挑戰最詭異的咖啡雪芳, 真係做10次, 有8次凹陷, 令我成了易凹一族..........
今次, 試吓加入少許食用梳打粉調節酸鹼度, 似乎........成功了. 我希望係最後一次實驗了.
看, 它其實仍然想凹想凹o架, 好彩, 都算收貨了.
成份和之前冇分別 , 只是在咖啡液中加入食用梳打增加鹼性:
蛋黃50g 砂糖10g 打溶
水50g nescafe espresso3g 食用梳打粉0.5tsp 攪勻
低粉 70g
蛋白120g 砂糖50g 打發至幼滑柔軟, 與低粉交替拌入蛋黃咖啡漿中
麵漿很滑, 拉起程絲帶狀........很靚, 冇用的......
蛋糕在爐裏成得恰到好處....是嗎, 冇用的.........
170度慢焗45分鐘, 關爐後, 打開爐門在爐裏慢慢降溫, 讓水汽釋出.
一切在脫模後, 才可肯定, 有點像玩俄羅斯輪盤....... :p
今次, 蛋糕好靚, 質感靚, 沒有那麼濕濕像綿花糖.....總算ok了, 希望這是大結局.
經費這番實驗, 有點覺得, 蛋白還是保持鹼性的好, 遲些試吓tastebug說, 在蛋白中加入他他粉或白醋........要試的, 盡信書不如無書.
個雪芳蛋糕升得好高呀. 看到件蛋糕好鬆 . 一定好好味了. 你這個雪芳"神"探好成功呀. 恭喜, 恭喜.
回覆刪除[版主回覆11/29/2009 22:30:00]多謝多謝, 呢個雪芳都好好吃, 好香呀, 哎, 總算冇凹了.
見到 Heading 話做雪芳都有點緊張呢 , 不知會不會又凹陷, 今次有驚無險, 只是想凹想凹...... 無事。
回覆刪除[版主回覆11/29/2009 22:36:00]真係多謝妳的上心呀! 我都係, 脫模那刻, 真係有d緊張, 見到冇凹, 真係鬆左一口氣, 實驗可以完了.
看了又流口水添! 我很久沒有做蛋糕了.. 因天氣轉冷不想開夜車!
回覆刪除[版主回覆11/30/2009 07:33:00]我是開早車, 返工早起慣了, 放假也睡不著, 一早就醒了, 很眼訓, 不過都係忍不住, 做個糕.......
恭喜， 恭喜！成功了！
回覆刪除[版主回覆11/30/2009 07:34:00]謝謝呀! 希望今次是真的.
好高興見到你成功~ "戚風" 大師~
回覆刪除[版主回覆11/30/2009 07:35:00]總算ok了, 我可以不做那麼多實驗, 玩玩其他東西也好呀!
不過要多試幾次才肯定呢.
終於都無大凹陷啦，你實在太有毅力啦，恭喜晒!!不過睇你做呢D實驗令我獲益良多呀!!
回覆刪除[版主回覆11/30/2009 15:05:00]噓.........我久病成醫呀! 希望真係對症下藥啦, 唔好再玩我了.
反而我 上次做 , 一次就成功, 聽您咁講, 我真係好好彩喎, 不過呢個咖啡雪芳真係香得好緊要...
回覆刪除[版主回覆11/30/2009 15:07:00]做雪芳蛋糕, 係分易凹一族和不凹一族, 妳梗係不凹一族了.........羨慕ing........
我買ｂａｋｉｎｇ ｐｏｗｄｅｒ可以買到註明無鋁的，但買ｂａｋｉｎｇ ｓｏｄａ就搵唔到！你買邊隻梳打粉呀？我想搵隻好的整焦糖脆脆呀！
回覆刪除[版主回覆11/30/2009 15:08:00]一定要冇鋁呀, 否則對個腦唔好, 所以我好少好少用bp的呢. soda簡單d, 冇咁多添加劑, 百佳都有得賣, 我就在bakingware house買的包裝.
用UXX 咖啡可以嗎？想加 CREAM 做面，是否用淡忌廉 + 糖打到十成就 O.K.？
回覆刪除[版主回覆11/30/2009 15:14:00]什麼咖啡粉都可以的.
cream面, 好易呀! 200gcream加30糖粉, 打到7成, 剛可以流動就好了, 10成會鞋sapsap的呀!
咖啡cream都好以喎!!
無鋁泡打粉係邊度有得買架???? 係唔係食得多無益呢?????? 有無其他野可代替架????
回覆刪除[版主回覆11/30/2009 21:00:00]我都唔知呀, 我的bp都係在百佳買的, 幾年都未用過..........我估, 買d靚牌子, 和看清楚ingredients啦. 我焗雪芳, 一向都是單靠蛋白發起的.
鋁, 根據一些醫學研究, 是和老人癡呆症有關係的......
終于飲得杯落啦~ Kompai!
