2012年1月11日 星期三

我最昂貴的抹茶雪芳 - 無上

日本回來, 做了2012第一糕, 這個蛋糕, 好貴好貴, 僅此一次, 下不為例.......



就是這抹茶......這一tsp的抹茶價值hk$100, 閉起眼睛全倒入 >_< !



抹茶的藝術在中國發明, 但在明朝以後已完全失傳, 反而在日本保留和發揚光大.

日本茶主要是綠茶, 綠茶主要分兩類, 一是抹茶, 另一是煎茶(最高級的是玉露, 煎茶(狹義)........較便宜的有玄米茶, 番茶.....)

抹茶是最高級的日本茶, 特別方法種植的嫩綠茶葉, 嚴格的製鍊程序, 一定要用特別的石臼碾成極幼細的微粒, 才能帶出抹茶的芳香,

如果叫"綠茶"或粉末綠茶"的, 只是用其他方法製出來茶粉, 便宜得多, 千萬別見到粉末狀的綠茶就當抹茶(我從前就在一田買了一罐, 色香味也差得多)


 



......話說那天, 我們一行六人到了日本茶聖地宇治, 也是紫式部源氏物語宇治十帖的發生地.

在平等院的參道途中, 有一間宇治茶老店"伊藤久右衛門", 怎不能買一罐抹茶?! 正想買一罐中價的, 眾魔鬼說 : "既然一場來到宇治, 怎不買最貴的呀, 又不是負擔不起".........一想.......對呀, 就買了...........真的, 比什麼什麼老普洱合理得多呀!


哇, 真的想像不到, 石臼怎可把茶葉磨到如此幼細(0.00002m - 0.000002m), 但保留著嫩葉般的青綠!!!

曾經用了1 tbsp 加半碗熱水開了一杯抹茶, 哇哇哇, 顏色好碧綠, 好幼滑, 茶味好濃呀呀呀! 味道複雜多層次......香味, 苦味, 鮮味.......回甘........




(a)日本蛋黃4   砂糖20g   抹茶1tsp(+70g暖熱水, 慢慢調入拌成糊狀)   無氣味植物油20g   逐樣加入座50度暖水徹底拌勻

(b)日本蛋白4   砂糖50g   打發至拉起呈軟勾狀

(c) 江別日本製薄力粉 70g   和蛋白霜(b)分兩三次交替拌入(a)中. 麵漿倒入17cm雪芳模至8成滿(不要怕浪費倒到9成10成, 餘下的做一個小的吧)

入預熱170度焗爐焗20-25分鐘(每個爐都不同, 我的RG只焗了20分鐘便上足色了), 出爐待涼2-3小時(待涼時用膠罩罩好保濕), 脫模, 吃得.

 



幸好沒有意外(我不會再做第二次呀!!!), 顏色都幾鮮, 茶味好香呀!

不過呢! 好老實說, 如果冇人知道是用高級抹茶做的話, 和sogo or citysuper抹茶做的, 吃得出有分別嗎?.........

問我.......當然有分別啦!!!!!! >_<



15 則留言:

  1. yummy!
    [版主回覆01/11/2012 22:21:00]今次都做得幾好, 好採冇o徙料, 食完有少少回甘.

    回覆刪除
  2. 你嘴尖,只要是宇治,我就喜歡
    [版主回覆01/11/2012 19:02:30]並非嘴尖, 而係一場去到宇治, 如果唔試吓d靚嘢, 回來一定會後悔.........下次都唔知幾時在去.

    回覆刪除
  3. 我覺得最緊要好味, 貴少少亦無防
    [版主回覆01/11/2012 19:04:06]對呀, 食落肚的東西最重要, 如果找到好的食材, 就用靚d啦.

    回覆刪除
  4. 顏色好翠綠不過真係好貴! ^0^
    [版主回覆01/11/2012 19:06:44]唔緊要啦, 一次半次, 如果當時我買左第二第三級, 便宜幾十元, 但回來一定後悔.......買都買唔返呢!

    回覆刪除
  5. WOw.... 值得值得!!
    我就係想要依種綠~~ 第2日會唔開始氧化!?
    [版主回覆01/12/2012 20:54:30]:D 了了心願咁啦, 唔捨得第二次了, 留返沖茶喝.......沒有變色呀, 三天後吃完, 顏的都冇變.

