老友來郵, 邀請我們看看家裏的奇花, hehe, 又有得串門子了, 我都幾內向的, 不易談笑自若, 串門子的朋友是很少的.
看, 這是心葉毬蘭的花兒, 它的花蕊(看來是吧), 好像一粒粒蟹子
見老友們拿著單反互相切磋, 恨得我這收了山的Nikon友牙癢癢(不過現在我已移情別戀到Canon了), 人越大, 越不像年青時那麼豪氣說買就買, 總不輕易買東西, 嗯, 用我的DC仔充一充吧!
![](http://lh6.googleusercontent.com/-JGxhCq9V1mE/UoeJUrS42SI/AAAAAAAAGH8/5dBkk17GlwA/5z5cQH7zLQAeXkUdC7HrpQ.jpg)
醉翁之意不在酒, 饞者之意不在花, 買一片少少的手信, 黑松露法國芝士la Brie du truffle, 甘香軟滑, 餡層有點菇味, 又開葷了! haha.
![](http://lh6.googleusercontent.com/-JT8upGbEOto/Uohj2CV50XI/AAAAAAAAMP8/o7XJcFwohMI/RIhOzJ7ZXwiCxs.seioP1Q.jpg)
又可以試吓老友的廚藝了, 雖然有點不好意思, 不過又好欣賞她的手勢
說多謝倒太客氣了
.....這是三色沙拉配Yves Kitchen的Thai Mama Dressing, 加大眼仔沙拉醬調製的.
![](http://lh5.googleusercontent.com/-LQ2TfmWqEec/UohQYz6Rk0I/AAAAAAAAH6c/LsYmhKEBxTI/1GQoiFtTgOn4mKO076SU4w.jpg)
這味小菜, 我喜歡呀! 紀文的板燒蒲鉾, 切片再劏開一條縫, 中間塗一點山葵(wasabi), 再夾一片日本紫蘇葉, 好清香爽甜呀! 超喜歡紫蘇, 每次吃魚生都會把它吃了, 好香, o岩晒我這漢奸. 呀, 日本人叫魚餅作用"蒲鉾"(kamaboko), 一個很古雅的稱呼.
吃一片另一位老友的手信, 酸子薑, o岩晒我這酸精, 吃點酸薑, 又幾似在吃魚生餐的風味.
![](http://lh3.googleusercontent.com/-6bzx7WywDBI/UojeLp0ArzI/AAAAAAAAUQ8/FgjKrjVasSw/FfEHtITn5WiuRlgmPDd.UQ.jpg)
黑椒鴨胸配自家製無花果醬, 實在太感謝了!
![](http://lh4.googleusercontent.com/-A0eFFe50whI/UomW1ByiLBI/AAAAAAAAWAo/ljlTsTrIcEM/QQOj_Es1jNDTMlCfx3oraw.jpg)
主菜來了, 是燴咖哩羊肉鍋飯, 好喜歡吃印度米, 乾爽煙韌, 加了名貴香料番紅花, 加上我最愛的提子乾和果仁, 太忙於吃了, 忘了拍攝飯的裡面還有很多軟熟的羊肉和一砵自家製咖哩汁, 好味呀!!!!
另一位老友送我一座公仔, 說似我兩夫婦. moon嫂說女的倒似她, 一副不愛被拍照的神情; 男的.......哪兒像我呀, 我冇咁大肚腩喎!!! 不過乜都拍的模樣, 倒像我........
![](http://lh3.googleusercontent.com/-4T07dvp3tRs/UomhEZewkZI/AAAAAAAAX00/zsWMQVa3_Lk/XcCwIpCaxmXdRam2SEC1Sg.jpg)
賞花吃東西之外, 令我們開開心心聚一個下午的, 還有另一些元素吧......
moon哥, 我見到黑松露芝士呀!!
回覆刪除[版主回覆07/15/2009 00:54:00]hehe, 妳真眼利, 告訴妳一個小秘密.......是間接從妳的blog學到吃的呢!
