澳門有一間不見經傳的麵包店, 賣的歐洲包很正宗呀!
每次經過, 都想買一個回來, 可惜太大個, 未必吃得完......今次, 一於買呢個好大好大的rye bread, 一看這個用包籃做的包, 不規則的爆口, 好香呀, 包好收在背囊中, 都有陣陣香味滲出, 幾驚旁邊的人以為我在發酵:p
老佛爺餅店的麵包雖然好吃, 總摻入了些港式改良劑風味.
回家放了一晚, 第二天早上切開, 厚厚的包殼, 散散實實的包肉, 很香麥味, 酸種味, 還有點basil的香味, 我估Poilane Miche 大圓包都是近似這樣了.塗上好味的手製Bonnie Yves果醬, 好歐洲風味呀!
但是, 不愛自然發酵不加改良, 不愛散散實實風味的, 千萬不要買, 你實鬧死我整古你, haha.....
這間店子, 還有很多包款, 例如focaccia, grain bread, bageutte, bagel, danish......
這間麵包店, 就在旅遊塔地庫, 連正式名字都沒有, 就叫Patisserie(餅店).
........不只歐洲包的, 還有各款三文治, 糕點, 還有一個冷盤櫃, 賣沙拉和意粉的. 人流疏落, 正好吃一個舒適的簡單午餐或下午茶.
見到d麵包, 突然好想食咖哩牛肉炸包, 好耐無食啦, 要有好大勇氣先敢食.
回覆刪除[版主回覆07/23/2011 23:50:00]咖哩牛肉炸包, 日本肥包喎.......我都唔係好敢食, 歐包有度好, 冇咁肥, hehe
嘩, 間店好多野食播!!!你剩係買麵包??? 其他果D甜點都好靚咁喎! Croissant 有冇試?????
回覆刪除[版主回覆07/24/2011 22:20:00]去左附近一家cafe吃下午茶, hehe
蝦...整搵緊澳門有咩好食,月頭過去,多謝介紹~
回覆刪除仲有冇其他好野介紹呀?
[版主回覆07/24/2011 22:20:00]好呀, 可以看看我的"澳門澳門" posts.
" 幾驚旁邊的人以為我在發酵 " Moon 哥，你駛唔駛咁攪 嘢呀，依家天氣又熱又濕，因住發埋霉兼 "偶" 草菇 o添呀！ 唔該下次你再去澳門的話，記得買哂最頂 嗰層所有麵包俾我做手信呀！
回覆刪除[版主回覆07/24/2011 22:22:00]冇法, 放在背囊最方便, 好彩歐洲包又硬淨, 又耐放, 冇事......
頂層所有包, 嘩, 吃成個星期都未吃完呀! hahaha
謝謝好介紹. 好喜歡歐洲包.
回覆刪除[版主回覆07/24/2011 22:23:00]一於去試試丫.
謝謝介紹, 我下次去一定要試! 為什麼香港好像沒有這種店呢...
回覆刪除[版主回覆07/26/2011 18:41:00]下次去睇吓. 香港呢都有的, 名店lor, 例如 donQ或者Robuchon.....呢間平好多, 排球咁大個包, $28咋......
去澳門，我多數買豬仔包。
回覆刪除[版主回覆08/17/2011 23:18:00]老佛爺???
老佛爺........ 加價加得太離譜，唔去 lu
回覆刪除[版主回覆08/17/2011 23:18:00]糖又加, 油又加..........加加加........冇法啦