天氣已冷了很久, 靚朱古力也買定了, 靚模也買定兩個, 但一直ot也沒有時間, 連約了老友的朱古力聚也被迫取消.......實在太抱歉了. 今天剛好有一個閒日, 自己先動手練習!
借這裏向ot文化無聲抗議!! 向閒暇三呼萬歲!!!
今次試用的是瑞士的Felchlin Arriba 72% 黑朱, 甘香微酸, o岩晒我這黑朱迷, 對怕苦的朋友就對不起了.
一年沒動手, 生疏到不得了, 今年的tempering進步了, Felchlin的網站非常好, 很詳細和準確的列出調溫的data, 我也做得不錯.......
可是, 入模就很生疏, 還遇到一個問題, 是朱古力殼很易裂, 脫模又黏模, 結果有3成朱古力都裂了, 只有七成朱古力完整. 唉!!!
今年愛媛柚子風蘼全城, 構思將Koo sir教的raspberry filling改為yuzu, 試了兩次, 都好成功呀! 餡料又香又滑又酸咪咪, 和這朱古力很夾!!!
成功的......
都很光閃閃, 就是裂.......
看, 朱古力殼只有紙那麼薄, 不行呀, 但為什麼呢???
嘩, 原來你除了是蛋糕高手外, 還是朱古力高手. d 力力做得好靚呀.
回覆刪除[版主回覆12/06/2009 22:27:00]老實說, 我真係...............低手來咖!!! 好多失敗妳冇見,haha
咕咕力唔識玩，亦唔敢玩，怕有排洗、怕有螞蟻........你做得好靚呀！蠟蠟鈴~
回覆刪除[版主回覆12/06/2009 22:30:00]我學過三次, 都上癮了, 洗係好大穫, 好彩每次都可以回復原狀.....
見你地整朱古力,真係好叻呀,你地咩都識整，好羨慕!!
回覆刪除[版主回覆12/06/2009 22:31:00]我都係玩玩吓咋, 學緊嘢.
嘩!有埋包裝印埋花好靚呀, 隔左成年都冇生疏喎.
回覆刪除[版主回覆12/06/2009 22:32:00]生疏左好多了, 好le heh呀, 手騰腳震........
好像咖啡色的鑽石 !
回覆刪除[版主回覆12/06/2009 22:33:00]係呀, 成功的話 , 真係好靚, 又好味呀!
製作咁多，送給朋友？我想學架！最喜歡做做做，不用說話，但可惜朱古力不太愛吃，要找辦法消滅佢。
回覆刪除[版主回覆12/06/2009 22:34:00]係呀, d成功作品就分比親友, 我係黑朱迷, 加埋酸酸甜甜的filling, 真係冇可抗拒, 只怕肥!.
你做咁多, 送人???我好怕有餡流出來的古力. 你都做得好靚呀, 緊係好好玩喇, 今次亞妹有得食喇掛!??
回覆刪除[版主回覆12/06/2009 22:41:00]咪嗰7成ok的送比人, 3成自己吃.........肥死我了.
以前我都不喜歡吃有餡朱古力, 原來係......以前的餡不好吃, 自從學了朱古力, 才懂欣賞, 好的餡是好好吃的, 即係我嗰d呢, haha
今次有她分肥了.
見到就覺得會好好食, 柚子餡@_@... 好期待tim~~~
回覆刪除(雖然我已經岩岩收到, 但未捨得食呢-0-" 在此先謝謝moon哥~)
[版主回覆12/06/2009 22:43:00]hehe, 呢個餡, 我都覺得好成功..........太太說, 上次的熱情果餡好吃!
我今晚都打算整朱古力啊, 屎火啦...睇完我都驚驚地添...我都好耐冇做過喇
回覆刪除[版主回覆12/06/2009 22:45:00]妳一定會成功的呢!
如果覺得個殼太薄, 試下倒多層朱古力, 或者用Koo sir教既方法, 用掃幫佢哋補妝都得架.
回覆刪除[版主回覆12/06/2009 22:25:00]icic, 謝謝妳呀! 我未試過倒兩次殼, 原來可以咁樣, 謝謝呀!!
嘩, 你朱古力都識整, 好叻吖. 其實我都好想係JOHNNY到學, 不過我又好怕整到成屋都係朱古力(因為我好"論盡"), 所以都係放棄咗.
回覆刪除如果裂咗果D朱古力你可以請我食就好啦, 哈哈!
[版主回覆12/06/2009 22:47:00]邊係呢......我都係學學吓咋! 我都係攪到周圍朱古力, 因為冇個大的朱古力爐, 所以滴到周圍都係, 不過都可以攪番惦.
