上上星期五, So記買回來的東西, 除了Valrhona朱古力已吃光以外, 南瓜和蕃薯一直都沒時間開光.......不行了, 雖然它們很耐放, 怎忙也要玩樂一下!
三年前吃過一次, 真的念念不忘, 南瓜竟然可以咁好吃, 今天唯有自己焗一次來吃!
日本的靚南瓜, 美國有機紫洋蔥和蒜頭, 喜瑪拉雅山岩鹽, 法國淡忌廉, 日本的麵包糠(日文叫pan粉)..........還切碎一點意大利的salami
1. 先在焗盤上搽上牛油，然後加上蒜泥
2. 在蒜泥上加南瓜片、粗條洋蔥
3. 灑上岩鹽、salami碎, 黑椒和花椒粉(我冇呀!)
4. 重覆(2)和(3)的步驟，即多加一層南瓜和洋蔥和調味
5. 倒入忌廉，剛剛蓋過南瓜和洋蔥，再灑上豆蔻
6. 入焗爐200度焗至熟，最後舖上麵包槺和蕃茜碎，焗至麵包槺香脆
7. 麵包槺和蕃茜碎的比例是1:1，在加入南瓜前先混合
日本南瓜, 真是好好, 好好吃, 又粉又綿, 又甘甜, 加上各種香料和配料, 真是好好吃! 用來菜或拌意粉都好好吃飯.......唯一的問題是......肥, 太太不太敢吃 :p
蕃薯糖水啦, 是太太的至愛, 這種日本紫皮黃心蕃薯, 每次都又甘又粉, 配上黑蔗片糖,
拍幾片薑, 可連吃幾天也不膩~~~
真係想試下,好好味!
回覆刪除[版主回覆12/01/2009 21:42:00]只是買配料要花點功夫, citysuper大部份都有, 試吓啦, 不難的.
haha, 好多個"好好吃"呀, 睇嚟都真係好好味喎!
回覆刪除忌廉要蓋過南瓜, 咪要好多攞! 咁你落咗幾多呀?
真係好肥架!
我都o係So記買咗蕃薯, 不過用晒嚟煲麥片啦!
唔使加糖都夠味!
當然, 用嚟煮蕃薯糖水會好味好多啦!
[版主回覆12/02/2009 14:25:00]係, 真係好食呀, 不過真係好多忌廉, 我估300ml左右啦!
蕃薯麥片我未試過, 我都係喜歡蕃薯糖水多d.
盤焗南瓜咁樣整真係會好好味，不過又真係有啲肥喎！改用 less fat的忌廉啦～唯有咁樣做會好啲囉～
回覆刪除[版主回覆12/02/2009 14:26:00]我想用牛奶添, 不過一定不夠香, 下次試吓用少少油焗, 加多點salami吊味.
哈....無辦法，大部份好吃的東東都是肥的！
回覆刪除[版主回覆12/02/2009 14:28:00]係, 真係十分矛盾, 如果齋南瓜一定冇咁好味.
忌廉香茜焗南瓜 - international meal? 映真巴幣~
回覆刪除天氣涼時 飲碗熱熱辣辣的番薯糖水，嘩~真舒服尼！
[版主回覆12/02/2009 14:29:00]一位烹飪大師的食譜, 好好吃o架
蕃薯糖水, 熱辣辣, 好舒服!!!
這個新菜式我沒有見過, 個樣子好吸引, 你亞妹有冇份食?? 想問你, 驗證碼係咪Yahoo 加給用戶阻嚇無聊人呢留言呢???
回覆刪除[版主回覆12/02/2009 14:31:00]呢個菜真係簡單又好味, 不過一定要日本南瓜, 又綿又粉, 妳那裡也有類似吧! 我妹未回來呀, 冇得吃.
驗證碼係阻擋一d程式留言, 因為程式看不懂那些灣彎曲曲的字.......可惜太彎曲, 連人眼都看不明.
