留言:

  1. 味道如何? 好吃嗎?
    [版主回覆03/19/2010 07:47:00]好香咖, 又軟滑.

    回覆刪除
  2. 係咪喺 citysuper買架?
    [版主回覆03/20/2010 08:49:00]在一田超市買的, 那裡的日本水果款式好多咖. sogo都有得賣, 那裡的柑款仲多呀!

    回覆刪除
  3. 你咁樣講,咁!即係會換硬焗爐啦!
    [版主回覆03/19/2010 07:52:00]係呀, 所有實驗已做過, 係時候做埋最後呢個實驗了.
     
    有冇好爐介紹呀?

    回覆刪除
  4. Sally Ho 莎莉豪2010年3月19日 上午9:51

    我有好多柚子汁, 改用呢個食譜試下先, 多謝分享食譜.
    [版主回覆03/20/2010 08:50:00]可以呀, 仲香呀, 不過我用咁酸的材料, 個糕實凹到阿芳都唔認得.........

    回覆刪除
  5. Sally Ho 莎莉豪2010年3月19日 上午9:57

    我有好多柚子汁可以改用, 多謝分享食譜.

    回覆刪除
  6.  我看過很多blog 友們寫的日誌說'日向夏' 酒是多麼的好飲.  原來在香港都可買到'日向夏'柑.  你還用它們做了又香, 又軟滑雪芳蛋糕.  好叻喎.
    [版主回覆03/20/2010 08:52:00]我冇喝過柑酒呢, 第日d喜慶日子買番支和家人試吓先, 我估真的很香.

    回覆刪除
  7. hahah.... 我剛做左班蘭雪芳.... 都係一邊凹左.....
    但係我個爐新咖.... ....
    [版主回覆03/20/2010 09:12:00]咁睇來應該係爐的問題, d溫度分佈不適合做雪芳蛋糕,
     
    我都係換左呢個爐, 當時又換埋模, 才開始出現凹糕呢!
     
    好奇怪, 我用紅外線溫槍, 個爐溫又幾正常, 蛋糕又上色得靚, 唔知那裡出現問題, 所以我遲遲冇換爐, 怕白換.

    回覆刪除
  8. 搵啲藉口換爐  
    食唔食得出日向夏既味道架
    [版主回覆03/20/2010 09:14:00]冇法啦, 我都唔捨得.........最好朋友有roller grill, 比我試一次了.
     
    好香呀, 當然加了蛋, 不是成個柑放入口咁啦, ^_^

    回覆刪除
  9. 我等緊你換爐之後死跟架, 所以我暫時唔會再整戚風住 !  快快.....................快 d 去睇爐啦 !!!
    [版主回覆03/20/2010 09:16:00]我都plan緊咖喇, 收集多d經驗先, 怕白換了.
    大家有冇好介紹, 大功率家用電爐, roller grill? delonghi?..........

    回覆刪除
  10. 我噚晚終於的起心肝去試個Roller Grill,買咗咁耐E+至試個爐係咪好懶呢 ?! 第一擊簡單D整白吐司咋~ OK喎~ 只係嫌佢無內罝燈jack~ 聽日第二擊試雪芳
    [版主回覆03/20/2010 08:48:00]好呀!!! 我都考慮緊roller grill, 妳用的係幾大容量呀?
     
    有冇新爐和作品的靚仔相睇呀 ^_^

    回覆刪除
  11. 你的雪芳要焗四十分鐘但又不見太燶. 若用我的爐一定會變非洲雪芳.
    [版主回覆03/20/2010 09:18:00]係呀, 我個爐火力好溫文, 30分鐘係唔得........用溫槍check, 爐溫又冇問題........好奇~

    回覆刪除
  12. 不是參加選美,外表唔重要,最重要是好味道,
    我應徵做你家的大口仔,長做長有…
    [版主回覆03/20/2010 09:58:00]外表都重要呀, 色, 香, 味, 美, 平面都係基本要求, 所以唯有都係換爐.........delonghi現在係祖國貨, 靠唔靠得住??

