2011年7月16日 星期六

元朗今昔(四)

我估係60年代吧, 呢個咁靚的地方, 你估係邊度丫?


現在呢度, 已成了豪宅區 - 錦繡花園.  其實早年香港係比較多元化的, 不像今天, 什麼也是地產地產地產........希望南生圍不會成為另一個錦繡花園吧.



呢幅照片年代更久, 是1950年代吧, 元朗新市鎮開始成形.......大馬路的中段, 看到遠處的同樂戲院已存在了.



我想是50-60年代的恆香酒家, 那時的建築是有一種細緻的美感......."包辦筵席 - 隨意小酌 - 中秋月餅 - 結婚禮餅" 樓下是米舖....雜貨店....


恆香已經馳名全港, 但只留下唐餅部, 仍是值得驕傲! 我最喜歡吃他的老婆餅, 除了這一家, 不吃別的, 但是租金難捱, 沙田唯一的分店都消失了, 去哪裡買?



70年代的大馬路康樂路口, 原來有一座咁有風格的匯豐銀行大樓......



現在已變成豪無特式的高樓大廈, 加上輕鐵設施, 顯得份外迫狹. 還是那句, 哪有這麼笨拙的地面鐵路??? 港英政府搵笨之作.



合益有限公司市場, 是元朗歷史最悠久的物產公司(不是地產公司呀:p), 你知是現在的什麼地方嗎?



70年代的安寧路, 中間的是元朗新區, 後面遠山仍在, 朗屏村仍未出現.



-----------------------------------------------------------------------------------------


1951年的屏山聚星塔.....



2010年......幾乎同一角度, 同一距離......你找到聚星塔嗎?



70年代, 你又估到這裡是什麼地方???



鄧達志在"香港老照片"中的片段令我很感慨.....


"......村後小山上祖母的屍骨入土快十年, 早寒.......(她)有幸沒有看到她熟悉的河山風景大改動, 帶著幾乎由始至終的家鄉印象入土為安.......


那時, 我們不叫它"天水圍".......本來的名字叫"約所".



".......面對這片我自小引以為傲, 精神肉體為依歸的土地, 經歷高樓大廈, 輕鐵, 公路, 西鐵, 貨櫃場, 貨車場, 停車場, 廢車場的所謂發展大前提下, 亂如一連串強暴. 她早已不是我本來熟悉的母土.......



希望總有一天, 她會重新以健康面貌站起來, 為將來猶如過去的我一般的孩子們, 提供居所之外, 給予培養兒童成長的青山綠水, 日出日落與朵朵白雲. "


 


 


7 則留言:

  1. 嘩,呢張聚星樓靚到吖,冇嘢講! 而家,影聚星樓左避右避,好容易穿崩,影到 D 高樓大廈、天橋、停車場等…歎息!
    [版主回覆07/18/2011 15:25:00]係呀, 我都好神往, 可惜永遠都冇可能再現了.
    去過歐洲, 澳紐, 甚至美加一些大城市, 最初都會笑他們的城市十年(百年)如一日, 現在才知道, 人家係一路發展, 一路保護城市的規劃.......

    回覆刪除
  2. 面目全非!
    [版主回覆07/18/2011 15:40:00]香港政府對漁農業可說是任由自生自滅, 否則天水圍都係一塊漁米之鄉, 天水圍的居民, 亦可能唔駛住都咁遠.

    回覆刪除
  3. 很有感覺呢...原來恆香這個位置以前是這樣的,輪廓仍在呢
    畢竟元朗是我老家,住了十多年了...
    家人還住在元朗,偶爾也會回老家吃媽媽飯^^
    [版主回覆07/22/2011 19:09:00]曾經我也做過元朗仔, 也有親戚住過元朗, 現在我和大部份的親戚都搬走左了........
     
    應該係, 我估係現在的合益廣場, 那裡以前係街市. 大棠路行入去, 我細個在大旗嶺一間幼稚園讀咖, 好耐之前已消失了.

    回覆刪除
  4.         " 沙田唯一的分店都消失了, 去哪裡買? "         咪入元朗買囉!         聽講輕鐵最初原本係要 嚟取代 "叮叮" o架,不過因為車身太 "巨型",所以搬 咗入新界西度用囉!         我記得初初搬入屯門時 ( 當時我仲係小學生 ),媽咪帶我入元朗行,好似真係見過有幢類似相中「合益」 嘅建築物,好似係街市 嚟,應該係依家千色廣場對面,唔知有冇記錯,印象好模糊喇!兩者之間條路應該係入大樹下 o架!

    回覆刪除
  5. 1951年的屏山聚星塔美得像幅畫,
    可惜永遠都冇得重現!
    [版主回覆07/22/2011 19:15:00]冇lu, 發展還是破壞, 兩面睇啦, 不過係睇每個地方的價值觀啦.
    妳睇巴黎, 德累斯頓, 布拉格等大城市, 人家的規劃就是保留城市在百年前的歷史中最美的一面, 人家都發展得很先進呀!
     

    回覆刪除
  6. 香港的城市規劃....根本就不是國際大城市的水準....唉..
    [版主回覆07/22/2011 19:23:00]妳講得o岩, 香港的城市規劃, 根本冇愛錫呢個地方, 拆得就拆, 唔拆得的都拆, 然後高價賣地, 比d地產商再高高高價賣樓.
     
    唔好講歐洲的巴黎, 倫敦, 布拉格, 德累斯頓, 柏林, 布達佩斯, 就算係加拿大的魁北克, 渥太華.......甚至年輕的澳洲, 紐西蘭, 都好注意保護自己城市美好的歷史面貌, 人家都係發達城市呀!
     
    丫, 唔好講咁遠, 澳門都好過香港多多聲.

    回覆刪除
  7. 我已不喜歡香港了。香港無疑是一個大都會,但係太著重地產,抹煞了好多創意。現在想在香港找一點寧靜空間都難,想呼吸一口自然空氣都是奢望。
    [版主回覆07/22/2011 22:04:00]
    係呀, 香港已變成一個好擠迫, 壓迫和好惡的城市.......
     
    冇左回憶和歷史, 香港人對香港亦不會有故鄉之情, 人人都係競爭, 賺錢, 好燥........
     
    香港有一度好, 方便loh, 其他好處, 要想吓, 呀, 仲有工作, 朋友和家人都在這裏, 我都想過移民, 不過, 冇計啦.

     

    可惜的是, 連香港人自己都比個環境扭曲左, 不只一次聽到d老人家講 : 蝦! 香港仲有咁多山, 咁多海, 點解唔剷左佢填左佢, 可以起好多樓.......
     

    我真想同佢講 : 亞婆, 如果填左個海起樓, 咁咪又係只得有錢至可以睇海, 冇得免費吹海風loh........

    回覆刪除