2012年2月12日 星期日

芝麻合桃大包

又可以做包包了, 好嘢!!!  沒有心水, 呀, 剛好麵秎, 芝麻, 合桃都用剩少少, 清貨大行動吧!!

前一晚忘了做麵種, 用直接法吧. 已不用看食譜, 憑記憶和感覺, 做a moon之包.

高粉175g(清貨)  全麥粉75g  速酵母5g  黑糖30g  鹽4g  水175g  橄欖植物油30g.........合桃, 黑芝麻 完全隨意

 KM 3速 搓了10分鐘, 才加入合桃, 黑芝, 再搓5分鐘.

是多水的配方(70%) ,麵團怎搓是一pat, 勉強刮了出來, 用手粉協助做形, 總算沒有手忙腳亂.

座暖水發酵50分, 做成長圓形, 再發酵30分種, 灑粉, 劃三條痕, 入爐200度焗20分鐘. 出爐喇, 好香呀, 顏色又靚, good!!! 家居意外發生了......




......太太正拖地, 我正在打一點文件, 聽到timer叫我, 立即走入廚房, 那知地板濕滑, 在廚房門外一滑, 膝蓋撞在門框上, 痛得站不起來, 坐了一會, 我等得, 包包等不得, 唯有站起來, 出爐! 幸好年紀不算太老, 跌一交還可以.

出外吃飯, 有少少一拐一拐, 不理了, 吃飯為上, 回來把麵包切開, 麵包香中帶軟, 韌度不大, 好吃呀! 加了油的包包是軟一點和耐放一點的.

比起慢發酵包, 香味簡單一點, 沒有慢酵包或老麵種包的濃郁複雜, 不過也是另一種風味.




沒有大孔孔, 所以說水份多的包包便會有孔孔, 也是不對的, 因素還有很多. 不過, 我和大孔包包沒緣份, 也沒所謂了

7 則留言:

  1. 噢! 年紀不大,都唔可以跌架!! 小心d 好bor~
    KM 係咪真係好好用呢?
    [版主回覆02/13/2012 19:49:43]唉, 家居意外, 都可以好大劑, 呢次算係好彩.

    KM020呢, 夠power, 好大力, 如果做大份量, 都唔錯.

    回覆刪除
  2. 我前年在廚房試過五體投地,一跌就跌裂腳指公骨,結果一拐一拐幾個月,A moon真係要小心D呀,再大D就吾跌得啦!
    [版主回覆02/13/2012 19:57:16]我就剷埋個龍門柱咁........係呀, 如果撞正d, 好易骨裂的呢, 唉, 真係可大可少........我會小心了. 不過呢, 有時意外好難講, 經過今次, 又小心d.

    回覆刪除
  3. 咁隻腳而家冇野MA?
    保重~ 情人節快樂~
    [版主回覆02/13/2012 19:58:25]上樓梯膝蓋都有d痛咖, 不個好番好多了........謝謝呀!

    Happy Valentine's Day!

    回覆刪除
  4. 憑記憶和感覺做包, 真係出神入化
    [版主回覆02/13/2012 20:00:51]哎呀, 點算係呢........只係做得多, 都摸到d味道.........同埋我覺得有一款自家拿手包都好.

    回覆刪除
  5. 你已經達至化境, 一切隨意而行, 羨慕!
    [版主回覆02/13/2012 20:03:37]哎呀哎呀, 只係田園包熟d, 同埋田園包可以好隨便的, 田園嘛, 農夫吃的嘛?

    回覆刪除
  6. 好喜歡這個真接法, 因為有時做了個種, 第二日無時間做包, 很可惜那個17 小時種終於了做老種. A Moon, 請問老種可以代替 17 小時種嗎? 我可以把老種放在冰箱, 要時有得用. 您的膝蓋好了些沒有. 還好有太太照 顧您. 好好保重.
    [版主回覆02/13/2012 20:17:07]hehe, 就是因為我懶, 所以好少做種包. 慢發酵包只係搓一次, o岩我這懶人. 而且對田園包來說, 加了中種並沒有大分別, 一樣好快老化.....今次用直接法, 麵包質感都好好, 只是香味冇咁複雜........遲d等我再練吓, 各種中種包包.


    我想, 17小時包的種, 過了太多時間, 就不似樣了. 只可留作老麵, 用來增加麵包的香味.

    膝蓋還有點痛, 幸好沒有腫, 謝謝呀!

    回覆刪除
  7. 又謝謝啦, 我愈來愈明白整麵包嘅過程囉.
    保重呀, 塗些去瘀膏幫助一吓...
    [版主回覆02/15/2012 19:30:07]整多d啦, 整吓田園包丫.......都冇事了, 昨天d瘀散出來, 成個膝蓋紅晒, 今天好好多了.

    回覆刪除