回覆刪除[版主回覆11/30/2009 21:07:00]都算係咁啦, 干杯咖啡!
你都可以架入小量鹽都係幫助提升架...
回覆刪除[版主回覆12/01/2009 13:38:00]加入鹽會另蛋糕好味好多, 一些 非果汁 的蛋糕我都會加少少鹽的.
蛋糕面d Cream 打 7 成就得？唔會太稀嗎？但街買個種cream咁杰，點做？指教指教。
回覆刪除[版主回覆12/01/2009 13:52:00]係呀, 7成, 剛還可以流動就行了(當然不是水汪汪啦), 完全企身, 會好"鞋", 不靚的, 而且較難抆, 抆好後一放, 就會慢慢變硬了.
外面很多時是用植脂忌廉, 可能係trans fat, 有害無益呀!
無凹就好了。雪芳話易又唔係易，偶有奇怪狀況發生 ，又唔知點解決喎﹗
回覆刪除[版主回覆12/01/2009 14:47:00]我希望練到將雪芳蛋糕做到每次都成功, 咁至可以輕輕鬆鬆安枕無憂呢!
你真係有毅力 !! 做得好好喔 ! 真係一絲不苟 !
回覆刪除[版主回覆12/01/2009 19:44:00]hehe, 我都係貪玩, 玩要"升呢", 才好玩 ^o^
宜家留言要加驗證碼啦, 係咪會少咗無聊留言呢?
回覆刪除不過, 佢咁遲先用!
[版主回覆12/01/2009 19:47:00]好嘢, 證明yahoo有做嘢, 都抵讚了, 去讚下小編啦!
不過, 如果係真人落的廣告留言, 就未必隔到, 我都係保留的的"捕蠅紙"一段日子.
係啦，都係試 吓加 tartar 或檸 檬汁啦！我上次試過用呢個方法整紅豆戚風時，攪果陣都 feel 到有 啲唔同，不過個 recipe 仲落埋粟粉，記得嗎？
回覆刪除[版主回覆12/02/2009 18:04:00]基本上我做雪芳蛋糕不加化學東西的, soda粉已是極限, 不過試吓都好, 當做實驗, 檸檬汁呢, 酸性東西我覺得反而破壞了蛋白的質地, 令它杰撻撻的, 但試吓都好.
你好有毅力, 你的實驗是......成功既! Yeah !
回覆刪除[版主回覆12/02/2009 21:06:00]冇法啦, 死馬當作活馬醫.
之前睇書成日話蛋白+他他粉,lemon juice去打會靚d,挺d,但原來酸性會搞到蛋糕凹陷,真係估佢唔到...
回覆刪除[版主回覆12/05/2009 01:40:00]我的經驗就係咁了.
不過, 我的是加了大量酸的材料, 書說的是加少少酸性物質, 不過我都覺得冇乜根據, 不知他們有冇做過比對?
A moon
回覆刪除請問你仲有冇照超 Q 這食譜整戚風 ? 超 Q or 好吃戚風蛋糕輕鬆上手那一本比較好 ? 因我有朋友會到台灣，我想叫佢幫我買超 Q ，如果這書的失敗率高的話我便不會買，所以想你比Ｄ意見！
[版主回覆12/13/2009 14:57:00]我冇做超Q潤了, 因為我的工具做超Q潤好易凹, 我也不太喜歡它的質感......不過這是很個人的. 有餅友好輕易便成功.
咁你係不凹一族, 定係易凹一族呢.......?
"好吃戚風蛋糕輕鬆上手".......我冇呢本書呢.
A moon,
回覆刪除Danny & Fanny 係同一人，我其實都算係新首，學整戚風唔係好來，只係幾個月，之前我個爐焗唔到戚風，我換左個爐之係只係試過一次唔得，個蛋糕比較濕，我斬時都未試過有你的情況發生過，我並冇你做得咁存細，我仲有一次失敗，未攪完Ｄ材料已經倒入廁所，那次係跟書的做法但Ｄ朱古力醬加埋粉後杰到攪唔到，之係睇到有個人佢放左段片，佢話要加好多水令到朱古力醬冇咁杰才可放蛋白，下次我會試下，我非常感激你同一班好以你咁好的朋友，在Blog到教人及分享你們的心得！
[版主回覆12/15/2009 14:25:00]icic.
如果你不是易凹一族, 那麼超Q潤也可一試呀, 她是自成一家的呢.
朱古力是油性的, 應該將它當作油一般處理, 和蛋黃, 植物油, 水份先打勻的.
做得好成功呀 。 想問下你， 出爐後有冇倒扣個蛋糕待涼呢?
回覆刪除[版主回覆12/15/2009 14:29:00]要待涼呀.
倒扣我就漸漸冇做了, 一來倒不倒扣, 要縮的一樣縮那麼多, 沒關係的, 二來怕凹, 試過不倒扣, 點知蛋糕一樣由底部凹起, 變了一個聚寶盤........收縮的力的很大的, 倒扣幫不了.