經過養魚人家後, 見到一大片荷塘, 真的好茂密呀
不過開花時節已過了, 整個荷塘, 就只有一千零一朵完美的荷花.......
我冇tele鏡頭呀, 下面呢幅相係crop出來, 哇, 我枝100mm macro都幾銳利噃, haha
途中又見到一個男子, 竟然玩皮腔照相機, 4cm x 6cm單片菲林, 真係肅然起敬呀! 我幾時有呢日.
Chamonix, 以為呢個係法國的產品, 原來竟然係國內一間小型工作坊的產品, 真係好詫異呀!!!
朋友問老細, 點解種咁多荷花呀? 有冇蓮藕咖? 老細答 : 呢d荷花冇蓮藕咖, 我種d荷花落去, 政府收地嗰陣, 有農作物的地方賠償會高d.........
片片荷葉本來一派和平, 可是泛起一段地產入侵的陰影, 地產霸權已經入侵了南生圍, 冇法子之中都要保護吓自己的權益.
好多人來南生圍玩, 亦係好多人生活的地方, 幾十年來, 這裡已經成圍幾代人的集體回憶.
希望很多很多年後, 不會說 : 南生圍已經冇左, 變左個什麼豪園, 我再也不會回來了........
發展不是硬道理, 社會的平衡, 人人有安樂的生活, 個個有靚景欣賞更加重要.
地產霸權和傾斜向商界的政府才是香港"深層次矛盾"的源頭.
荷花也被人利用....@@!
回覆刪除[版主回覆07/11/2011 11:44:00]冇法, 地產商虎視耽耽, 都要做d嘢保障吓自己權益.
原來種荷花係另有目的.....唉!!!
回覆刪除[版主回覆07/11/2011 18:38:00]責任係政府和地產商啫, 老細都係有心做魚農業, 如果不是有收地的威脅, 而係可以長久做下去, 又駛乜"未雨種荷"?
為高價收地而鋪荷花 ! 唉 ~
回覆刪除[版主回覆07/11/2011 18:37:00]應該這樣看 ....... 那裡是政府地, 一旦天水圍另一邊被地產商發展, 這一邊都可能被政府收回作其他用途. 做些預防措施, 以免血本無歸, 都係無奈的方法......責任是地產商佔據大眾資源, 政府又傾斜向地產商, 小民有乜辦法
荷花冇蓮藕，咁蓮藕係乜种咖？
回覆刪除[版主回覆07/11/2011 18:08:00]我都冇乜研究呀, 蓮藕蓮藕可能係蓮花的地下莖啩........未聽過"荷藕", hehe
荷花即係蓮花, 蓮花應該有蓮藕的。
回覆刪除睡蓮就沒有蓮藕了, 睡蓮的葉子浮在水面的。
[版主回覆07/12/2011 20:20:00]原來如此, 我都係曚查查 :p
土地主人為自己鋪路，無可厚非，起碼鋪荷令池塘鋪出了一片美麗的荷塘，美化了環境！ 這張相雖然裁剪過，但仍然清晰銳利，可見 amoon 功力驚人！
回覆刪除[版主回覆07/12/2011 20:39:00]hehe, 係我枝鏡頭好嘢咋 :p 拍荷花的意境, 我都未得呢........
係呀, 大財團買左地, 政府就保證他們起樓賺錢, 小市民辛勤經營魚農業, 政府就收他們地配合地產發展, 呢個係咩道理???