嘩, 原來南瓜可以加cream 來焗的. 一定好味啦. 有你煮的蕃薯糖水, 你的太太一定甜到入心.
回覆刪除[版主回覆12/02/2009 14:33:00]係呀, 索左d忌廉香料, 好好味呀, 可以加d煙肉/風乾火腿吊吊味, 都好好味.
哈, 糖水, 有時我煲有時她煲啦
好煮意呀, 焗南瓜好好味呀, 加埋salami仲野味呢.......
回覆刪除第3次打啦, 再話我驗證碼錯就唔打啦.....激死人.
[版主回覆12/02/2009 14:35:00]大師級的菜式.
我現在先copy起, 再看看驗證碼看不看得明, 不明refresh在來過..........邊有d碼咁難睇咖, 真係玩死.
我都有買到呢兩樣嘢呀, 又係到依家都未諗到點食.
回覆刪除[版主回覆12/02/2009 14:35:00]可做菜, 做包和做蛋糕呢!
這個焗南瓜很啱我開聖誕party食呀, 謝謝你的好煮意.
回覆刪除紫皮黄心番薯我剛做了muffins, 健康又好味.
[版主回覆12/02/2009 14:36:00]呢個係一位烹飪大師的煮意, 好好食呀!
蕃薯muffin, 好吃呀!
Moon 嫂都鐘意日薯；真係好好食。有冇試過加太 x 冲繩黑糖 + 薑，我個人覺得好掂！不妨試吓。
回覆刪除[版主回覆12/02/2009 21:05:00]沖繩黑糖, 好嘢黎噃, 等我試吓先. 係太x出的?
焗南瓜又好味又美觀, 我都打算開Party做。 你有無試過日本南瓜連皮煮來吃 ? 煮出來又有綠色又有黃色, 又高纖維, 又好吃。
回覆刪除[版主回覆12/03/2009 17:56:00]這味很好吃, 又甘又香, 肥而不覺膩, 很合party多人坐地分肥, haha.
:o, 我以為南瓜皮又粗又硬, 吃不得, 原來可以吃的, 那我不用批皮批得咁辛苦了.
我 諗極都 諗唔到南瓜浸住咁多忌廉 嚟焗係咩味道，好難想像！反而椰汁就想像得到。 啲日本番薯可以連皮食 o架？
回覆刪除[版主回覆12/03/2009 17:57:00]千祈不要用椰汁, 搶了南瓜的淡淡香味.
係, 又薄又脆, 又有益.
留天來你家留言，yhooo的驗證碼顯字不清，錯我打完又打…
回覆刪除剛才又吃了我的留言，日後留言，會先看看驗證碼字體是否清晰才決定會否留言.
只吃蕃薯糖水，焗南瓜下次減了忌廉才留一碟給我(=^^=)
[版主回覆12/03/2009 18:03:00]我覺得驗證碼比白撞留言更麻煩, 我要先copy, 再看那些東東看不看得明白, 才填字, send了要看彩數........好多web的驗證碼易看好多, 一樣有效.
南瓜我看好久也不會再焗了, 冇人分肥.
係呀！太 x 出的。大約 $ 25 - 28 左右，一嚿嚿不規則形狀的。它甜而不膩，但一定要加薑，淨飲都好味。
回覆刪除[版主回覆12/03/2009 18:03:00]icic, 等我一定要試吓, 日本的黑糖多數都做得好好!
呢個好味呀....估唔到a_moon煮野都咁叻.
回覆刪除[版主回覆12/03/2009 18:05:00]真係好好味!!!! 我有興趣的呀, 可惜冇時間研究, 等我多了空閒, 會玩個不易樂乎.........有排等.
蕃薯糖水連吃幾天也不膩 <<< 我呢個 蕃薯迷十分認同 !! 哈哈~
回覆刪除[版主回覆12/05/2009 01:20:00]冇錯冇錯!
啲 cream 咪重濃味過椰漿！
回覆刪除[版主回覆12/05/2009 01:21:00]你可以咁講.