D花真係好靚阿
回覆刪除[版主回覆07/15/2009 00:55:00]好似十幾粒蟹子掛在吊燈下
可以和老友一邊欣賞食物, 一邊談天說地,
回覆刪除簡直是人生一大樂事。
[版主回覆07/15/2009 00:52:00]真係呀, 老友們, 有你真好.......!
我都好仲意魚板, 那種清新既感覺真的令人念念不忘~~~
回覆刪除[版主回覆07/15/2009 22:54:00]我都好喜歡葉香和魚餅味, 好夾!
哩隻花真係靚得好過份喎!
回覆刪除[版主回覆07/15/2009 22:55:00]我都係第一次見咋, 蟹子蘭!!
想像吓個男的係拎住個雪芳 .......
回覆刪除[版主回覆07/15/2009 22:56:00]吓~~~! 我估女的神情一樣 : 咪喇啩!!
賞花, 吃喝玩樂, 很美好呀 那些花真係好似絲絨咁, 唔記得問yc會開花多久添?
回覆刪除[版主回覆07/15/2009 22:59:00]係咪好風雅呢?
呢種花應該開一個星期左右啦, 因為yc話呢個星期不看, 下個星期就冇的喇.
蒲鉾夾紫蘇葉 - 好特別喔~!我都想食呀~ ! 燴咖哩羊肉鍋飯 - 宜家已經肚餓喇~ ! 心葉毬蘭 - 點啲wasabi......唔知好唔好味呢 ?
回覆刪除[版主回覆07/16/2009 11:14:00]哇! 煮鶴焚琴的丁.......
蒲鉾夾紫蘇葉真係好o岩我的口味呀!(漢奸嘛!)
hehe, 我都想起流口水.
心葉毬蘭真係好靚, 你有攞塊葉種嗎???? 下集幾時上??? 你老友真明白你夫婦二人, 那對公仔很得意, 你的肚仔.....再過幾年吧
回覆刪除[版主回覆07/16/2009 17:21:00]我冇拿呀, 我家係植物墳墓, d植物命仔不長呢!, 現在種的幾盆叫做好d了.
嘩, 乜妳咁好祝福呀, 我仲keep到的, 妳睇住黎.......雖然我近來都真係肥左d........wooowoooo
下集, 來緊!
酸子薑我都想自己整呀, 因為我都好鍾意食漬物
回覆刪除雖然你話你自己 "都幾內向的, 不易談笑自若" , 不過見你朋友送對公仔比你, 你其實都係一個貪玩, 好奇既人! 你太太有時都冇你乎!
[版主回覆07/16/2009 17:23:00]hehe, 真係比你一句講中, 太太見我攪東攪西做糕做包又要post上blog, 真係冇我咁好氣.....
我都幾好奇心重, 不過只限於有興趣的東西, 否則我就好懶的.
這花又真係幾特別喎!!!!
回覆刪除芝士重正呀!!!
[版主回覆07/17/2009 19:52:00]hehe, 所以話, 醉翁之意不在酒, 在乎芝士美食!
呢個心葉毬蘭嘅花好特別, 有啲假, 似曲奇上加咗橡皮糖呢 , 好好味咁喎!
回覆刪除乜你哋啲午餐咁鬼豐富架 !
[版主回覆07/17/2009 19:53:00]仲有幾粒蟹子添.
冇錯呀, 真係多謝主人家, 全部都係她預備, 我地識食咋!
點解盆花咁似曲奇 嘅?
回覆刪除[版主回覆07/18/2009 23:49:00]曲奇上面有橡皮糖, 上面再黏d蟹子, haha
嘩,大佬,俾你講一講,攪到我真係有少少混亂,究竟係真花定曲奇加像皮糖加蟹籽呀?
回覆刪除[版主回覆07/20/2009 10:44:00]咁大家發揮想像力啦