請一粒我食啦!
回覆刪除[版主回覆12/06/2009 22:48:00]隨便吃啦!
做得好好! 倒殼倒兩次便可。
回覆刪除For hard filling, thin shell is easy to demould.
For soft filling, thin shell is difficult to demould.
Therefore, you need to find the balance between the two.
[版主回覆12/06/2009 22:24:00]icic, thanks ar, 明白了. I think 倒殼兩次 is the best solution! Indeed the yuzu ganache is so soft and creamy.
跟你上課時, 明明很易甩模, 所以很想跟你再學一次, 可惜.......要ot........
有機會一定要跟你上課.
好靚！好靚！引到我報了名跟Johnny學藝。我鍾意葉形模
回覆刪除[版主回覆12/06/2009 22:48:00]妳就好啦, 我都想呀, 但係要ot呀!
做完喇, 失手呀, 要拍四次先甩得晒模, 仲有剷完朱古力fill得唔夠滿, 轉印紙印到d印唔到d呀
回覆刪除[版主回覆12/06/2009 23:04:00]我都係拍三四次, 甩唔到的, 個殼已裂, 上轉印紙時, 朱古力要滿d, 如果唔太滿, 可以反轉放, 模在上壓住轉印紙, 一樣ok, koo sir教的, 幾乎忘了.
得johnny教路, 下次又再試.
D古力好閃好靚呀！係喎，將 raspberry filling 改為 yuzu，是用柚子茸吧？兩個都是帶酸味的，不用調較食譜！
回覆刪除[版主回覆12/06/2009 23:07:00]不可用柚子茸呀!!! 那是甜甜的膠狀物, 又不香, 我用的是柚子汁, 那是最香的, 但因它是水狀, 又很酸, 我試過了, 用量是raspberry puree的60%就很好了.
引死人啦！你做樹葉模做出來很漂亮
回覆刪除[版主回覆12/07/2009 14:14:00]手痕所以試左先, 樹葉模意上不到咁好用.
做得好好呀....個面又令, 又完整, 有7成ok算唔錯啦.
回覆刪除[版主回覆12/07/2009 14:18:00]面令是調溫好, 今次調溫做得不錯, 可惜倒模不太好, 三成真係太多了, 自己都食不了.....
今年你可以大量生產用來做聖誕禮物喇!
回覆刪除[版主回覆12/07/2009 14:19:00]成功率仲係低, 都係做黎玩吓, 送比家人吃吓咁啦.
我都好想試下^~^
回覆刪除[版主回覆12/07/2009 14:22:00]我是在創意西點跟Johnny sir和Koo sir學了兩次的, 才知道基本原理, 現在自己玩吓咁啦, 幾好玩, 而且可以吃得.
Wow 好靚呀！皮薄餡靚，好有光澤。生疏都咁靚，補課後真係唔捨得食。我做淨朱都搞到一塌胡塗，又啞色、又易溶，想送比朋友都未出街就開始有 d 唔精神。自己都覺得好笑。
回覆刪除[版主回覆12/07/2009 14:28:00]可惜裂左好多呀!!! 要再試了. 啞色易溶, 係調溫問題, 今次我調溫幾好呢.
moon 哥經你咁講我今年都要試下先,咁柚子茸可以係邊買阿
回覆刪除[版主回覆12/07/2009 14:30:00]係柚子汁, 千萬不要買柚子茸, 兩回事呀! 我是在銅鑼灣sweetie買的. 柚子汁份量是koo sir raspberry ganache中raspberry puree的60%份量
嗯，你跟 Johnny 學整朱古力？都幾靚呀！ 我想請教你，其實個模駛唔駛搽油？我見過有本書教要先搽油，好奇怪，可能為 咗易脫模啦！ 邊度會買到你果 啲方形 嘅朱古力墊紙？我見 嚫都係圓形，或者係心形錫紙，最憎 o架喇！
回覆刪除[版主回覆12/07/2009 21:07:00]係呀, 他打開了我認識朱古力的大門.
我的是新模, 我都有熔了少少可可油, 抹模, 再抹淨, 做過一次以後就ok了, 至於搽油, 如果指其他油, 就真係千其唔好了, 會玩完的.
我是在eva的創意和sweetie買的, 我都有心形呀, 因為膠紙係PE, 質地特別靚,
今年我都開工了,但真係倒得太薄,很容易裂,唯有做厚點...
回覆刪除[版主回覆12/07/2009 21:09:00]咁你點做厚d呀? 有冇得睇吓呢?
