2009年6月6日 星期六

肥肥短短芝麻卷

很累, 本來想喪睡兩天, 昨天晚上放工回家時, 又想著這個週末玩什麼.......


想到一個新方法做卷卷, 應該很好用的, 想做一個肥肥短短的卷卷! 很想快點試玩.....


做鹹芝麻卷吧, 不加餡料, 想吃麵粉的香味.



哈哈, 新方法很順利呀(是我說的, 可能很多人已是這樣做), 做出的卷卷真的很合意, 好多圈圈, 肥肥短短, 好cutie!



什麼是新方法? 其實好簡單, 就是在做三角形前, 先用手將麵團搓成長條, 才用麵棍輾成三角形, 又易做不用又拉又壓, 做出來的三角形便可以闊窄隨意, 而且可以很........長..........


哈哈, 我是否野人獻曝了呢.


 


麵團是跟"專業麵包製作"的

高粉200g 鹽4g 糖10g 咖啡伴侶6g 速酵母3g 牛油20g 水130g......蛋液, 芝麻適量

- 所有麵團材料(牛油稍後)搓滑至可拉薄膜,

- 發酵1小時左右至3倍大, 均分6份做成長圓形靜置10-15分鐘,

- 灑少許手粉, 搓長至10", 再用麵棍輾成13-14"長的三角, 均勻掃上少許麻油, 由闊的一邊開始捲好

- 30度左右發酵約50-60分至2-2,5倍大, 掃2次蛋液, 灑上芝麻, 入爐180度焗約15分鐘至淡金色


 
  

哈哈, 好漂亮呢, 不過缺點是兩頭尖中間胖, 發酵是總是放不穩, 左傾右側的!!


質地也很綿花, 不過只能隱約見到捲過的痕跡.



肥短家族. 下次做什麼卷好呢???



還有一個問題, 是捲捲需時, 由第一個捲好到第六個, 相隔10多分鐘, 明顯見它們的發酵大小不同了, 有什麼方法解決? 總不成是放雪櫃.........?


20 則留言:

  1. 好得意呀!肥肥白白
    [版主回覆06/07/2009 08:55:00]係呀, 好好玩的, 不再像條蟲了

    回覆刪除
  2. 點解面糰可以咁白呢
    平時我做個d都係黃黃地架
     
    [版主回覆06/07/2009 09:01:00]可能是攝影和執相的效果啦.....我有執相的呀!
     
    麵團應該是黃黃地的, (妳看看和白砧板的對比就知了)
     
    以前見街買的好雪白, 都好羨慕, 是否揉搓或發酵做得好.......上星期看電視才知道, 是增白劑的效果........街買的, 尤其是預先包裝的, 吃了什麼化學品下肚都不知.

    回覆刪除
  3. 我仲未做到包包呀
    [版主回覆06/07/2009 09:03:00]多練練玩玩就可以了.

    回覆刪除
  4. 真係肥肥白白, 這個咸芝麻包我都係喜歡齋食, 好香, 而且仲冇咁快老化添, 你話係咪??? 搓成長條係好辦法播, 等我下次又試吓先.
    [版主回覆06/07/2009 09:13:00]哈哈, 肥肥白白, 講講吓以為係講bb仔 , 鹹芝麻好丫, 鹹鹹香香, 齋食搽jam牛油都好
     
    剛咬了一口, 20小時了, 都很軟呀, 算係咁了. 低溫酵焗的包, 一般都係老化好慢的, 加了油, 又會好d. 係田園包, 冇油又高溫又加了麥粉, 就好快變百潔布了.

    回覆刪除
  5. 掃埋麻油加芝麻, 名乎其實的芝麻包. 聽落都好鹹香. 肥肥短短嘅型好cute, 我都要學
    [版主回覆06/07/2009 09:17:00]淡淡的芝麻香, 不及上次黑鬼, 麻死人呀
     
    掃油呢, 原方係掃shortening, 令卷卷不會在發酵時黏埋一團, shortening當然效果靚啦, 但係要我搽呢d化學油我死都唔制呀, 都係搽天然油好d.

