2009年6月27日 星期六

芥子煙肉卷

今日在用另一個方法試.......



今次用大卷綿胎的方法.......用的是基本鹹麵團:


高粉200g 糖12g 鹽5g 奶粉6g 水130g 植物油10g 牛油10g.......做法如舊


 


灑上碎煙肉, 塗滿芥子.....



兩次用了半瓶......


 


捲了大綿胎, 本來用線界是最齊整的, 可是懶, 用利刀切算了.


 


 


給太太試一口, 說怎麼又鹹又酸.....hehe, 芥子是這樣了, 下次要塗少點. 我倒覺得ok好吃, 我是酸精. 好彩我不太肆鹹, 否則死得快.


26 則留言:

  1. 捲捲捲 ! 又好玩又好看 !  
    [版主回覆06/28/2009 00:21:00]大綿胎好好玩呀, 下次一定要用線界, 不過最好玩的是逐個捲捲捲.

    回覆刪除
  2. 請問你用邊種酵母, 份量多少呢 ?  thanks~~
    [版主回覆06/28/2009 22:51:00]我用的是Saf Instant(燕子牌速酵母) - 白袋鹹麵團, 歐洲老牌子, 唔錯呀, 放在冰格, 兩年了, ok呀!
    一般麵團, 200g麵粉 配 3g速酵母.
    如果買到Fermipan instant, 更好, 我喜歡他淡淡的香味, 可惜已買不到.

    回覆刪除
  3. 呢個造型冇得滾圓哦.....我最鐘意滾圓呢
    [版主回覆06/28/2009 22:59:00], 冇錯冇錯, 滾圓都係我好喜歡的, 不過搓第一勻時都滾過一次.........而捲捲捲又好好玩喎!!!

    回覆刪除
  4. 這個卷法都好呀, 方便發酵又一致. 芥子真的這麼酸的嗎? 下次加太太喜歡的餡嘛
    [版主回覆06/28/2009 23:09:00]下次用線界仲好玩呢! 法國芥子係鹹鹹香香, 酸酸地的, 完全不辣的........不同Dijon mustard是辣的, 更不是英式黃芥辣的呢.
     
    太太嘛, 她不太捧場呢, 每次都是出爐試一口......她喜歡吞拿魚, 肉鬆, 下次做肉鬆!
     

    回覆刪除
  5. 雖然用刀切會不太齊,但製成品仍然好好樣呀!我也同意你的講法,食得鹹多,真係死快啲! (認真講架!)
    [版主回覆06/28/2009 23:11:00]下次一定要試用線界, 靚d.
    吃東西清淡好d, 不過好吃的東西多是不健康的.........均衡飲食啦

    回覆刪除
  6. 0夷,靓仔bor(指的是面包 )
    [版主回覆06/28/2009 23:11:00]當然當然(我都係講麵包 )

    回覆刪除
  7. 恭喜你今次成功卷卷卷&發發發!
    我都覺得煙肉應該要切碎, 切碎可以食少d, 話晒都無咩益架嗎!
     
    另外, 請問氈底卷包白色o個塊係咩嚟架?
    [版主回覆06/28/2009 23:16:00]終於不太笨了, 卷卷真係好多變化.
     
    煙肉我用了好少呢, 只是兩片, 仲要切左d肥的部份......下次炒一炒仲好食d.
     
    白色那塊是防菌膠砧板呢, 我專用來搓包的, 再下面藍色是矽膠入爐蓆, 防滑一流, 最佳配搭.

    回覆刪除
  8. Moon 爺,你你你......飛佐我的回應嗎?我係排第二咖!
    [版主回覆06/28/2009 21:45:00]點敢呀 .......taste姐, 妳篇回應好似在上一篇噃 .
    咁我兩篇post又係好鬼接近嘅.......
     
    我差點又鬧鬼Yahoo!添

    回覆刪除
  9. 芥末子 +煙肉=好味呀~~~
    我都好仲意呢個味道!!^_^
    [版主回覆06/28/2009 23:17:00]我都覺得好好味, 好香!!!!
    不過法國芥子不是個個喜歡的, moon嫂是少少酸也不吃呢!

    回覆刪除
  10. 好特別的配搭. 你會用甚麼線去界?
    [版主回覆06/30/2009 09:04:00]用普通的縫紉線得了. 這個配搭, 很多事在epi麥穗形法包那裏都會用, 不過很少下那麼多芥子.

