2009年7月16日 星期四

心葉毬蘭之會(下)

星球大戰? 星空下的心葉毬蘭? 黑絨布打翻了米粒? 你們猜這是什麼.......?



吃完午餐, 我們便著手做下午茶(玩遊戲才真), 先說說我們還有什麼吃.......


朋友仔做的焦糖榛子雪糕, 真係好好食呀! 自製的焦糖和雪糕真係好夾, 含蓄的苦甜味, 比起咖啡或朱古力更好味, 冰晶幼滑又不太油滑, 加上粒粒榛子, 好正呀!!


若不是我前一晚吃了一個大全黃蓮蓉壽包, 我一定會double scoops!!



另一位老友又一個大成功, 自製馬仔! 咁高難度的東西都敢玩, 服了妳! 但好鬆化呀! 加了檸蜜的糖漿是外面吃不到的. 我拿了回家, 拼著變肥仔都吃完呢!



合力玩一個卷蛋, 餡用100%cacoa barry黑朱古力加鮮忌廉做



蛋糕底意外有點沉, 朱古力忌廉好濃好滑, 拿一片回家包好放在冰箱, 兩天之後拿出來吃, 忌廉幼滑甘腴, 像上好的朱古力慕司忍不住又吃了!!



這個沒爆泡的朱古力雪芳, 係喇, 就是那個了, 在大家見證下誕生! 老友吃了一口, 說 : 好味喎! 哈哈, 開心呀!



雪芳剩下了蛋黃, 好, 做一個creme brulee! 用的是亞堅的食譜, 這食譜最適合短時間冷藏吃呢! 還用上了真正的雲呢嗱莢.........



老友的小火槍終於開光了!! 燒燒燒, 好玩呀! 看, 那層又薄又脆, 金黃半透明的焦糖! 燉蛋好creamy, 成功!!



........好了, 要開估了......那張星空, 是從玻璃燉蛋杯底下看到的雲呢嗱籽, 黑白反轉, 好像繁星點點~! 無聊吧



17 則留言:

  1. Moon,來你這裡,真多好o野食-----
    [版主回覆07/16/2009 22:02:00]哈哈, wendy, 怕唔怕睇得多會發胖呀! , 妳也不怕的. 我吃完這餐, 幸好仍未有報應, yeah!!

    回覆刪除
  2. 估得我吖! 幾時有d咁黑蚊蚊嘅東西出現過呢!原來.........哎呀, 而家先醒起未放好朋友仔比我嘅雲呢拿枝.
    [版主回覆07/17/2009 11:31:00]哈哈, 我係咪好無聊, 都好, 提了妳放好枝雲呢拿

    回覆刪除
  3. 肚滿腸肥啦~~ 滿足!!!
    [版主回覆07/17/2009 11:38:00]哇, 咪嚇我啦, 我唔想咁肥呀.........滿足就真嘅! 那個星期六日一都勁食呀!
    過左一個星期, 冇重到......hehe

    回覆刪除
  4. 一齊煮飯仔, 好開心喔 !
    [版主回覆07/17/2009 11:38:00]整吓傾吓食吓, 幾開心.

    回覆刪除

  5. from ETHAN
    [版主回覆07/17/2009 11:39:00]to ETHAN

    回覆刪除
  6. 好多野食呀...正
    [版主回覆07/17/2009 19:41:00]仲好好玩添, 做手工咁啦!

    回覆刪除
  7. 馬仔之前都有諗過整,但真係好麻煩
    [版主回覆07/17/2009 19:42:00]老友講, 都係好麻煩, 花了很多心機和時間, 成功了, 就算完成了.

    回覆刪除
  8. 剛才在女兒家上網, Ethan問第一張相是什麼?  "黑文文"咩嚟架? 後來看見雪糕及其它才稍為放鬆. 我也有給他解釋是同另一張. 我說: uncle在玩嘢
    [版主回覆07/17/2009 19:44:00]哈哈, 冇錯, 我玩嘢呀, 望住張雲呢拿籽, 忽然想玩下.
    見到雪糕就放鬆了, 大人細路都喜歡吃!!

    回覆刪除
  9. 真係真材實料, 好多雲呢嗱籽wor!
    我都買咗呢把火槍, 不過重未用嚟整過甜品呀!
    [版主回覆07/17/2009 19:48:00]真係好天然的雲呢拿香, 係唔同d嘅!!
     
    火槍我都係用了一次......它可做creme brulee, 燒蛋白檸檬撻, 脫慕司圈.........我都好少機會用呢!

    回覆刪除
  10. 勁多甜品丫~!!!!好想食~!!!
    [版主回覆07/17/2009 19:49:00]最開心是可以玩一個下午呢!

    回覆刪除
  11. 真係好開心好好玩喎, 一齊玩煮飯仔 。
    [版主回覆07/17/2009 19:50:00]係呀, 大家不用理成功失敗, 傾吓玩吓吃吓, 很有趣.

    回覆刪除
  12. 呵呵呵~ 好似我細個時約埋隔籬鄰舍玩 "煮飯仔" 咁,極好玩呀!懷念~ing
    [版主回覆07/18/2009 11:33:00]我都好懷念呀! 咦, 上個星期至玩左咋喎.........哈哈

    回覆刪除
  13. 恭喜你呀! 成功做了沒爆泡的朱古力雪芳 , 你老友好叻呀, 馬仔咁難度做, 都做得咁好!  
    [版主回覆07/18/2009 17:50:00]希望從此能夠安心做朱雪啦, 經過這次, 我又學了很多呢!
     
    我老友都係經過很多艱辛的實驗, 才做成馬仔.

    回覆刪除
  14. 真係估極都估唔到原來係vanilla........
    [版主回覆07/18/2009 17:47:00]哈哈! 係咪好無聊呀! 請給"珍"!

    回覆刪除
  15.         見到你 哋成班 friends 一齊整 嘢食,好開心呀!
            整卷蛋 嘅 cream 係動物性定植物性?

    回覆刪除
  16. 哈哈, 下集仲精彩, 亦證明咗你嘅肚皮會 , 我都估吾到係你張 vanilla beans 黑白反轉, Jenny 講得啱呀, 你向樹玩野呢 你地得幾個人, 做咁多食物, 好玩好玩, 不過邊樹食得落咁多呢???
    [版主回覆07/20/2009 11:04:00]下集是甜.....甜......甜. 好好玩就真!
     
    哈哈, 我地都帶埋食物盒嘛

    回覆刪除
  17. 張相....好可愛.....哈...
    [版主回覆07/20/2009 16:01:00]好玩嘢就真嘅

    回覆刪除