    回覆刪除
  6. wa~ 肥肥白白既飽飽.... so cute!!!!
    [版主回覆06/07/2009 18:57:00]好味好味, 好香和鬆軟. yummy

    回覆刪除
  7. 想快呀!
    下次叫埋moon嫂幫手叠衫囉
    [版主回覆06/07/2009 18:58:00]hehe, moon嫂唔玩的呀! 我幫手疊衫就可以

    回覆刪除
  8. 我愛肥卷卷呀﹗第一次收到鄰居的包包正是肥卷卷呀﹗
    [版主回覆06/07/2009 18:59:00]卷卷要夠肥(是體型, 不是脂肪!)至好看的呀! 妳鄰居也是包迷, 正呀!

    回覆刪除
  9. 咁長,咪仲難做到似樣三角型?
    [版主回覆06/07/2009 19:01:00]好易的呀, 你看我的'長三角"都ok丫, 個個都成功, 三角要長, 包包才靚仔的.

    回覆刪除
  10. wow, 真係好漲卜卜、好可愛呀!
    而且重好軟綿綿咁! 好羨慕!
    [版主回覆06/07/2009 19:06:00]係呀, 今次好綿呀, 卷卷好得意, 它一發酵, 一入爐, 主要是向兩邊伸長的, 所有做型是一定要加倍肥短呢!

    回覆刪除
  11. 咪卷咁長咪得囉﹗
    [版主回覆06/07/2009 22:02:00]我係想做到一圈圈的效果, 成功呀! 突然想起一個好核突的名--- x x 布包

    回覆刪除
  12. 你怕它左傾右側...... 不如捲好芝麻包之後,輕輕按一下 咁應該唔會兩邊look來look去
    [版主回覆06/08/2009 07:45:00]都可以一試, 不是它是很彈彈的, 不容易就範呀

    回覆刪除
  13. 勁 ,正!
    [版主回覆06/08/2009 19:27:00]有冇興趣玩番一轉?

    回覆刪除
  14. 好cute好肥的包包....
    我就懒啦,没作品 ....今日要tik起心肝搓包整饼.....
    [版主回覆06/08/2009 19:32:00]隨心啦, 喜歡就做, 不喜歡就不做........不過我發覺自己好似有d上癮

    回覆刪除
  15. 將個盤放係兜凍水/冰水上面~做完型D包包放上去~ 可唔可以頂到陣呢? 我li D新手都係諗下ga ja~~唔好介意我亂諗~
    [版主回覆06/08/2009 19:35:00]其實蓋好濕布放雪櫃都可以的, 不過末發酵就要耐一點了. 妳的意見是對的, 不用介意呢!

    回覆刪除
  16. 卷咁厚咁多層會實心嗎?還是仍然鬆軟?點解舊粉咁白嘅?
    [版主回覆06/09/2009 20:15:00]不會呀, 你看上面幅照片, 由裏到外都鬆軟呢, 因為麵團會整個膨脹. 哈哈, 麵粉係有d黃黃地的, 我執過d相, 增大d光度吧, 不過我不會"執"過d麵團.

    回覆刪除
  17. 我都卷過一次肉鬆卷,比平時實,點解嘅呢?
    [版主回覆06/10/2009 12:18:00]不會呀, 多數是發酵不足啫, 發返耐d啦

    回覆刪除
  18. 下次我都要整長D.........咁就肥D啦!!好嘢........
    [版主回覆06/10/2009 22:13:00]好呀, 用了這個方法, 要多肥有多肥, 要多短有多短, 玩吓啦

    回覆刪除
  19. 好得意呀!
    [版主回覆07/16/2009 17:16:00]妳又試吓做番盆丫, 不難的

    回覆刪除
  20. 睇得出發得很鬆, 好靚, 我一定會 試做喔!
    [版主回覆08/11/2009 15:27:00]係幾有層次鬆鬆的口感, 試吓啦!

    回覆刪除