樹葉形好靚呀，
回覆刪除個餡好滑滑， 睇完個口都酸酸地， 好似食緊咁～！：ｐ
點算好呢．．．．．．ｈｅｅ ｈｅｅ
[版主回覆12/07/2009 21:12:00]係呀, 真係好好味呀, 可惜太多ot, 冇時間再做了, 如果第日做左就請妳吃啦!
整得好靚呀!moon........
回覆刪除[版主回覆12/08/2009 10:30:00]呢d係成功作品呢!
整得好靚呀~ 不過我唔敢玩朱古力，因為怕肥、怕洗餐死，但係我真係愛C黑朱古力呀！！！如果你住喺我左近就好lu~ 起碼可以求你請我食一粒頂吓引啦
回覆刪除[版主回覆12/08/2009 10:31:00]我都怕呀, 好次呢排又肥左d. 但係朱古力好好玩又好好食, 所以都系手痕
無記錯的話，好似 19號 Johnny 又會開班呀，因為 Ah Sa 報 咗名，原本佢都叫我一齊上 o架，不過我要教琴，去唔到上堂！ 我都幾鍾意你個樹葉模，好靚！你係用咩模整 o架？聽 Ah Sa 講，原來有隻貴模係用動物 嘅骨膠做，整出 嚟 嘅朱古力表面特別 "令"，又易 啲脫模，你係咪用呢隻呢？
回覆刪除[版主回覆12/08/2009 10:33:00]唉, 我都係, 我要勁ot, 冇得去呀! 我係在sweetie買的, 係透明硬模, 我都不知是什麼質地呀!
回覆刪除樹葉古力好靚, 加埋呢個packing, 好高貴呀!
我重未學倒模呀! 今次Johnny嘅班, 又撞咗期, 上唔到lu!
[版主回覆12/08/2009 13:45:00]係幾靚呀, 呢個盒都係朋友送的呢.
我都好想翻修吓, 可惜12月忙到七彩, 冇晒時間了.
整得好靚喎 ! 整咁多食得哂嗎? 要唔要人同你分肥呢 ?
回覆刪除[版主回覆12/09/2009 07:52:00]完整的, 已成功分肥了, 破爛的就自己啃吧, 好肥呀!
唔緊要喇. 開完ot就開開心心放聖誕假.
回覆刪除原來又係玩朱古力的季節. 整得好靚呀.
[版主回覆12/09/2009 07:49:00]一天一天的做, 未過時會好愁, 過了之後就冇事了.
整朱古力那天真的很開心呀, 雖然裂了不少.
整得好靚呀, 我好好彩報到19/12那堂, 我之前係完全唔識整o家, 只係上過Godiva係towngas攪的班咋.
回覆刪除[版主回覆12/10/2009 09:10:00]好羨慕呀!!! 學好了記得整出來分享呀!!!
嘩, 好靚, 好 pro
回覆刪除[版主回覆12/10/2009 09:10:00]我係學師仔來咋.......:p
嘩，乜咁慘呀，要成日 OT？你做邊行 o架，等我記得叫 啲 friend 唔 好做呀！ 原來都係透明硬模，但好似好少見到你呢隻咁靚喎！
回覆刪除[版主回覆12/10/2009 09:14:00]如果你同邊個friend有仇口, 就記得叫他入呢行啦! 仲有好多東西比ot更好玩......... haha!
我一見就覺得好靚, 幾貴呀, 都即買, 兩個模, 夠晒!
" 如果你同邊個friend有仇口, 就記得叫他入呢行啦! " 你都幾好介紹喎！ 上次 Ah Sa 講果個咩骨膠模，都好貴 o架，好似過百蚊個！不過佢話導師話係正 嘢，朱古力可以做到好靚、好 "立立令"，仲好易脫模 o添！
回覆刪除古古力令立立好靚呀! 我都好想去Johnny 度學整古力呀, 可惜我12月好忙, 抽唔到時間去上堂, 希望下個月有班開啦!
回覆刪除[版主回覆12/11/2009 22:09:00]我都係呀, 生疏的手勢, 有一些難題, 想再學學.
Thanks for your info.
回覆刪除Moon 哥好掂喎........我都想試下整柚子餡
回覆刪除[版主回覆12/15/2009 16:48:00]好呀, 只需將puree的份量變成60%的柚子汁就可以了.
好令好令唷...請問在那裡可以學到唷=.=?
回覆刪除[版主回覆12/17/2009 09:09:00]我上次在專業烘焙向Johnny學.