2012年1月18日 星期三

兔年最後的田園麥包

好耐好耐冇做慢發酵田園包了, 用KM更是未做過, 一於來吧!!! 也是時候歲晚收爐了.



這個發酵籃, 也有4-5年吧, 是在日本的Tokyu Hands買的, 哪個城市的TH??? 倒忘記了.......

用過10多次吧, 保養得好好呢, 每次都洗擦乾淨(誰說不能水洗呢?), 晾乾, 放入有餘熱的焗爐徹底焗乾, 放入膠袋中, 加一包乾燥劑. 不算太麻煩, 但多年都保持靚仔.

 

 

配方很簡單, 高粉200g   全麥粉50g 鹽5g 速酵母1tsp 蜜糖1tbsp 水170g

拌好後放入雪櫃, 由它慢慢發酵過夜, 約16-17小時

取出, 包入提子和合桃, 放入灑滿粉的籃中, 30度發酵約40分鐘(書中說發1.5小時, 但發得很大呢), 倒出, 入爐230度焗10分左右, 至完全膨脹, 降至180度約焗15分鐘.




忘了今次的配方水份較多, 發酵籃灑粉不夠多, 出籃時黏住了, 拼了命才"墩"出來, 整個麵團都變形塌陷了, 慘叫呀!

幸好都脹得很大(看上圖的包底多渾圓, haha), 好彩!!

 



慢酵包包真的好香好香, 加了乾果味道很好, 可惜這包是剛待涼最好吃(別趁熱吃呀!不好吃的), 但只能捱一天, 之後便老化了.........

5 則留言:

  1. "田園麥包" 健康又好味. 您做得好成功, 好靚. 也多謝您教了如何把發酵籃保存的方法. 好有用. 會照跟, 好好的保存我的發酵籃.
    [Hoho回覆01/20/2012 15:21:33]多謝您. 放假時我會把發酵籃拿出來洗擦乾淨, 晾乾, 放入有餘熱的焗爐徹底焗乾, 放入膠袋中, 加一包乾燥劑. 等我放工去二記買包乾燥劑用. Have a nice Chinese New Year holiday.
    [版主回覆01/20/2012 14:02:45]我好喜歡田園包的呢! 發酵籃真的可以保存很好, 記得是"餘熱"的焗爐, 不要焗焦了籃子.........開著了的焗爐頂也可以.

    回覆刪除
  2. 喺Tokyu Hands唔覺有呢D藍賣, 日本出品始終質地好好, 我有個壽司木框, 廿幾年都好好, 甚至30年嘅金屬相架都唔會氧化變色. 田園麵包好耐無食啦...heeheee

    回覆刪除
  3. 我有一個問題啊! 這個包是沒有油的嗎?
    [版主回覆01/22/2012 15:23:24]係呀, 歐式田園包係冇油咖, 但有d食譜加油都得好自由

    回覆刪除
  4. 包包焗得好靚! 農曆年唔怕麵包店唔開啦 ~~
    [版主回覆01/22/2012 15:24:04]haha, 食晒了, 唔留得耐, 今日又開爐!!!

    回覆刪除
  5. 慢發酵可以咁耐o架?我次次整嚫老麵時,第二朝個麵糰一定會發到連個盒蓋都頂起咗o架喎!
    [版主回覆01/24/2012 00:07:38]一, 是特少的酵母, 250麵粉的麵團, 只用2g或1tsp. 二, 是低溫初發酵, 一搓好即入雪櫃. 12 - 17小時, 味道會複雜而濃, 又不會有酒味.

    回覆刪除