2010年4月29日 星期四

2010九州行-9. 由布院的浪漫時光

離開長崎, 到嚮往已久的由布院去, 這個藏在由布高原群山之中的世外桃源.......



先乘漂亮的Sonic特急.......



車上最好的節目, 當然是買一個上好的驛便當啦, 這個"竜馬とお竜 おしどり弁当"(龍馬和阿龍鴛鴦便當).......


哇, 龍馬本人, 和電視劇中的福山雅治差咁遠 :p.........他的妻子阿龍倒是一個古典美人.



好好味呀, 最特別的是中間的炸魚蛋包住雞蛋, 還有燒魚, 豚角煮.......各色飯團, 最後竟有蜜瓜和castella做甜品, 好細心呀! 好enjoy呀!



不知不覺便到達了, 沿途見到美麗的河川......是大分川吧.



到了, 就是這間只在網上看了幾眼的"御宿有樂", 一間和式的小旅館



最初就是被這條曲徑庭園吸引我, 竟出現在眼前, 另外就是豐富的晚餐........


到了門口, 我已知 --- 我冇揀錯你.


 


室內好雅潔光鮮, 我們的房子あやめ(Ayame菖蒲)是可以看到由布岳的呢!



服務我們的是一位年青人, 先奉上上好的抹茶和果子........溫泉旅館的情懷已滿溢.



心急看大分川的菜花, 很快便外出了, 年青人很細心的教我們散策的路徑........


在開滿花的河岸散步, 是日劇中的畫面, 竟成真了.




 


沿河走到金鱗湖, 湖倒只是很一般, 但在湖邊發現了一間很雅緻的cafe-----Cafe la Ruche, 蛋糕鼻子告訴我們, 有好東西吃了.....



很周到的服務, 一杯earl grey, 茶壺用彩色綿套套住, 放下一個沙漏, 告訴我, 沙漏完, 茶就剛好了.......這份細心, 常令我心頭盪漾一絲暖意



叫了一個......甘夏柑卷蛋, 我剛用它做雪芳呀!!


一吃, 好高質素呀! 蛋糕潤潤的, 柑的香味很濃, 比我做的雪芳還濃, 啊, 是用柑皮茸做了糖水, 掃在卷蛋內側.......好聰明的做法, 柑皮茸很濃, 沒經過高溫烘焗更香!!



我當然叫雪芳啦, 日本真好......是紅酒無花果雪芳......有點像麵包的配料haha, 但味道好好, 我從前也做過紅酒雪芳, 總有點酸酸的, 怎麼這個咁香甜軟潤? 正呀!




逛了好一會, 夕陽中回到Ayame部屋, 一頓豐富的懷石料理已等著我們........



 


 


13 則留言:

  1. 你影的相好專業, 到底是用甚麼機影的? 傻瓜機做不了這麼短的景深啊!
    [版主回覆04/30/2010 20:06:00]hehe, 我只係用一部入門級的Canon DSLR, 不過用了大光圈的鏡頭........我就是為了追求薄景深, 就入了甕, 不過有是深景深也有它好處呀

    回覆刪除
  2. 無話可說!日本人對任何事都好認真,隨便一個驛便當都咁靚!!!
    [版主回覆04/30/2010 20:28:00]我都覺得驛便當係好有趣的呀, 小小一個盒子, 藏了各種當地美食........當然, 有些也很普通, 遇上長途火車, 我都會買一個, 兩份吃, 我更加吃得津津有味, 因為我好愛新奇呀!
     

    回覆刪除
  3. 每次喺日本搭火車,尤其是長途,必會吃佢哋嘅駅弁,雖然喺冷冷的,但喺味道出奇地好,最緊要嘅喺...各處也有當地嘅特色食材,一個飯盒已經咁有心意,何況其他呢! 見到個沙漏,我諗起上年去奧入瀨某酒店飲咖啡嗰陣,都喺用3分鐘沙漏架! 卷蛋&雪芳,雖然喺好簡單嘅甜點,但喺味道相當特別&吸引!睇完你呢篇遊記,我好想去九州呢!
    [版主回覆04/30/2010 20:41:00]係呀, 好看又好吃, 鄰座的乘客如果冇得吃, 係會有羨慕的目光呀, 驛弁當係火車文化的一部份. 日本菜擅長冷食, 所以他的冷食好好味呀!
     
