2012年1月27日 星期五

沖繩黑糖年糕


連日奔波, 團年, 拜年, 開年......終於可以停下來一日, 就做過年糕吧......說真的, 咁多個大節, 最怕過年了.

家裏沒有材料了, 很難買到理想的雜貨舖超香冇牌黑蔗糖, 也懶去買李祥和糯米粉......

唯有去"霸街"超市買三象牌, 又去citysup買了沖繩黑糖, 開工了.


 



糯米粉500g,  沖繩黑糖400g  600g左右



先用一碗水煮溶糖, 加入其餘的水, 待暖, 倒入糯米粉中, 拌勻, 可再加水至粉漿撩起, 會慢慢滴下漿面會回復平坦. 兩個小牛蛋方模, 大火蒸1.5小時. 出爐後放雪櫃12,等它收水乾爽和不在黏身.

切片蘸蛋煎, 好味呀! 我最愛吃純黑糖年糕, 最愛那醇厚的糖香, 加薑汁也可. 可是一定要靚糖,

千萬不要加椰汁, 白晒晒的什麼燕窩年糕, 或那些橙橙黃黃的色素年糕, 咪攪我......所以, 除了大家姐薑汁黑糖年糕外, 還是要自己蒸了.




今次三象糯米粉做的年糕比較爽硬, 沖繩黑糖也不夠香, 還是阿爸在雜貨舖買的冇牌黑糖最香.



9 則留言:

  1. 我第一名, 吃兩塊可以嗎? 看來厚切都好軟熟好吃噃! ^^
    [版主回覆01/27/2012 19:23:23]好的呢, 來一塊^_^

    回覆刪除
  2. 嘩, 蒸完仲要雪1, 2日! 先食得~
    but, 個樣好掂! like~
    [版主回覆01/27/2012 19:25:14]即晚吃都得, 不過軟淋淋, 切不好的.......好爽滑, 又幾香, 又不會煎完變了一pat 漿糊.

    回覆刪除
  3. 嘩! 個面好平滑喎! 我今都都係年29先去街市買無牌黑蔗糖同三象粉,早個多星期仲見有李祥和賣,年29前已冇晒
    [李小六回覆02/02/2012 09:40:15]下次你過黎大圍呢邊買,係富嘉花園果邊入,過左7仔再行前d,燒味個問口入就轉左,佢d雜貨好得! 完來係果係底,等我仲想問下點先可以平滑滑添
    [版主回覆01/28/2012 20:37:38]呢個係底來咖嘛......我次次都係叫阿爸係佢住的屋村雜貨舖至買到, 我呢頭都冇. 日本黑糖都唔夠香.

    回覆刪除
  4. Hi Ah Moon, 龍年快樂. 兩條金磚黑糖年糕好靚呀. 多謝分享食諎. 我今年做的年糕也是用街市雜貨舖買的冇牌黑糖, 原來它是最香的. 真的好, 冇用錯糖.
    [版主回覆01/29/2012 16:33:47]龍年快樂. 係啦, 要過年前才有得賣, 今年冇叫阿爸幫我買........

    回覆刪除
  5. 好想食呀, 今年仲未食過年糕呢, 我諗要去茶樓飲茶叫番一碟囉.
    [版主回覆01/31/2012 22:01:00]中式甜糕中, 我最喜歡馬拉糕和年糕, 酒樓我好少點年糕的, 我要食純味年糕噃.

    回覆刪除
  6. Very smooth surface with nice shape.....Will try next year.....Thanks!
    [版主回覆01/31/2012 22:02:09]that's bottom indeed :p . try try, so easy, but need premium sugar and sticky rice powder.

    回覆刪除
  7. 想問問"無牌黑蔗糖"係咩樣?? 試過用太古同Molasses Cane Sugar整曲奇, 都無乜黑糖香...
    [版主回覆01/31/2012 22:05:26]係片糖咁咖, 不過好深色, 絕不要用一般蔗片糖, 完全不對頭的........molasses?? 我未用過呢, 我買開他的light muscovado(原黑蔗糖), 算係幾香, 但未試過做年糕, 唔知差幾遠???

    回覆刪除
  8. 我聽高人話,蒸三個鐘架,好味呀!但唔鍾意加旦煎,覺得影響原味呀。
    [版主回覆02/02/2012 18:23:50]要睇份量和形狀, 如果一底過, 圓形的話, 就要蒸久一點.......水份也好重要, 太多水糕會黏糊糊的, 太少水就怎蒸也不"熟"(我試個減左水, 糕漿好杰, 結果蒸左3小時, 糕心都是粉粉的).......今次我分兩兜, 長方形, 蒸的時間可以短d..........




    妳說得對, 加蛋是防止年糕黏作一塊, 今年我的年糕好鬼爽, 下次不加蛋試吓先.

    回覆刪除
  9. 我今年都係整黑糖年糕喎!不過我再加薑汁。
    [版主回覆02/26/2012 22:17:13]薑汁黑糖, 正呀, 今年吃了大家姐的黑糖薑汁年糕, 超正!!!

    回覆刪除