2010年5月16日 星期日

大孔包包, 繼續練習

一放假, 就繼續試驗了.........田園包用的是上次的方法.........



今次不用發酵籃了, 滾圓5刀.



都膨脹得幾好, 但係冇乜爐爆, 即係麵包膨脹到撕裂外皮........我見過高手的麵包有o架.



包肉組織幾好, 包殼好香, 今似用左山合桃和洋梅(plum)乾.



--------------------------------------------------------------------------------


ciabatta呢, 就用廚男兄的方法---液種法加翻麵4次, 只係我用手搓, 處理左幾次, 都習慣了極濕的麵團了.



一隻隻像軟淋淋的糯米糍, 裏面起晒氣泡, 太太說很想篤下佢.......



劃痕一刀, 扁左d, 入爐, 爐爆普通......



出爐了, 冇上次咁焦, 恰好, 好香, 隔了膠袋都有陣陣香味攻出來.......



只係, 都係中孔孔, 難度係宿命? 究竟那一步可以改善?


下次用法包粉啦!



24 則留言:

  1. A moon, 你好勁!! 除左勁之外, 我諗唔到形容詞~ hahaha~
    你個新爐好專業咁~~
    [版主回覆05/16/2010 21:58:00]哎呀, 千祈不要這麼說呀, 笑大人個口呀!!! 我係練習生咋.

    回覆刪除

  2. 個包漲得咁勁, 好似咸占餅呀?
     
    另外o個d, 好多大孔孔呀, 恭喜晒!
    [版主回覆05/16/2010 21:57:00]都脹得ok, 但係冇爆loh, 所以d用唔夠鬆.......個包發得好夠了....
     
    孔孔呢, 中等咋, 妳看廚男兄的才是正式大孔孔.

    回覆刪除
  3.  
    今日見到沙田馬莎有新鮮出爐麵包, 大大隻字寫著: 買二送一,
    衝入去睇下, 原來只是指定的cookies, 其他麵包都要十幾蚊個。
    你做咁多, 如果你自作自受, 受不了的話, 我替你受吧。
    [版主回覆05/16/2010 21:56:00]:o, 沙田馬莎有麵包賣.........? 我好少入馬莎, 下次去睇吓.
     
    靚麵包真的會貴些, citysuper的包好好吃, 但都係幾貴........
     
    我d包呢, 基本上都受到, 只係ciabatta會好快老化, 放隔一就硬了.

    回覆刪除
  4. moon哥 請問麵糰咁濕,如用好多手粉,咁麵糰粉量咪多左好多?
    [版主回覆05/16/2010 21:53:00]係呀, 每次翻麵, 或處理發酵了的麵團, 都要在表面灑滿手粉, 手也要沾粉, 否則一碰任何地方, 麵團都會好快黏住, 再扯就爛了.
     
    Peter Reinhart的書仲誇張, 成台都是麵粉.
     
    但由於麵團的內部不會沾到粉, 所以不會影響內部組織 (摺麵時當然會將手粉摺入麵團內, 不過每次摺兩下, 都不過份的)
     
    最令我困惑的, 是末發酵時, 麵團面都是手粉, 令麵團皮是乾的, 乾的麵團皮會妨礙皮的發酵, 令麵包焗好之後d皮係實的, 但又冇理由噴水........

    回覆刪除
  5. 你個新爐扯得起個包 BOR,個底圓。你個焗盤係咩物料?
    [版主回覆05/16/2010 22:03:00]爐板係不銹鋼來的, 以金屬來說, 加上底火, 都keep得個溫度好穩定, 個爐都好火, 噴水落爐板和下發熱線, 都o絲o絲聲好快氣化, 打開爐門時衝出來的熱氣好得人驚吓.
     
    但係200幾度高溫, 個包都係冇想像中澎澎聲爆起.

    回覆刪除
  6. 搵日嚟鍊吓啦....
    [版主回覆05/16/2010 22:03:00]好呀, 定到時間就叫我啦!

    回覆刪除
  7. 睇黎今次製作的麵包,都幾好喎!
    [版主回覆05/17/2010 07:56:00]漸有進步, 但未有突破呢!

    回覆刪除
  8. o........ 手粉就係關鍵啦,我翻面係用水,唔用手粉…初時都驚仲濕,但係原來好正!
    [版主回覆05/17/2010 08:00:00]icic, 水我都handle倒, 下次試 , 全程用水, 只係發酵布灑粉, 藝高人膽大呀!
     

    回覆刪除
  9. Sally Ho 莎莉豪2010年5月17日 上午9:51

    全程用手搓, 我唔敢試,痴手, 我跟廚房男嘅做法失敗了.
    [版主回覆05/17/2010 11:02:00]icic, 我冇機嘛.....:p 都唔係失敗丫, 仲好過我嗰d.

    回覆刪除
  10. 唉, 亞Moon 哥, Ciril Hitz 那本 Baking Artisan Bread 咪有講話用wet hands 去 handle 個 dough 囉, 你做乜吾刨吓呢????????? 唉!唉!唉!!!!!!!!!!
    [版主回覆05/17/2010 11:09:00]我睇左Peter Reinhart和高橋雅子的呢, PR那本好似手粉唔駛錢咁, 成個麵團都係, ........
     
    不過大孔的關鍵應該不在手粉/手水, 兩種方法都有人用, 它們只係影響個包的表皮.......等我再試手水, 跟住再試法包粉. 咁就心熄了.
     