    回覆刪除
  6. 咁你應該分啲過嚟比我試吓嘛......
    [版主回覆01/13/2012 16:47:05]講真食落口冇乜分別, 因為有蛋有糖, 沖茶就好大分別, 好濃味.

    回覆刪除
  7. 我梗係知道有分別!價錢有分別嘛~~~ ^~^
    [版主回覆01/13/2012 16:49:23]冇錯, 因為食的時候, 勾起當日的情境(發現+shopping + 比錢), 咁d茶味就特別香 haha

    回覆刪除
  8. 好翠綠啊. 千金難買心頭好, 見到咁靚既顏色, 乜都抵啦.
    [版主回覆01/13/2012 16:53:41]色真係好靚, 茶味就分別不太大, 但吃的時候回味當日在宇治的情境, 真係值得.

    回覆刪除
  9. Sally Ho 莎莉豪2012年1月13日 下午2:57

    Moon 哥, 你個戚風模係乜野牌子嚟架? 好直喎.
    [版主回覆01/14/2012 23:36:59]好似便宜過我當天喎, 做多d蛋糕啦, 越用得多, 成本越低!!!
    [Sally Ho 莎莉豪回覆01/14/2012 21:00:45]今日買咗喇HK$210, 17cm
    [版主回覆01/13/2012 20:03:01]用左5年了, 可以用一世嘛.
    [Sally Ho 莎莉豪回覆01/13/2012 17:08:42]貴野
    [版主回覆01/13/2012 16:54:33]係KAI 模來咖, 17cm, citysuper有售

    回覆刪除
  10. 嘩~ 一定好甘香...
    [版主回覆01/18/2012 22:32:44]好香呀!!!

    回覆刪除
  11. 咁靚,都值回票價喇!
    [版主回覆01/20/2012 14:05:12]值得呀, 不過呢, 係紀念日本之行, 如果來香港買, 就冇咁捨得.

    回覆刪除
  12. 咁一罐幾多錢呀? 有幾多 g 呀? 有時去旅行係咁喇 ! 唔買, 返到香港買唔返就後悔喇! 整得咁靚, 底喇 ~~
    [版主回覆01/20/2012 14:08:36]300元左右, 30g, 對呀, 話晒都唔知有冇機會再去宇治了. 去到一定要買, 太太說, 一係買最平的, 一係買最貴的, 咁.....當然係買最貴呢!

    回覆刪除
  13. 咁貴嘅抹茶,好心就咪鬼用嚟整雪芳咁浪費啦!沖茶飲先嘗到真味嘛!……咁煎茶同焙茶又有咩分別呢?
    [版主回覆01/24/2012 00:04:14]冇法啦, 我係雪芳癡........我都有留下大部份來喝的.

    回覆刪除
  14. 依個我識,老舖!
    [版主回覆02/13/2012 20:18:07]識貨, 那條街還有幾間老茶舖呢!

    回覆刪除
  15. 高人, 我已經依照你的份量及程序處理最基本(原味)的雪芳蛋糕, 今次已經是第三次的作品, 但仍未能靚靚仔仔的送禮, 請看 http://blog.yahoo.com/faiting1125/photos?folderId=1644850
    請問1)為何我的蛋糕顏色比你的淺?我已經以180度焗了一小時(如只焗35分鐘蛋糕會好濕好塌), 應再加強熱度還是加長時間, 顏色深一些是否脫模容易一點? 2)我以家用生果刀緣著蛋糕邊緣一下一下插入蛋糕脫模, 再在煙囪位界多次, 但蛋糕仍然一岩一忽, 是否用脫模刀就可以解決? 3)這個蛋糕是否已經合格? 謝謝!!
    [版主回覆03/09/2012 19:34:58]焗了1小時!!! 太長時間了, 我估是你的爐溫太低了, 這樣蛋糕等不及set已消泡了, 我估都係換爐的時候了
    ........
    ........此外, 我見到你用的模子, 比例有點怪, 太高太幼, 這樣蛋糕不會in good shape喎
    ...........
    ...........用生果刀脫模沒問題的. 用抆刀更好.

    回覆刪除