做日本柑雪芳做上癮, sogo有春香柑(haruka mikan)........haha, Haruka對我來說有很多美好的回憶, 因為每次在關西機場下機, 最愉快的第一個節目就是踏上漂亮的高速列車到可愛的京都........火車的名字就是Haruka.
試食後發覺它的味道太像日向夏........結果買了下面的甘夏(ama natsu)
日本的柑橘真不好吃, 比起加州新奇士差得遠了(從前的), 這甘夏柑是皮粗肉韌, 汁是酸甜中帶一點苦味.........幸好皮茸帶甜香.......試新東西吧了.
第一個糕, 凹到阿媽都認不得........宿命
第二個, 減少柑汁, 加入1/4 tsp梳打粉中和酸性, 還將焗盤反轉, 托高一些讓蛋糕受多一點上火........抱必死的心再焗............
.........好奇怪, 出乎意料, 喜出望外, 喜從天降, 蛋糕又平整, 又鬆軟, 鬆到打出幾摺車呔紋.........
是不是梳打粉的功勞?
難道是升高位置的功勞? 我都會再做.
無論如可, 我都會換爐.
-----------------------------------------------------------
Y!Blog真係越來越氣人, 昨晚回覆了不少朋友的留言, save時都好似冇問題, 但一refresh網頁, 全都不見了, 花了不少時間再打/copy&paste.........到今朝才重重覆覆的跑出來.......看來我已和海外blog友同一命運, 要半夜/晨早才可上blog.
看來很軟身，看到蛋糕邊也起晒摺紋。
回覆刪除[版主回覆03/25/2010 09:33:00]係呀!! 死左唔知點解, 咁次生左又唔知點解
嘩嘩嘩！超柔軟。
回覆刪除[版主回覆03/25/2010 13:36:00]今次勁鬆呀, 可能是梳打粉, 不過以前焗日向夏, 加左梳打粉一樣勁凹........咁又唔似係因為它
好軟棉棉的感覺呢!
回覆刪除係呀, 我尋晚upload幾張相,整極都唔得, 頭先剛發現全都有,還重覆了!
我試整左你biscotti, 可能我太心急,又焗耐左, 好硬呢!
http://kswc328.mysinablog.com/index.php?op=ViewArticle&articleId=2219099
我想問,你切時是否比較鬆散, 我邊切好似想散想散咁!
[版主回覆03/25/2010 18:55:00]做得好薄呀, 又多果仁, 不錯呀, 可能是第一焗焗得太勁吧. 加多一點bp也會更脆.
有冇睇啱心水邊個爐呀?
回覆刪除[版主回覆03/26/2010 07:31:00]暫時都係lam緊法國爐roller grill, 未實地考察個呀.
就係因為唔知點解, 你要繼續試囉
回覆刪除咁我哋又有得食.
[版主回覆03/26/2010 07:33:00]真的, 我咁勤力, 其中一個原因就係失敗得多, 還有, 從前明明次次成功的呀~~~
無論如何我都會常常做的, 健康早餐呀!
Y!Blog真係好煩 當回覆時成日都show"在處理中", 我都試過重複又重複, 到最後見佢再show, 我巳經唔再理佢, 之後再睇返好彩post左出黎, 所以以後再遇到這情況, 我淨係攪一次就算啦
回覆刪除[版主回覆03/30/2010 09:31:00]係, 比好多人鬧呢!
甘夏柑雪芳... 好鬆軟~
回覆刪除[版主回覆03/30/2010 09:32:00]放了梳打粉.........其實我想不加的呀.
你都要換爐?雪芬真係咁難?
回覆刪除[版主回覆03/30/2010 09:35:00]係呀, 我都心灰意冷了, 早期用細爐, 反而一次都未凹過. 但呢個爐明明溫度好準呢.......唔明.