    回覆刪除
  11. 這隻 mustard 我鄉厘冇食過 .  同黃色那隻regular mustard 如何不同???見你這隻有粒粒的.  煙肉碎做包包好味呢!
    [版主回覆06/30/2009 09:07:00]黃色的係英式芥辣, 係辣的, 這隻是法國芥子, 最出名的是pommery, 不辣的, 也沒有芥辣的氣味, 是鹹鹹酸酸香香的.
     
    http://hk.myblog.yahoo.com/amoon-littleworld/article?mid=9085

    回覆刪除
  12. 關於你說的CSS調整外觀,我們會檢討這方面的問題,並商議是否為外觀管理加入簡易設計 :)
    而相片質素差,我們也會檢討的。因為其實我們會對照片作出一定壓縮,才可以合乎Jacso內部的規格,所以會有一點失真的情況,因為假如用戶上載一張大照片,我們系統會同時製作多張不同大小的預覽圖,所以假如用戶上載一張200KB的照片,可能系統內就會有總共300KB的圖,因為我們有製作多種縮圖方便大家的功能。由於Jacso開站只有不久,所以對系統資源必須採取保守的控制。始終Yahoo是大財團,一千億的市值不是說笑的  ,所以他們對相片可以不用壓縮,反正錢就多的是,他們也可以隨時擴張增加硬件和儲存配備。這方面,Jacso真的要認輸,暫時也真的要待網站成長起來,我們才能進一步提供更優質的服務。
     
    [版主回覆06/29/2009 16:32:00]歡迎你的回覆呀, 很欣賞你的誠意, 好過yahoo!blog十問九不應呢......! 明白的, 其實圖片解像度不是最重要一環, 靚點當然好點啦. 版面多點自動化的自選如背景圖案, 也只是增加趣味和一點歸屬感.........一樣一樣慢慢來吧, 最重要是穩定, 快捷, 方便, 你們都做得很好, 努力呀!!!


    回覆刪除
  13. 註︰您將剛開業的民間小生意Jacso跟Sina、Yahoo兩個大財團的Blog來比較,真的是太賞面了,這完全是越級挑戰,就像是小兵挑戰總司令啊!實力懸殊,愧不敢當啊!
    註2︰Y!blog框架成熟了... 嗯... 請恕我慚言,以我認識幾個Yahoo內的前高級員工,據聞,Y!Blog是連一位專責Blog部份的員工都沒有。專責的意思,當然應該有員工負責的,但每天花不到十分一的時間來管理這裡,那你可以幻想一下。管理也沒時間,還會有時間去開發,有時間去改進嗎?因為我本身就是一位Blogger,我自己跟大家一樣有所不滿,才建立這個網站Jacso。當然,一切只是據聞而已,是否真的沒人有時間管理,請大家去感受一下。只是,據悉YBlog一開始就是有一套已開發的程式放在香港Yahoo使用,然後就沒有再加入過新功能,因為他們的程式員不是專責負責Blog的。所以是否真的有框架成熟之感... 以Blogger身份來說真的不敢苟同。會否有心令速度改善?假如沒有心再經營一個Blog,相信答案十分清楚。Yahoo是以搜尋作為根基和生意基礎。Blog沒有讓他們賺錢的能力,不是他們的Business Model。當Blog只是他們其中一個「插件」而非主打的時候,真的希望大家可以用長遠目光去看它的前景。
    註3︰是Jacso,不是Jasco (Jusco??) 哈哈!
    [版主回覆06/29/2009 16:37:00]你們的blog站一點也不輸呀, 我都係一個初級用家, 試過的網站就是那幾個, 你的質素係數一數二呢, 個人觀感, 比sina更好, 其他的不說了.
     
    我都有覺得Y!blog只係一個沒人理的小部門, 甚至沒有部門.....因為冇可能是如此不穩定和用那麼差的連線設備........
     
    哎呀, 我不愧係烏龍王, 一直攪錯!!! 是Jacso!!!!!

    回覆刪除
  14. 你好﹗見你捲得咁開心,我也學吓你捲,不過途中發大烏龍事,在搶救下,幸好免強可食,不至做垃圾。
    請問這包的煙肉要不要先煎一煎呢?
    [版主回覆06/30/2009 09:45:00]哈, 妳也發生烏龍? 冇問題, 烏龍日日有的啦.........妳的烏龍不算嚴重.
     
