連日奔波, 團年, 拜年, 開年......終於可以停下來一日, 就做過年糕吧......說真的, 咁多個大節, 最怕過年了.
家裏沒有材料了, 很難買到理想的雜貨舖超香冇牌黑蔗糖, 也懶去買李祥和糯米粉......
唯有去"霸街"超市買三象牌, 又去citysup買了沖繩黑糖, 開工了.
家裏沒有材料了, 很難買到理想的雜貨舖超香冇牌黑蔗糖, 也懶去買李祥和糯米粉......
唯有去"霸街"超市買三象牌, 又去citysup買了沖繩黑糖, 開工了.
糯米粉500g, 沖繩黑糖400g 水600g左右
先用一碗水煮溶糖, 加入其餘的水, 待暖, 倒入糯米粉中, 拌勻, 可再加水至粉漿撩起, 會慢慢滴下漿面會回復平坦. 入兩個小牛蛋方模, 大火蒸1.5小時. 出爐後放雪櫃1至2天,等它收水乾爽和不在黏身.
切片蘸蛋煎, 好味呀! 我最愛吃純黑糖年糕, 最愛那醇厚的糖香, 加薑汁也可. 可是一定要靚糖,千萬不要加椰汁, 白晒晒的什麼燕窩年糕, 或那些橙橙黃黃的色素年糕, 咪攪我......所以, 除了大家姐薑汁黑糖年糕外, 還是要自己蒸了.
今次三象糯米粉做的年糕比較爽硬, 沖繩黑糖也不夠香, 還是阿爸在雜貨舖買的冇牌黑糖最香.
我第一名, 吃兩塊可以嗎? 看來厚切都好軟熟好吃噃! ^^
回覆刪除[版主回覆01/27/2012 19:23:23]好的呢, 來一塊^_^
嘩, 蒸完仲要雪1, 2日! 先食得~
回覆刪除but, 個樣好掂! like~
[版主回覆01/27/2012 19:25:14]即晚吃都得, 不過軟淋淋, 切不好的.......好爽滑, 又幾香, 又不會煎完變了一pat 漿糊.
嘩! 個面好平滑喎! 我今都都係年29先去街市買無牌黑蔗糖同三象粉，早個多星期仲見有李祥和賣，年29前已冇晒
回覆刪除[李小六回覆02/02/2012 09:40:15]下次你過黎大圍呢邊買，係富嘉花園果邊入，過左7仔再行前d，燒味個問口入就轉左，佢d雜貨好得! 完來係果係底，等我仲想問下點先可以平滑滑添
[版主回覆01/28/2012 20:37:38]呢個係底來咖嘛......我次次都係叫阿爸係佢住的屋村雜貨舖至買到, 我呢頭都冇. 日本黑糖都唔夠香.
Hi Ah Moon, 龍年快樂. 兩條金磚黑糖年糕好靚呀. 多謝分享食諎. 我今年做的年糕也是用街市雜貨舖買的冇牌黑糖, 原來它是最香的. 真的好, 冇用錯糖.
回覆刪除[版主回覆01/29/2012 16:33:47]龍年快樂. 係啦, 要過年前才有得賣, 今年冇叫阿爸幫我買........
好想食呀, 今年仲未食過年糕呢, 我諗要去茶樓飲茶叫番一碟囉.
回覆刪除[版主回覆01/31/2012 22:01:00]中式甜糕中, 我最喜歡馬拉糕和年糕, 酒樓我好少點年糕的, 我要食純味年糕噃.
Very smooth surface with nice shape.....Will try next year.....Thanks!
回覆刪除[版主回覆01/31/2012 22:02:09]that's bottom indeed :p . try try, so easy, but need premium sugar and sticky rice powder.
想問問"無牌黑蔗糖"係咩樣?? 試過用太古同Molasses Cane Sugar整曲奇, 都無乜黑糖香...
回覆刪除[版主回覆01/31/2012 22:05:26]係片糖咁咖, 不過好深色, 絕不要用一般蔗片糖, 完全不對頭的........molasses?? 我未用過呢, 我買開他的light muscovado(原黑蔗糖), 算係幾香, 但未試過做年糕, 唔知差幾遠???
我聽高人話，蒸三個鐘架，好味呀!但唔鍾意加旦煎，覺得影響原味呀。
回覆刪除[版主回覆02/02/2012 18:23:50]要睇份量和形狀, 如果一底過, 圓形的話, 就要蒸久一點.......水份也好重要, 太多水糕會黏糊糊的, 太少水就怎蒸也不"熟"(我試個減左水, 糕漿好杰, 結果蒸左3小時, 糕心都是粉粉的).......今次我分兩兜, 長方形, 蒸的時間可以短d..........
妳說得對, 加蛋是防止年糕黏作一塊, 今年我的年糕好鬼爽, 下次不加蛋試吓先.
我今年都係整黑糖年糕喎！不過我再加薑汁。
回覆刪除[版主回覆02/26/2012 22:17:13]薑汁黑糖, 正呀, 今年吃了大家姐的黑糖薑汁年糕, 超正!!!