2009年12月1日 星期二

忌廉香荽焗南瓜

上上星期五, So記買回來的東西, 除了Valrhona朱古力已吃光以外, 南瓜和蕃薯一直都沒時間開光.......不行了, 雖然它們很耐放, 怎忙也要玩樂一下!


三年前吃過一次, 真的念念不忘, 南瓜竟然可以咁好吃, 今天唯有自己焗一次來吃!



日本的靚南瓜, 美國有機紫洋蔥和蒜頭, 喜瑪拉雅山岩鹽, 法國淡忌廉, 日本的麵包糠(日文叫pan粉)..........還切碎一點意大利的salami


 


1.      先在焗盤上搽上牛油,然後加上蒜泥


2.      在蒜泥上加南瓜片、粗條洋蔥


3.      灑上岩鹽、salami碎, 黑椒和花椒粉(我冇呀!)


4.      重覆(2)(3)的步驟,即多加一層南瓜和洋蔥和調味


5.      倒入忌廉,剛剛蓋過南瓜和洋蔥,再灑上豆


6.      入焗爐200度焗至熟,最後舖上麵包和蕃茜碎,焗至麵包香脆


7.      麵包和蕃茜碎的比例是1:1,在加入南瓜前先混合


 


 


日本南瓜, 真是好好, 好好吃, 又粉又綿, 又甘甜, 加上各種香料和配料, 真是好好吃! 用來菜或拌意粉都好好吃飯.......唯一的問題是......肥, 太太不太敢吃 :p



 


蕃薯糖水啦, 是太太的至愛, 這種日本紫皮黃心蕃薯, 每次都又甘又粉, 配上黑蔗片糖,


拍幾片薑, 可連吃幾天也不膩~~~



18 則留言:

  1. 真係想試下,好好味!
    [版主回覆12/01/2009 21:42:00]只是買配料要花點功夫, citysuper大部份都有, 試吓啦, 不難的.

    回覆刪除
  2. haha, 好多個"好好吃"呀, 睇嚟都真係好好味喎!
    忌廉要蓋過南瓜, 咪要好多攞! 咁你落咗幾多呀?
    真係好肥架!
     
    我都o係So記買咗蕃薯, 不過用晒嚟煲麥片啦!
    唔使加糖都夠味!
    當然, 用嚟煮蕃薯糖水會好味好多啦!
    [版主回覆12/02/2009 14:25:00]係, 真係好食呀, 不過真係好多忌廉, 我估300ml左右啦!
     
    蕃薯麥片我未試過, 我都係喜歡蕃薯糖水多d.

    回覆刪除
  3. 盤焗南瓜咁樣整真係會好好味,不過又真係有啲肥喎!改用 less fat的忌廉啦~唯有咁樣做會好啲囉~
    [版主回覆12/02/2009 14:26:00]我想用牛奶添, 不過一定不夠香, 下次試吓用少少油焗, 加多點salami吊味.

    回覆刪除
  4. 哈....無辦法,大部份好吃的東東都是肥的!
    [版主回覆12/02/2009 14:28:00]係, 真係十分矛盾, 如果齋南瓜一定冇咁好味.

    回覆刪除
  5. 忌廉香茜焗南瓜 - international meal? 映真巴幣~
    天氣涼時 飲碗熱熱辣辣的番薯糖水,嘩~真舒服尼!
    [版主回覆12/02/2009 14:29:00]一位烹飪大師的食譜, 好好吃o架
     
    蕃薯糖水, 熱辣辣, 好舒服!!!

    回覆刪除
  6. 這個新菜式我沒有見過, 個樣子好吸引, 你亞妹有冇份食?? 想問你, 驗證碼係咪Yahoo 加給用戶阻嚇無聊人呢留言呢???
    [版主回覆12/02/2009 14:31:00]呢個菜真係簡單又好味, 不過一定要日本南瓜, 又綿又粉, 妳那裡也有類似吧! 我妹未回來呀, 冇得吃.
     
    驗證碼係阻擋一d程式留言, 因為程式看不懂那些灣彎曲曲的字.......可惜太彎曲, 連人眼都看不明.