    我怕最後發現, 關鍵係.......手搓 vs 機搓........x________x

    回覆刪除
  11. 應該吾關手/機搓問題, Richard Bertinet 都係用手搓, 佢嘅包一樣得.  男兄也試過法包粉, 他說分別吾大.  PR 的法包我吾太欣賞. 
    [版主回覆05/17/2010 13:37:00]icic, 一於試吓手水法.

    回覆刪除
  12. 你好有心機, 已經做得好好啦, 再繼續嘗試啦 !!
    [版主回覆05/17/2010 13:37:00]我會呀, 只係又要等放假......

    回覆刪除
  13. 已經超好食喇, 第日知道有包食, 我唔食 brunch lu.

    回覆刪除
  14. Moon師父,唔搓麵得唔得架? Eric & Ursula的麵包書教的Ciabatta冇搓麵的, 只用木勺攪五分鐘, 發兩次就焗得,幅插圖的孔很大喎。
    [版主回覆05/17/2010 13:40:00]可以呀, 有免搓包的, 要放雪櫃好長時間和多次翻麵的, 我都試個玩一兩次, 不過d窿都係普通大, 我同大孔包真係冇乜緣咁噃.

    回覆刪除
  15.         個麵糰真係好濕喎!不過成品好靚。繼續努力做實驗!
    [版主回覆05/18/2010 09:40:00]濕麵團我都處理到的, 只係孔孔不夠大..........其實都係心結, 軟包其實都好好食.

    回覆刪除
  16. Moon哥, 我想問關於手搓包嘅問題呀!
     
    整後加材料落面糰嘅時候, 點樣至可以無咁易整斷筋呢?
    本來麵糰已搓至光滑, 一加其他後加材料就會令到一層層的面筋穿窿,
    應該點搓至可以避免穿窿呢? 有咩竅門呀?
     
    [版主回覆05/18/2010 09:53:00]一般我好少在搓包時加材料的, 除非係芝麻咁細粒......
     
    多數都係proofing, 靜置完才包入, 這時不能再搓或大攪麵團的, 將麵團按扁, 鋪上2/3面積的材料, 包好, 再按扁, 又鋪上2/3面積的材料, 滾圓就ok了, 過程中盡量不要弄爛麵團

    回覆刪除
  17. moon哥, 你有睇农夫大姐的blog嗎? http://blog.sina.com.cn/s/articlelist_1578477330_2_1.html
    [版主回覆05/18/2010 09:54:00]未呀, 她真係包迷喎, 睇左法棍了.

    回覆刪除
  18.  
    我今日先發現既website,佢地有好多講"big holes"既討論, 你睇下有無用:
    http://www.thefreshloaf.com/node/8638/big-holes
    我睇左少少咋, 我有排都未整得麵包, 等你試啦
    [版主回覆05/18/2010 10:04:00]原來好多人都在追求大孔孔而努力.
    1. 多水
    2. 充分的初發酵
    3. 不要勁排氣
    4. 用盡一切方法.........
    5. 不要搓那麼多
    6. 蒸汽焗.......
    7. 翻麵
    基本上我都有做, 但孔孔都係小小的呢.

    回覆刪除
  19. 我覺得巳經好好
    [版主回覆05/18/2010 10:05:00]做到男兄咁就ok了.
     
    http://hk.myblog.yahoo.com/herbert127/article?mid=14597

    回覆刪除
  20. 等我試下先, 唔該晒!
    [版主回覆05/19/2010 09:41:00]試吓 :)

    回覆刪除
  21. moon 哥, PR我就成日打擾佢問長問短,你對佢oven spring有乜心得? 我問過donal哥師父,佢話爆口係關火爐事。爐猛點界都爆喎。 最近我有個奇想,想用pyrex個長方盤做baking stone?你覺得包皮薄心熟關乜事?
    [版主回覆05/19/2010 09:50:00]:o, 你常send question比Peter......???
     
    爆口呢, 有好多因素........高溫爐只係原因之一...........我試驗了呢個爐, 勁好火, 但係爐爆都係勉強.....
     
    玻璃做baking stone, 可能儲熱不夠噃........其實我用爐內溫度計check住, 就算鋼盤, 入包後, 開爐門後, 溫度都冇明顯下跌, 因為下發熱線不停on的.........

    回覆刪除
  22. 今次ciabatta用液種法,今次好味或是我們上次吃的好?
    [版主回覆05/19/2010 09:51:00]分別不大, 係冇上次咁焦, 肉質相似, 老化都係第二日就來了.

    回覆刪除
  23. 嘩... 呢個我覺得好難呀... 我驚d麵團超濕 .. 好難 handle .. 你已經做得好令啦... 拔 .. 我都想試下呢個 .....
    [版主回覆05/19/2010 09:52:00]用手粉或手水, 都ok的, 搓呢, 先在mixing bowl中攪, 在在台上搓, 膠刮幫手, 都ok

    回覆刪除
  24. AMOON, 用大爐做出的成品確是不一樣。。上色靚。。賣相好。。
    已經很接近“心爐合一”啦。。
    香港免稅天堂真是好。。我在這裏問過這爐的價錢比香港貴多了。。
    [版主回覆05/19/2010 22:34:00]真係好靚色呀, 仲好香添, 只係還未做到大孔孔, 成功左我就心息了..........呢個爐其實真係貴呀, 我家人想買, 我告訴她價錢........立即耍手擰頭呢.

    回覆刪除