2007年5月26日 星期六

超軟麵包

今天又可做包了, 親人平平安安的日子真幸福, 那怕是我家第四件電器壞了, 也是少事.

還是做好最簡單的包款, 是May 的"麵包". 超軟包幾吸引呢!

成份修改了一點, 加了水份, 麵團軟得像一團小綿羊, 有一些程序也修改了呢

高粉300g低粉75g鹽8g糖10g速效酵母8g牛油10g水250g(+浸透提子乾適量)

材料搓勻至光滑成團, 加入提子乾搓圓. 發酵2-2.5倍大, 排氣再發酵至2倍大. 分割滾圓, 發酵30分鐘, 灑上高粉, 用膠刮在中間壓一道深痕, 再發酵20-30分鐘至2.5倍. 入爐180度焗25-30分鐘至表面淺淺的金黃.

嘻, 原食譜說在最後發酵後才壓痕, 一壓之下, 麵團漏氣, 塌了一半 只好再發酵多15分鐘......

唔, 比歐洲硬包, 是軟很多, 但比起港式包, 也是相當有咬口的呢! 幾好吃呀!


12 則留言:

  1. 有些像甲蟲,介乎港式與歐陸之間的包?0甘是不是『軟硬』甲蟲包包,祝願府上各人安康。 很想知第四件是甚麼東東

    回覆刪除
  2. 能夠平安在家做軟綿綿的包包真好。有得吃更好﹗

    回覆刪除
  3. 係喎小三, 等我下次加番觸鬚, 眼睛, 和翅膀的圓點先 今個月的家品故障日程是: 打蛋機 -> 相機 -> 熱水爐 -> 洗衣機. 幸好已一一解決了.

    回覆刪除
  4. Angel, 真是很relax呀, 個包到今朝仍幾軟, 試吓啦!

    回覆刪除
  5. 好吸引呀~我到而家仲未識整麵包呀,真係好想學

    回覆刪除
  6. 個樣好軟呀!!! 唔好意思咁遲覆你,關於我個包: 我按Peter Reinhart 教的方法用手搓,手或者large wooden/metal spoon不斷濕水,快手攪拌碗中的麵團,間中轉換攪拌的方向,使麵團起筋,大約5-7分鐘。不論用機或者用手,都沒有要求濕麵團起薄膜,離碗就可。 係呀,我諗做ciabatta 都唔錯,老化唔快,都係第二日硬些少。

    回覆刪除
  7. Natalie, 謝謝妳呀! 我的包包沒想像中軟, 原本麵團是很多水份, 軟綿綿的, 但書上說, 焗12-15分鐘便可, 但仍是白白的完全未上色, 焗到30分鐘才上到淡黃色呢!包包的水份已大大減少了....... 下次試試高溫點, 減少焗的時間.......但又有說包包要收水才是好的??? 妳的方法很有啟發性呀!!我做過"麵包"書中的ciabatta, 也是超多水份, 我上次用盡我的平生絕技, 才搓到呢! 原來可用攪拌碗的方法!! 我下次試試先, 謝謝呀. 我沒有買Kitchen Aid呀, 還是較享受手搓的樂趣.

    回覆刪除
  8. 柏琪, 做麵包和蛋真是好好玩的遊戲, 又有趣, 又要動腦筋, 又要有點實驗精神, 又有得吃, 又可和blog友分享, 很好呢! 最重要是, 是.......開始玩! 我大部份都是自己看書學, 只到外面上過一兩堂,  真是超懶, 有時和餅友交流下, 出外學是好一點的.

    回覆刪除
  9. 忘了 , 不要一次攪太多粉 , 否則手很累 ! 我自己通常一次是2-300g!

    回覆刪除
  10. 謝謝提醒呀Natalie, 下次我會試少少先. 不過我的可能是摩打手呢!

    回覆刪除
  11. 嘩..又靚又正喎!!!  好想試整呀. 

    回覆刪除