今日又有機會做包包了, 太好了, 沒什麼新材料, 就用雪櫃中的合桃和小紅莓乾吧!
早前沒有再入日本麵粉, 到citysuper買了一包英國麵粉試試, 嗯, 顏色沒日本麵粉那麼白, 較有麵粉香, 相信是沒有那麼精製, 保留了一些麩質吧, 這是好的呀! 可惜是貴.
高粉200g 黑糖30g 鹽1g 酵母3g 蛋30g 水90~95g 植物油10g 合桃小,紅莓乾任意
搓滑再包入乾果, 初發45分鐘, 分割成70g(6過半)靜置10分鐘, 做球形, 末發酵約35-40分鐘, 掃上蛋液, 用剪刀剪開十字形裂口, 入爐180度焗12分鐘左右.
裂口剪得太深, 麵包好像剝開的柑子, 口感也很不錯丫........haha.
對於做出來的家庭麵包怎也不及街包鬆軟, 已經釋懷了.......一來少牛油, 二來沒添加劑, 今天到超市, 偶然看見小時候時時吃, 長大後已不吃的香港經典街包 - 生命麵包........噢! 幾乎有10種E系添加劑, 難怪我們吃了那麼有生命力啦!!! 再看看高蛋白生命, 20種EEEEE.........算啦, 其實已不算一回事了, 而且是合法添加劑呢.......現在吃了很鬆軟的麵包, 反而會想, 奉送了幾多添加劑呢?
呢個包仔有d似發糕 呀
回覆刪除[版主回覆06/22/2011 19:38:00]哈哈, 又有d似喎......
我會向你學習,唔再介懷包包軟唔軟 lu~
回覆刪除[版主回覆06/22/2011 19:43:00]係呀, 初期好介意咖, 又試中種, 湯種.........點都冇街包的咁鬆軟又耐放, 係未試改良劑+機搓:p
不過睇得書多, 吃得包多, 又唔係好軟的包才好吃的.
yummy!!
回覆刪除[版主回覆06/22/2011 19:44:00]兩日的早餐, 幾好味呀!
好似東南西北~
回覆刪除[版主回覆06/22/2011 19:44:00]哈哈, 等我下次寫上去.
唏，我反而覺得你呢個包剪開口大 啲，比起我 嗰個小裂口靚好多喎！ 哈哈， 我一早已經唔再追求鬆軟麵包做法喇，因為知道自家出品材料簡單天然，唔可能做到商業產品咁軟熟！
回覆刪除[版主回覆06/22/2011 19:48:00]係呀, 早期都唔忿氣, 又湯種又中種又液種, 結果分別都唔明顯, 可能要膨鬆劑, 改良劑, 保濕劑, 抗氧化劑, 塑化劑........話時話, 有機會我都想見識吓......
好似十字包!
回覆刪除你整麵包係全人手搓還是用機搓架?
[版主回覆06/22/2011 19:49:00]係呀, 全手搓至好玩嘛.......不過可能機搓會鬆軟d啩.......
" 話時話, 有機會我都想見識吓...... " 唔駛喇 吓嘩 ，呢類添加劑見唔見識都罷啦！
回覆刪除[版主回覆07/05/2011 08:35:00]玩吓啫, 玩完可以唔食, 或者請第二d人食, haha
Moon Sir, 其實麵包改良劑係咪都唔應該落，我見d烘培店都有售嘅
回覆刪除[版主回覆07/05/2011 08:43:00]唔喇, 自己做包點會落??? d改良劑入面都唔知有幾多樣化學嘢, 隻隻聽到個化學名都唔知係乜.........
.......有一隻中國人好喜歡用的麵粉改良劑, 叫臭粉(溴酸鉀), 有毒兼致癌, 歐盟已經禁左, 不過好多人仲用緊.
臭粉響菠蘿包有，叉燒包都有用，我哋由細食到今時今日，真不敢想像身體裡有多少毒咯
回覆刪除