    回覆刪除
  13. 呢個份量係咪做6"模呀?? 我做嗰啲唔爆, 只升高, 點解??
    [版主回覆03/20/2010 10:01:00]要升得高, 冷蛋白, 打到白滑但係拉起成好軟好軟的尖尖, 膨脹會勁d.......
    蛋糕不要爆得太勁, 爆得太勁, 縮得也勁, 不是好事.

    回覆刪除
  14. 原來已經來到香港啦!!要買....哈..
    [版主回覆03/21/2010 09:15:00]有咖, 每年春夏都有得買, sogo和一田都有的.

    回覆刪除
  15. 你個雪紡又好似成日都凹陷喎!!! 唔通個爐真係有d問題...
    但我曾看一本書,有講這個原因,等我看看先...
    [版主回覆03/21/2010 09:17:00]係呀, 激氣........有關凹陷原因的書和網頁, 我都睇過, 也試過, 都係無效的.

    回覆刪除
  16. 又黎啦 moon 爺你,好想睇你買個咩爐
    [版主回覆03/21/2010 09:20:00]冇錯, 心裏面已擺上日程, 以我廚房咁細, 我都係打算買roller grill中等型號........不過只係膽心買完都係凹, 咁就撻直了.

    回覆刪除
  17. 色同質地都好好, 真係可惜~~ 真係換爐!!? 真係為左雪芳?
    [版主回覆03/22/2010 08:52:00]係啦, 連雪芳蛋糕都焗不好, 點可以接受呢?

    回覆刪除
  18. 你這個超級日本迷, 你前生緊係日本軍人 吾會嘅, 你換咗爐就吾會有陷, 亞芳會好似以前咁靚, 佢而家炸你嬌呀, 要換新居呀!!!
    [版主回覆03/22/2010 08:59:00]可能我今世就係要報國仇, 吃他們的東西, 用他們的人, 踩他們的土地,
     
    我翻查d blog, 第一個凹陷雪芳蛋糕就係換左新爐, 那時仲係用舊模, 當時都冇想過係爐的問題, 因為d火色好正常.......但經過幾年, 都幾肯定了.
    http://hk.myblog.yahoo.com/amoon-littleworld/article?mid=166
     
    有冇好的座檯爐介紹???

    回覆刪除
  19. 味道好清新,樣子好靚。上星期都整咗個朱海,發到嚇死人,不過就無勁縮。但面部有一層又實又硬的皮,都唔知攪咩..激死!假期有時間都試吓你個日向夏先。個名好得意。
    [版主回覆03/23/2010 15:49:00]發到嚇死人.......!! 是成功呀! 通常朱海是發不起.......
     
    表面有硬皮, 咁奇......通常焗得太耐, 就會有這情況.........

    回覆刪除
  20. 今次我只係用咗個台灣三能牌嘅6"雪芳模咋~
    [版主回覆03/23/2010 15:50:00]thx呀, 我估不是模的問題, 因為我第一個凹的蛋糕是用舊模, 15cm不黏........一樣凹, 而這個模在舊爐係未凹過的.

    回覆刪除
  21. 我整左雪芳蛋糕, 有時間睇下同比d意見
    http://hk.myblog.yahoo.com/my_wong918/article?mid=1328
    [版主回覆03/24/2010 22:27:00]好的好的, 來看了

    回覆刪除
  22. 我無中空模, 用左6"圓模嚟雪芳, 唔知點解, 放涼後, 個面濕濕地咁, 仲要縮水添, 但裹面都係好細滑的......... 我個雪芳出左咩問題? 點樣改善? Thanks.
    [版主回覆04/09/2010 13:30:00]雪芳蛋糕收縮得比較勁, 圓模係會不那麼好的........面濕濕是上火不太夠, 焗焦一點點啦.

    回覆刪除