逛書店是旅行的一大節目, 最有興趣的是小眾趣味的書籍, 還有印仔書, 當然還有烘焙書啦!
家中的烘焙書雖然不算多, 但做也做不完了, 不想買太多, 怎好呢.......啊, 發現了這本麵包書, 不是食譜, 是一位麵包大師和他的女兒著的, 是傳記, 是典故, 是知識理論, 是insight......
這本書香港都有 , 但沒緣份, 反而在台北誠品一眼看見, 就買了.
好好看啊!!
最有趣的是.....
- 麵包大師Lionel Poilane小時候在父親的麵包作坊當學徒的經歷. 在孤單又刻板的工作中, 發現心靈的平靜和無限的空間.............
- 原來我們一直視作麵包經典皮脆肉白的法國棍子包, Poilane不以為然, 不屑一顧 ........真的令我有新的體會........他們家族一直都堅持用灰麵粉(80號)做米契圓包(Miche), baguette不但是用磨掉了營養的白麵粉製做, 更大的問題是, 它的出現擠掉了很多傳統的地道麵包品種...........:"棍子麵包沒有小麥, 所有好料, 都磨掉留給豬.....".
- 他又說, 我們法國人, 從來都不會精確地秤量材料, 那是沒用的, 所有材料質地都有差別, 必須靠感覺........他到日本訪問時, 很詫異日本人堅持用秤秤過所有材料.........這個令我很有感受........雖然我這個業餘新手沒秤不行
對於烘焙迷, 這本書真的很好看.........
台北的書店真好, 又多又大, 誠品大樓一連七層, 不只是書, 還有很多和讀書文化有關的品味, 深圳書城之類層次不可比, 香港的書店不用說了, 生存到已經好了.......
可惜, 連台灣也爆發了毒食品風波, 一毒15年, 飲料, 蒟蒻, 藥品, 果醬, 麵包, 蛋糕.........全部中招. 一顆老鼠糞, 攪壞了一鍋粥, 現在已不只一顆了. 中國人呀, 出了什麼問題?
後記 : 年多後, 我終於吃到Poilane的miche 了....... 但世界已變得不一樣.
係誠品睇書真係可以消磨一日, 唔知佢係咪真係係香港開店呢, 不過香港租咁貴, 又點會頂得住, 書唔會賣得平, 而家好似咩都唔食得。
回覆刪除[版主回覆06/09/2011 09:05:00]香港, 冇得做了, 開書店??? 開地產舖機會大d......
食品毒風波其實每個地方都有, 前一陣子有德國蛋,美國牛,日本白之戀人過期再做, 現今商人只顧賺錢亳無道得可言, 不過中國人就更加差!
回覆刪除[版主回覆06/09/2011 09:06:00]講到落毒, 真係認左第二, 冇人敢認第一了.
D有毒食品都唔知食咗幾多落肚咯, 唯有希望唔好咁快發啦.
回覆刪除[版主回覆06/09/2011 09:08:00]講得對呀, 都係各安天命, 我又做唔到唔買街嘢, 只係希望唔好咁快發
去誠品旗艦店看書真是一流享受。
回覆刪除[版主回覆06/09/2011 09:09:00]有排都唔會去住lu
我都買咗本書呀，好睇。
回覆刪除[版主回覆06/09/2011 09:09:00]yeah!!!
真係好多書買呀! 咁你入咗去幾耐呀?
回覆刪除[版主回覆06/11/2011 23:12:00]時間不夠, 入左去不夠1小時, 匆匆........不過其實我都不是書迷, haha
好似幾特別 bor，有機會都搵黎睇下！
回覆刪除[版主回覆06/11/2011 23:13:00]好好睇, 沙田商務見過.
I bought this one in Taiwan once I saw it too!!!
回覆刪除[版主回覆06/19/2011 18:58:00]yeah!!
喺台灣有幾多收穫呀 誠品有好多種類嘅書！
回覆刪除[版主回覆07/05/2011 07:57:00]誠品真係冇得彈
又從新睇晒你嘅台北之旅啦, 已記低資料, 我3月頭終於去台灣啦,不過係3日兩夜好短時間, 我想問兌台灣錢要去邊度唱好呀, 香港定台灣, 你知唔知依家匯率係幾多呀?????thx~
回覆刪除[rity - yc回覆02/15/2012 21:19:53]收到!唔該晒. 計一計同你嘅行程都好似喎, 北海道, 大阪, 台灣.........
[版主回覆02/15/2012 19:50:24]哇, 好羨慕呀, 我要到4月中才去台灣. 匯率呢, 我唔記得tim, 好似係$1對三個幾台幣.......唔駛在香港唱咖, 落左機, 行出去過關途中, 有找換店, 幾ok咖.......
.......丫, 最緊要做網上簽證呀, 仲要print出來, 否則去到台灣做, 費時失事兼要比錢呢!