    回覆刪除
  7. 嘩, 原來南瓜可以加cream 來焗的.  一定好味啦.  有你煮的蕃薯糖水, 你的太太一定甜到入心. 
    [版主回覆12/02/2009 14:33:00]係呀, 索左d忌廉香料, 好好味呀, 可以加d煙肉/風乾火腿吊吊味, 都好好味.
     
    哈, 糖水, 有時我煲有時她煲啦

    回覆刪除
  8. 好煮意呀, 焗南瓜好好味呀, 加埋salami仲野味呢.......
    第3次打啦, 再話我驗證碼錯就唔打啦.....激死人.
     
    [版主回覆12/02/2009 14:35:00]大師級的菜式.
     
    我現在先copy起, 再看看驗證碼看不看得明, 不明refresh在來過..........邊有d碼咁難睇咖, 真係玩死.

    回覆刪除
  9. 我都有買到呢兩樣嘢呀, 又係到依家都未諗到點食.
    [版主回覆12/02/2009 14:35:00]可做菜, 做包和做蛋糕呢!

    回覆刪除
  10. 這個焗南瓜很啱我開聖誕party食呀, 謝謝你的好煮意.
    紫皮黄心番薯我剛做了muffins, 健康又好味.
    [版主回覆12/02/2009 14:36:00]呢個係一位烹飪大師的煮意, 好好食呀!
     
    蕃薯muffin, 好吃呀!

    回覆刪除
  11. Moon 嫂都鐘意日薯;真係好好食。有冇試過加太 x 冲繩黑糖 + 薑,我個人覺得好掂!不妨試吓。
    [版主回覆12/02/2009 21:05:00]沖繩黑糖, 好嘢黎噃, 等我試吓先. 係太x出的?

    回覆刪除
  12. 焗南瓜又好味又美觀, 我都打算開Party做。 你有無試過日本南瓜連皮煮來吃 ? 煮出來又有綠色又有黃色, 又高纖維, 又好吃。 
    [版主回覆12/03/2009 17:56:00]這味很好吃, 又甘又香, 肥而不覺膩, 很合party多人坐地分肥, haha.
     
    :o, 我以為南瓜皮又粗又硬, 吃不得, 原來可以吃的, 那我不用批皮批得咁辛苦了.

    回覆刪除
  13.         我 諗極都 諗唔到南瓜浸住咁多忌廉 嚟焗係咩味道,好難想像!反而椰汁就想像得到。         啲日本番薯可以連皮食 o架?
    [版主回覆12/03/2009 17:57:00]千祈不要用椰汁, 搶了南瓜的淡淡香味.
     
    係, 又薄又脆, 又有益.

    回覆刪除
  14. 留天來你家留言,yhooo的驗證碼顯字不清,錯我打完又打…
    剛才又吃了我的留言,日後留言,會先看看驗證碼字體是否清晰才決定會否留言.
    只吃蕃薯糖水,焗南瓜下次減了忌廉才留一碟給我(=^^=)
    [版主回覆12/03/2009 18:03:00]我覺得驗證碼比白撞留言更麻煩, 我要先copy, 再看那些東東看不看得明白, 才填字, send了要看彩數........好多web的驗證碼易看好多, 一樣有效.
     
    南瓜我看好久也不會再焗了, 冇人分肥.

    回覆刪除
  15. 係呀!太 x 出的。大約 $ 25 - 28 左右,一嚿嚿不規則形狀的。它甜而不膩,但一定要加薑,淨飲都好味。
    [版主回覆12/03/2009 18:03:00]icic, 等我一定要試吓, 日本的黑糖多數都做得好好!

    回覆刪除
  16. 呢個好味呀....估唔到a_moon煮野都咁叻.
    [版主回覆12/03/2009 18:05:00]真係好好味!!!! 我有興趣的呀, 可惜冇時間研究, 等我多了空閒, 會玩個不易樂乎.........有排等.

    回覆刪除
  17. 蕃薯糖水連吃幾天也不膩 <<< 我呢個 蕃薯迷十分認同 !! 哈哈~
    [版主回覆12/05/2009 01:20:00]冇錯冇錯!

    回覆刪除
  18.         啲 cream 咪重濃味過椰漿!
    [版主回覆12/05/2009 01:21:00]你可以咁講.

    回覆刪除