2009年6月5日 星期五

食府三千 覓飲茶處

飲茶, 感覺總是等位, 坐幾個鐘頭, 看報傾計, 吃吃普通的點心, 普普通通.........消閒而已.


太太很喜歡飲茶, 我地自從到過澳門前凱悅酒店的"悅荷坊"......一碟能企得起身滑滑的蒸蘿蔔糕.......一個真的千層的蘿蔔絲酥........精美的點心加上一片窗明几淨外的小荷池, 方知飲茶的樂趣.


可惜幾年前, 整間酒店也結業了........很失落, 之後一鼓作氣試了不少酒樓, 可惜總沒有一間令我們一吃再吃, 比較好的"凱悅軒", 也隨著酒店結業了.



近來聽說凱悅在大學站開了新酒店, 中菜餐廳有點心吃, 太太說一於去試試.


窗外一片青綠, 酒樓的環境真的很不錯呀! 裝修, 擺設也很有心思........全開放式廚房, 很整潔, 只是食物呢.........eer


 
 


叫一碗牛肉蘭州拉麵, 師傅即席拉.......



吓, 怎麼吃起來淋淋的像袋裝"生麵王"........我在廣州一間小檔子吃過一次, 印像中很煙韌喎..........牛肉就很不錯.



點心都只是像個樣, 但吃下去, 叉包太"泡", 散散的, 蝦餃裏面的蝦太細粒, 一咬, 有些類似帶子碎的粒粒流出來, 哎不對勁呀..........其他如鳳爪, 咸水角, 煎蘿蔔糕, 都是收貨而已........



 這碟鹹魚雞粒炒飯最好吃, 鹹香和乾身.


見到.....panna cotta......吓! 山楂!? 好, 一定要試, 太太笑我又要比併.......係呀!



哇, 又鞋又實, 還是我做的好好多, 加上混了山楂酸酸的, 和奶不夾, 其實只保留表面那層果棟是山楂味就好了.



講環境的我, 都覺得這裏不錯的, 但太太說, 不用特別再來了, 我都覺得係! 我們談起, 怎麼澳門的頂級點心師傅, 總好像比香港的好一點.


令我們叫好的, 只剩下金域假日的龍苑酒樓, 可惜說到環境, 是在地庫......


香港, 那裏可以找到令我們心思思的飲茶地方?........又令我懷念起"悅荷坊"和溫哥華的"麒麟"了


5 則留言:

  1. 哈....自己鍾意整甜品, 到街外食既時候有時都會同人地果d 比併吓~~ 有時真係覺得自己重整得好食過佢地~~~ 尤其一d酒店, 佢地既甜品真係......
    飲茶我都鍾意, 大學站既凱悅我都想去試吓  (之前), 而家睇完你既評語... 唔駛去食...中餐啦~~~ 西式唔知 O 唔 OK 呢??  
    [版主回覆06/03/2009 10:25:00]咁又冇咁叻, 其實我只會做一些簡單的甜品.
     
    Hyatt Shatin, 其實又不是太差, 環境和服務都好好, 食物呢, 和我記憶中最好的比, 係有d唔公平的, 妳可以去試吓呀!

    回覆刪除
  2. 唉, 其實你有咁多選擇都已經吾錯喇, 比起我地這些移民.......唉......
    [版主回覆06/05/2009 10:50:00]咁又係, 不過其實我食來食去, 都係嗰幾間, 店子多, 選擇少.........

    回覆刪除
  3. 當年去澳門凱悅,多數食西@ Flamingo。
    [版主回覆06/05/2009 10:51:00]係呀, 我地都有幫趁Flamingo, 坐在池邊, 吃酸子鴨, 此情不再了.

    回覆刪除
  4. 你們飲茶相對我來說是不同,
    我最難忘是兒時在屋村附近的茶"療"飲茶,
    現在只能在大冒山的茶"療"追回少少回憶,
    這些茶樓,食物新鮮,但一定要早去,
    日上三杆只有少量點心,你…幾時行轉呀!
    [版主回覆06/05/2009 14:44:00]不錯, 食物, 除了吃味道, 更加是吃回憶, 最美好的時刻, 吃的東西永遠最好味的.
     
    好的, 找次約埋行友久休復出啦

    回覆刪除
  5. 太多選擇, 令你們嘴刁了. Ph講得啱, 我們每次都要勞師動眾也就不作多挑三揀四了
    [版主回覆06/07/2009 18:18:00]對的, 和人生一樣, 選擇多不一定的幸福的, 開講話齋 : 千揀萬揀, 揀著爛燈盞 ........今次去到馬料水, 都好勞師動眾呢
    .......我們的飲茶嘴刁, 全是在溫哥華和澳門培養的, 香港, 沒份的呢, 下個星期, moon嫂又提議去尖沙嘴試另一間, 不知呢

    回覆刪除