可能每次在亞洲旅行, 最後都去左日本吧........說來連自己也不信, 今次是第一次到台灣呢!
入了台北市區, 第一個印象是主要街道很寬闊, 方方整整, 不像香港狹狹窄窄的.
第二個印象是發覺, 同樣是華人的城市, 台北不像香港, 不像新加坡, 也不像大陸的城市, 而是有點像日本的城市.......無論在格局, 建築物, 路面的標誌........
甚至會脫口說出, 怎麼這裡就像日本某市的某區某區.....只是日本再多幾分井然和細緻.......
.......這裏隱約是札幌薄野的大街角.......
忠孝路的地下街入口......不是像新宿驛東口嗎.......
敦化路南段的小街......像大阪市南船場某小街......
台灣版的Family Mart, Hands Tailung, 紀伊國屋, 淳久堂書店, 竟連大版高島屋百貨裡的Paul Bakery也有.......或許, 只是我們太"思鄉"吧.......什麼地方也有日本的影子
捷運的站頭, 連標誌牌, 和東京地鐵一個模, 最令我欣賞的是, 大部份的捷運站都有廁所, 相當整潔的.......比起香港寬敞整齊得多, 人流也不像香港無時無刻都是"擠爆", 台灣乘客也比香港人斯文和守秩序.
第三個印象, 是台北市中心的忠孝敦化一帶, 有很多個人風格小店, 咖啡店, 時裝店, 食店, 都很有心思和特色. 可憐香港的店子, 已被昂貴租金, 政府的法例. 擠到奄奄一息往小商場的樓上店擠, 別說心思品味, 連放貨物的空間也不夠, 市道一好又被加租關門......讓路給滿街連鎖店.........
第四個印象是台北有不少咖啡店或者喫茶店, 讓人悠閒地吃個早餐下午茶或者夜茶, 地方寬敞, 茶具雅致, 佈置有心思........香港要吃茶嗎? 要嗎就是茶餐廳吃飽快點走人, 要嗎就是昂貴的大酒店或外國餐廳, 要嗎就是連鎖店快餐式咖啡店.......
呀, 還有一點, 是台北仍見到很多街頭小吃檔, 大都是有招牌的, 相信是合法經營的吧, 與此香港連一檔雞蛋仔阿伯也容不下.........這裏比較有生活味.
可是台北市太多綿羊仔小機車大排廢氣(綿羊仔的引擎設計, 是特別多廢氣的), 左穿右插對行人都幾騷擾的........
世界上很少發達地區的城市像香港, 生活指數高, 生活質素低......擠到爆, 耗到盡......或者香港一個彈丸之地, 實在住了太多人吧.
到過不少發達國家的城市, 越覺得香港的擠擠迫迫, 忙忙亂亂, 相比來說, 台北還是一個有空間, 較閒適, 較有生活味的城市.
你講晒我想講的, 本來我都係回鄉, 不過回不成, 5月中都係台北喇, 這是半年內第2次去, 同鄉下是無得比的, 不過使費是廉宜的, 幾喜歡台北, 同感就是電單車廢氣太多了, 此外, 有好多誠品等bookshop讓你看過夠, 很多不同style的cafe, 都是一個讓人想閒下來的地方 ^^, nice! 鄉下..好掛念! 希望佢早日復原, 核電站早些settle, 這才令人安心再去遊玩遊玩!
回覆刪除[版主回覆05/03/2011 09:44:00]去hea幾日 , 台北都係一個不錯的選擇........日本呢, 真係好掛念, 希望情況穩定左, 可以再去.
你的觀察力好強啊！ 台灣．．．我只到過台北，感覺不錯，比國內好，卻怎也不能跟日本相比。我不喜歡傳媒報導有關台灣政治的打鬥場面，感覺很不文明般，卻喜歡台灣人的友善、對日本文化的狂熱，當然少不了他們愛讀書的文化呢！
回覆刪除[版主回覆05/03/2011 09:48:00]台北市民基本上都係幾友善的, 一般比香港人還好, 台灣周圍吃東西都安心, 回到香港, 明顯覺得香港人比較"惡死", 可能什麼都要趕趕趕吧.
可以做另一個家鄉嗎?
回覆刪除我都未去過呢!
[版主回覆05/03/2011 09:49:00]咁又未至於, 我還是喜歡日本和澳門多一點. 不過台灣亦不錯, 今次印象都幾好.
家鄉歸不得, 找到第二個日本都不錯呀! 的確，臺灣一直以來都係走著日本路綫的。
回覆刪除香港地方細；人口越來越多，“擠爆”是無可避免的。所以，已移民的港人都不願返去住。都係很小部分唶！
Moon爺精神奕奕；身材適中，完全冇有中年肥胖的跡象，保養得宜呀!!!
[版主回覆05/04/2011 09:09:00]台灣都ok的, 都有他的特色, 例如有好味的擔仔麵.
香港呢, 人口密度高, 地產又貴, 生活係好方便, 但係要空間就難了.
我?.......那個不是我來咖, 那位先生的身型......似10年前的我啦haha
唉！到処都係一樣，物價貴、油价貴、樓价更貴，士民的壓力就越來越大。再數數有哪一個國家好住呢？
回覆刪除你咪玩野波!!! 我對眼有問題？係真唔真呀？
吾通你0既孖生兄弟？
[版主回覆05/08/2011 14:46:00]哎呀, 可能係喎, 唔通我有個失散左嘅弟弟, 仲咁年輕添.......嘩, 呢個笑唔講得, 否則比爸媽鬧死:p
Tastebug, 當事人說不是你都不相信，那人不是A MOON，他拿著相機通處拍照，那會有空玩~~自拍呀！
回覆刪除今次台北，下次可能去宜蘭、台中或高雄…
[版主回覆05/08/2011 14:48:00]哈哈, 小三見得我多就清楚了, 如果好似相中人咁fit, 我就唔駛叫救命啦!!!
下次去台灣, 都會再去遠d.
當真??????????真係????????????
回覆刪除做乜鬼咁似咖?????????? 在我腦海0既moon爺變得很模糊呢~
咁橋影到一個似你ge????????
[版主回覆05/08/2011 14:49:00]嗯, 我都話他似20年前的我咯.
喂~~~~~~ moon嫂呢？佢使乜玩自拍呀？
回覆刪除[版主回覆05/08/2011 14:49:00]呢幅相, 如假包換是在下拍的.
仲係50/50 ，佢係咪你多年失散的兄弟呀！ 正係好鬼似呢~
回覆刪除[版主回覆05/09/2011 22:44:00]哈哈, 妳真係咁懷疑? haha
你說得對, 台灣有著日本的影子, 人也斯文, 說話不會粗聲粗氣, 住的地方又舒服, 也是我享往的退休地方哩 !
回覆刪除[版主回覆05/09/2011 22:46:00]那麼你喜歡那個城市呢?
又去旅行真開心!
回覆刪除