2009年7月1日 星期三

Jam Tasting Party

前幾天, 老友邀請我去一個很特別的聚會 "Jam Tasty Party", 地點是在銅鑼灣的Yves Kitchen.........


在集合地點見了面, 我問小友 : 妳上過去幾多次? 她說 : 我未去過呀! 吓, 咁好神秘喎, 是什麼地方???..............到了一座唐樓的三樓,


我差點搖了門外的裝飾銅鈴 :p...........    


門開了, 眼前一亮, 裏面是另外一個世界!!  雅緻的房子, 很日本小店的趣味, 每一件擺放有致的收藏品, 都是女主人的各地珍藏, 多麼熱愛生活的一位女孩......Bonnie Yves.



她和幾位拍檔, 預備了一些精緻的點心, 讓我們品嚐自家設計和製造的jam.



哈, 我們的怪癖又來了, party前不停的拍拍拍, 八八八, 每件收藏品都很有趣,


聽Bonnie娓娓道來........一隻俏皮的teddy bear坐在一座日本製的袖珍腳踏衣車音樂盒旁..........一個得來不易充滿70年代殖民地餘韻的白瓷洗碗盤..........下面那個鐵鳥頭, 原來是一個泰國搾汁機..........


 


美國田納西Jack Deniel's Whisky---瓶.!........


一個袖珍流動高清黑白電影機.......泰國米糕紅泥小火爐.........


  
 


袖珍一人獨享小雪櫃..........摩洛哥水煙壺........


 


好喇, 我地唔客氣啦, いただきます, 這是 Bonnie最新的傑作Melon'n Thyme, 西瓜的清甜加上百里香的芬芳, 好清新的夏日風味呢!



四種手製果醬 : 前左藍莓醬 ; 前右桂花荔枝醬, 好芳香呀, 最o岩我這荔枝迷 ; 後左玫瑰草莓醬, 比大酒店的出品香味更平衡 ; 後右蘋果醬, 煮得剛好有金黃透明的果粒.


配以好靚的迷你scone.........真想來一杯Assam紅茶!



還有很特別的木瓜橙醬, 木瓜的甜和橙皮的香幾平衡呀!



果醬還可以沖調果汁雜飲.......這是菠蘿薄荷葉雜飲, 甘い!


泰媽媽手製醬配金不換米紙卷, 一整片金不換, 好香呀!


 

 


這特別輕盈的芒果檸檬芝士餅配乳酪, impressive, 是蛋撻王子的心意傑作, 令人眼前(應該是口中)一亮



和主人家談談笑笑中, 知道他們都是熱愛烘焙烹飪, 享受生活趣味的年青人, 將他們的夢想, 在這小小天地中實現. 聽完真想講一句 : C'est la vie!!! 十分羨慕和佩服!


因為你們, 香港的生活透出趣味和實踐夢想的陽光. 不再是OT工作再OT.......又不禁反省自己的生涯.........


 


努力呀! 祝妳們理想實現.


22 則留言:

  1. 佢有出過書架 ! 我都買過佢本教整果醬既 ...
    [版主回覆07/01/2009 15:27:00]係呀, 我那晚都見到呀, 不過我未集中做果醬, 所以未買住.

    回覆刪除
  2. 過了一個開心晚上
    [版主回覆07/01/2009 15:28:00]係呀, 很開心和見到一個新世界.

    回覆刪除
  3. 原來你和小三都有去聚會. 好別緻好新鮮. 現在的年青人有很多新主意, 好事丫.
    [版主回覆07/01/2009 15:45:00]我都希望他們的理想實現, 香港應該是一個活得更有情趣的地方.
     
    在日本, 很多年青人甚至中年人, 都會將他們的興趣變成事業, 例如一個喜歡織毛衣的人, 可以開一間毛衣店, 自己做毛冷, 自己染色, 自己編織..........另一對夫婦, 很想自己經營一間pension, 男主人每年都浸自己拿手的水果酒奉客.........也有人開一個藝廊.........一間陶藝坊.......最重要的是日本人真的會欣賞他們, 不遠百里去捧場, 就是為了每年去買一件毛衣.....
     
