2008年3月27日 星期四

動物點心 - 真要點想像力

被廣告中的動物點心的造型吸引, 去一間著名的酒樓試新......


哎, 雖不致於貨不對版, 但還是差好遠哪!!!


 


翻蒸太久以至變形的小金魚.....


 


企鵝......我肯定南極的氣候反常了......味道, 也可想而知.


 


油膩的燒餅, 怎也吃不到一層層的酥.......我肯定廣告中的都是麵粉公仔!!!


  


我堅持一定要點叉燒包, 年青人不明白, 花巧東西還可騙人, 叉包是一間酒樓點心師傅功力的指標.


好的叉包, 不是必然的, 果然來了一籠三不像的叉包, 也是形不似神不似.



鳳爪和腸粉倒不錯.


 


貴妃雞米線是好味的. 小白兔甜品原來是棉花糖, 沒有廣告照片的誇大, 倒頗好看.


 


香港的中式酒樓, 還是拿出點誠意, 做好基本功吧!


10 則留言:

  1. 真版同相真係差好遠喎!咁樣呃人法, 一次就玩完啦, 下次咪又要諗過第二條"橋"去吸引客人????又或者客人被佢呃過一次, 列佢入黑名單喇! D負責人真係蠢!!
    [版主回覆03/31/2008 14:31:00]係啦, 冇咁大個頭, 就不要賣咁誇張的廣告啦, 下次, 不去了.

    回覆刪除
  2. 幾星期前我都和朋友去了這'著名的酒樓', 也有點企鵝餃...
    [版主回覆03/31/2008 14:32:00]其實噱頭只可吸引人去一次, 基本功不好, 也是不行的.

    回覆刪除
  3. 起碼已經探到一個大。大。。大細路啦﹗尼個“食精”就算無廣告﹐佢都會摸到去啦﹗
    做點心叉燒包﹐似做麵包咁~每個人的手勢﹐做出來的包質成品都不一樣。
    我想食鳳爪尼﹗
    [版主回覆03/31/2008 14:36:00]哈哈, 其實是moon嫂發現, lau我去呀, 我都好奇的, 想去八吓.
     
    叉燒包, 一定要一團好的老麵種, 做出來又爆又鬆又有點咬口才合格呢!  都是做了包才知的.

    回覆刪除
  4. D點心都可算係醜得可憐!咁肉酸都拎出唻比客食,係拆招牌之選!
    [版主回覆03/31/2008 14:40:00]係啦, 真係做得冇乜誠意呀

    回覆刪除
  5. 點心師傅也要再培訓呢! 像生物點心要好有心思和手技才能似啊!我現在也跟小三的兩位師傅學習像生物點心呢!
    [版主回覆03/31/2008 14:44:00]我想, 做好基本功夫, 才進一步做動物點心, 不然真是反宣傳呀.
     
    donald, 妳比心機學, 下次請我食喇.

    回覆刪除
  6. 睇第一張====> 乜差咁遠架.
    睇第二張====>嘩... ...唔係掛...邊閥似魚呀.
    睇到第三張====> 呢只乜黎架....有d唔想放入口噃.
    睇埋第四張===>唔. ....得啦.擺明就係欺騙...無一樣似的, 你有無諗過佢係咪比錯碟野你呀.
    义燒包就真係蝦死人.....唔係間間都得架.所以我覺得小三好叻, 學識整义燒包!
    都係你之前post的那些加國美食正好多.....我又在懷念中去.......
    [版主回覆03/31/2008 14:47:00]我都抱一定的期望去呀, 不過感覺是被人是是但但敷衍啦.
     
    連叉包都做不好. 我都好懷念加拿大的茶樓呀, 希望他們加油, 等我遲d去食啦.

    回覆刪除
  7. O............. 全港只此一家呢,真係唔係好食!
    [版主回覆03/31/2008 14:47:00]唔, 如果想吃好點心, 這間嘛..............

    回覆刪除
  8. 所以你們日後不要笑我的手作仔
    游!游!游!我游得很優游架
    [版主回覆03/31/2008 14:48:00]小三, 妳的手藝比他們好呢!
     
    幾時整比我食呀?

    回覆刪除
  9. 呵呵……三分形像,七分想像嘛……
    [版主回覆03/31/2008 14:50:00]哎, 我以為妳說三分像......, 七分像........
     
    我都好好想像力, 不過, 入口連味道也要想像, 好高難度呀!

    回覆刪除
  10. Fatgarfield 肥加菲2008年3月31日 上午12:20

    From looking at the pictures, I'm sure you went to the wrong restaurant!
    That bbq bun looks more like those Shanghai meat buns, totally wrong!
    [版主回覆03/31/2008 14:51:00]係, 心裏想起4個字 : 馬馬虎虎......
     
    .......這間也算是出名的酒樓呢....!

    回覆刪除