    奧入瀨, 我都好喜愛呀, 酒店, 係唔係近子之口附近, 好似叫貓酒店........我係第二次喝沙漏紅茶呢.....
     
    我是比較欣賞簡單的蛋糕, 尤其用麵粉做的. 日本的食物傾向禪味的簡單而仔細, 所以卷蛋和雪芳做得特別好.......其他國家, 都不會把心思放在這裏.

    回覆刪除
  4. 雖然我未曾到此一遊,但睇你嘅相已經知有幾舒服。非常吸引啊!
     
    [版主回覆04/30/2010 21:37:00]我都好回味呀, !!!~~~~~~~~

    回覆刪除
  5. 你真是日本通, 比我就無從揀擇.
    好靚的花海. 輕輕鬆鬆, 這樣的渡假才是享受.
    [版主回覆04/30/2010 21:44:00]住個唔少溫泉了, 住住吓就開始識揀了.......
    其實好簡單, 有四個要求
    1. 一定要係古老的和式, 千萬不要西式的
    2. 房子數目不可多, 最好係20間房以下, 不要超個30間
    3. 看看餐晚飯是不是豐富的(日本的照片好少貨不對辦的), 和是不是在房間吃, 要去餐廳就次一級了(去個室的還好)
    4.溫泉是否雅緻
    ......至於其他......越多享受越好啦......例如私人溫泉, 私人露天溫泉, 獨立屋.......唔駛lu.

    回覆刪除
  6. 啲風景真係好靚呀! 你係咪仲有好多風景相未post出來呀? (分享吓呀?)
    [版主回覆04/30/2010 21:45:00]係呀, 分三次啦, 下次post夕食朝食, 溫泉呢......今次拍得不太靚.

    回覆刪除

  7. 靚成咁, 引死人啦!
     
    你對阿芳都係咁專一! 你會唔會試整呢款?
    [版主回覆04/30/2010 21:46:00]好靚, 可靚, 真係好靚......
     
    呢款呢, 我都有興趣整, 不過不是必整呢.

    回覆刪除
  8. 很高的視覺享受。 上次剛去完東歐, 錦快又去豪華日本遊,  
    真擔心你遲D要收我們 [看blog費] 來幫補旅費。  
    [版主回覆04/30/2010 21:48:00]係呀, 為玩而賺錢呀........haha, 妳地來看吓傾吓已好好了.
     
    我都幻想有一天, 有個跨國集團ceo留言 : a moon先生, 我地想用$1000000......收購你的blog的版權........hahahahahahah發夢.

    回覆刪除
  9.         你影相咁掂,幅幅都引死人!
    [版主回覆04/30/2010 21:48:00]主要係d景掂呀! :)

    回覆刪除
  10. 你的九州之旅很正 可以SUMMARY下嗎? 因為我遲點都去九州 想參考你的行程! THANKS
    [版主回覆05/01/2010 09:37:00]很簡單, 是福岡->長崎->由布院->福岡, 時間太短, 不能盡玩.

    回覆刪除
  11. 個便當好精緻, 所以日本野真係又好味又細心, d花同周圍景色, 真係好靚好靚好靚
    [版主回覆05/03/2010 07:55:00]我好喜歡吃弁當, 好像好多東西吃的.

    回覆刪除
  12. d相好靚呀, 第一張相好似睇緊高清電視咁呀.
    [版主回覆05/05/2010 19:52:00]係單反加埋D景,做到高清^_^.......不過有D用S90的仲清呀

    回覆刪除
  13. 剛從九州回來,經過幾天大雨,去由布院時終於好天,就係住moon兄你介紹お宿有楽,果然非常正,小小旅館冇乜人,食物吸引,二樓我地包起!
    [胭脂迷回覆09/10/2013 20:37:38]blogspot多唔多人用呀?
    一定會POST, 俾少少時間我
    [版主回覆09/09/2013 00:46:45]Wooow, 御宿有樂,好懷念啊!! 有冇得睇相呀? 去blogspot開account 丫 :)

    回覆刪除