    我今次冇煎呀, 不過輕輕煎一煎會香d

    回覆刪除
  15. 好"正"呀!
    [版主回覆06/30/2009 09:46:00]呢次ok了.

    回覆刪除
  16. 系喎, 做下d特別版口味包包, 無咁悶
    [版主回覆06/30/2009 09:53:00]其實好多餡料都好自由的呢, 我已算不太多變了.

    回覆刪除
  17. 呢隻芥子同黃色果隻有咩唔同呀? 我只食過黃色果隻Colman 咋!
    [版主回覆06/30/2009 09:54:00]這隻是法國芥子, 最出名的是pommery, 不辣的, 也沒有芥辣的氣味, 是鹹鹹酸酸香香的.
     
    http://hk.myblog.yahoo.com/amoon-littleworld/article?mid=9085

    回覆刪除
  18. 撞鬼你呀!玩地乜鬼相似吖! 你可憐可憐我尼果.... 眼花耳又聾,你咪搞到我俾yahoo拉上差舘波~~
    [版主回覆06/30/2009 09:55:00]hehe, 冇心嘅, 冇心嘅, 妳只係有我的老毛病........烏龍呢, 好少事.

    回覆刪除
  19. 你用d煙肉都好瘦喎!在那裏買的?
    [版主回覆06/30/2009 11:32:00]哈, 我的煙肉是在pk順手買的, 切左d肥肉呀........雖然瘦啦! .

    回覆刪除
  20.         呢個好似幾正咁喎! 啲 煙肉唔駛預先煎香 o架?
            點解做完植物油仲要再用牛油?唔落奶粉 OK 嗎?
    [版主回覆06/30/2009 09:58:00]我覺得煎吓好d
     
    加植物油, 因為我不想全牛油, 冇油又是鹹包底呢.
     
    唔加奶粉, 當然ok啦, 只係改少少味道啫.

    回覆刪除
  21. 用法國芥辣鹹鹹酸酸, 好特別喎, 睇嚟都係一款唔錯嘅包包 。  不過我鍾意有辣味嘅芥辣多啲 。 
    [版主回覆07/01/2009 09:38:00]係呀, 妳又試吓!
    有個老友記介紹我地將英式黃芥辣和法式芥子混合, 又真是好好味呀!
     
    不過辣的芥辣包呢.........不如妳先做試試

    回覆刪除
  22. moon 哥你係用咩線切架,點可以切得咁靚咁齊口
    [版主回覆07/13/2009 23:25:00]今次我也只是用刀切的 , 用很利的刀, .
    如果用線, 普通的縫紉線就可以了, 我估最好用白色的線啦! 我很久以前都試過的.

    回覆刪除
  23. 我覺得大綿胎方便又靚,我上次一個個咁卷好攰呀!
    [版主回覆11/15/2009 21:57:00]幾靚咖, 不過逐個卷都好好玩, 有冇睇我的聰明笨伯煙肉卷..........???

    回覆刪除
  24. 推介Mustard加cheese,我也是酸/醋精,週末時我在吐司麵團試了這個combo,幾惹味!
    p.s. 我也是用了這種mustard,但另外在mustard里再加Coleman's mustard powder,加強芥末的辣味和香味。
    [版主回覆01/18/2010 21:40:00]好呀好呀, 多謝你的推介, 對呀, coleman's musturd的辛辣加pomery的酸香我估好吃, 等我買番一瓶黃芥辣先.
     
    我係酸精, 今晚用葡萄陳醋加橄欖油蘸麵包吃, 再用另一種葡萄醋拌士多啤利吃(不是我自創的, 是朋友介紹加上瓶子的instruction), yuuuuuuummy!

    回覆刪除
  25. hihi mr. a moon:- sorry me again. i want to follow the shaping as above. after捲了大綿胎, should i STRAIGHT CUT every pcs? as i see yr bread is not flat ga wor... much appreciated if u could share the tips! thx & cheers
    [版主回覆01/29/2010 13:33:00]今次我是用刀切, 但係用綿線 / 牙線 繞一個圈"界"仲容易呀!

    回覆刪除
  26. dear mr a moon:- i baked this today, pls. comment. i am wondering why there r 2 pcs different fr yours... other than that, the bread is nice, i added some cheese, thyme & parsley.
    thank you for your time & sharing, cheers!
    [版主回覆01/29/2010 23:07:00]整得好好呀, 用線界的確好用呀!
     
    包肉好鬆.

    回覆刪除