    ......香港社會太現實, 很多理想都被地產, 成本淹沒. 或在營營役役中消亡了.......包括我都係呀.

    回覆刪除
  4. 啲玻璃樽真係好值得收藏,Jack Deniel's Whisky、洗手盆隔離啲樽樽同放杓既白色底藍花壺,好靚呀! *我都係收買佬一名 。
    [版主回覆07/01/2009 15:53:00]哈, 咁妳真係知音了. 我本身就不算是收買佬.
     
    我都冇留意那藍底白花壺, 玻璃瓶裏裝滿醃蔬菜和辣椒, 那裏還有好多珍藏, 例如一個多層泰式溏瓷飯盒, 一個中式溏瓷粥"烹".......

    回覆刪除
  5. 那麼, 這個聚會多人探訪嗎???  你有幫襯買番樽 桂花荔枝醬嗎????
    [版主回覆07/01/2009 15:54:00]有十多人啦! 哇, 妳怎知我真的買了一瓶桂花荔枝醬??? 我懷疑當晚妳易容在現場喎.......

    回覆刪除
  6. you are so professional in cooking ! my ice-cream only take some very minor skill to finish it. i will treat you other type of ice-cream if we meet next time :-).
    [版主回覆07/01/2009 16:03:00]Great!!! I wanna try the milk tea icecream next time and following the taste of my wife, I also like dark choco ice, and moreover, any sour taste is my favorite.......how about passion fruit and lemoncella........Oh! I talk too much
    My cooking skill..........HAHA, just to take a laugh! Indeed I am interested in baking more than cooking. But one day! one day I'll try to learn more about it. That is life.

    回覆刪除
  7. 好嘆喎~
    [版主回覆07/01/2009 16:04:00]好有情趣呀!

    回覆刪除
  8. 你會唔會試下整返樽"桂花荔枝醬"呀?
    [版主回覆07/01/2009 16:05:00]我都想呀, 等我玩埋d包包先, 哎, 有點後悔那晚冇買bonnie的果醬書. 她的果醬是不加果膠的, o岩我.

    回覆刪除
  9. 真的很令人羡慕啊....理想與工作融合....
    [版主回覆07/01/2009 16:07:00]係呀, 所以去完我很羨慕和佩服, 又回想自己........

    回覆刪除
  10. 她的生活好寫意呀,好羨慕!
    [版主回覆07/01/2009 19:29:00]聽他們說另外有自己的工作呢, 餘下的時間再打理kitchen, 應該都好忙, 但忙得有意義.
     

    回覆刪除
  11. 雅致的地方呢, 有機會真想去看看
    [版主回覆07/02/2009 13:50:00]嗯........你好像是在外地的喎, 咁唯有睇網上share啦.

    回覆刪除
  12. 好特別既節目~~~  好似入左另一個人既天地咁~~~
     
    [版主回覆07/02/2009 13:51:00]係呀, 眼前一亮!!

    回覆刪除
  13. 蛇仔生活雜記2009年7月2日 上午8:35

    好有趣,我都想去見識下﹗
    [版主回覆07/02/2009 13:51:00]好耐冇互訪lu wo, 妳可以去Yves Kitchen個site睇吓.

    回覆刪除
  14. 無問題,奶茶,鴛鴦,朱古力我都會整, 但係要睇下點先交到比你同小三.
    [版主回覆07/02/2009 13:53:00]hehe, 多謝多謝, 唔緊要, 好隨緣的, 可聯絡我和小三都得.

    回覆刪除
  15. Sally Ho 莎莉豪2009年7月2日 上午10:26

    點先可以參加架
    [版主回覆07/02/2009 13:54:00]我都係收到老友記的e_mail, 請埋我去的,
    我地都留下了mail address, 妳可以去Yves Kitchen的site聯絡他們(上面有link).

    回覆刪除
  16. 我知道佢個kitchen係dream kitchen嚟架 , 好想參加呢個聚會架, 可惜唔得閑冇得去 。 Bonnie個blog已經closed 。
    [版主回覆07/02/2009 22:09:00]我估下次有機會的, 妳可以去留個mail丫!
     
    係呀, 我只係上過一次, 跟住就冇左了. 其實我都想透過blog知道更多Yves的消息, 希望她可另起爐灶, 此地不留人, 自有留人處.
     
    Y!blog 真係mean! 站在blogger的角度, 分享business的blog都好有趣, 如果不是周圍留言騷擾人的商業blog, 不應太絕呀!
     
    不過站在Y!blog的角度, 可能覺得他們應該幫趁Y!blog買廣告位, 冇幫趁就斬! 不過, 他們真笨, 其實可以出一個合理價錢, 容許business blog買一個"license"(條件當然是不可到處騷擾人啦, 不可色情暴力, 呢點可以由Y!blog操生殺大權), 比起那些簡陋的廣告吸引得多啦!! 用那些資源, 又可增強設備, 惠及其他blogger......呢盤係利人利己的大生意呀!!

    回覆刪除
  17. 心口掛個勇字上去, hahah
    當晚真係好開心呢
    希望bonnie快d找到落腳既地方, 咁我地就可以同佢多d聯絡啦~~
    [版主回覆07/03/2009 14:39:00]哈哈, 我欣賞這種happening的精神, 好多經歷就係咁得來, 我冇呢種性格咖, 唔係好多到處試的, 不過老友叫到我又好happy.發現Bonnie的好地方!
     
    當然啦, 有新地方叫埋幾個去又冇有怕啦,

    回覆刪除
  18. 你樽桂花荔枝醬剪綵未呢, 會把他和包包合體嗎, 當然唔係指塗麵包咁簡單. 還是把他令芳姐發光呢.
    [版主回覆07/03/2009 14:26:00]開左喇, yummy, 我係用來塗麵包呀, 我怕荔枝和蛋的味唔夾呀, 不過用來整杯桂花荔枝冰都幾好喎, 好, 一於試吓.

    回覆刪除
  19. 你上去時有無俾d自動開的燈嚇一跳呀?條樓梯又黑又窄的,有點鬼異!
    [版主回覆07/03/2009 14:42:00]咦! 妳有去過喎, 幾時先! 走的時候有自動燈呀!
     
    係呀, 那裏係舊樓, 有d 2046 feel, 不過Yves Kitchen 就好有心思, 好多嘢係Bonnie一手一腳砌呀, 妳有冇留意"胎記"呀

    回覆刪除
  20. 我3月去過那裏blog聚.雖然條樓梯有點驚嚇,但間屋就截然不同,布置得很精緻!可惜那天太多人,未能細心欣賞.你說的'胎記'是什麼?
    [版主回覆07/05/2009 16:26:00]原來如此, 舊樓的樓梯都係咁, 不用怕..........最緊要目的地嘛.
     
    "胎記"...."toi"記......toilet呀! 主人家花了好多心機呀, 下次妳問她.

    回覆刪除
  21.         依,乜你之前完全未聽過 Bonnie 同 Yves Kitchen 咩?佢成日都上電視講整果醬 o架!
    [版主回覆07/09/2009 07:59:00]早出晚歸嘛, 邊有機會睇到......所以我上到去, 仲係傻吓傻吓的. 問她點稱呼. 不過, 最重要都係誠意, 睇得出的.

    回覆刪除
  22. 我之前都有機會上過去幾次,分別都係不同分享會。我仲試過母親節前包場攪左個小型mother's day party~~泰媽媽+Bonnie熱情嘅招待,真係好難忘。
    咩話~~~原來Bonnie個卜都難逃~~唉~~~真係要為自己搵定後路~~
    [版主回覆07/19/2009 18:54:00]我都好欣賞她的理想和構思, 不過呢, 我上去串門子的機會不多, 看幾時有親友想聚會, 我就介紹或者拉衫尾啦
     
    Bonnie已開了新blog, 去探吓她啦(在我首頁右下方塊也有link)
     
    http://bonnieyveskitchen.blogspot.com/

    回覆刪除