2010年4月22日 星期四

2010九州行-7. 到長崎去

十多年前到過長崎半天, 那時是跟團的, 對長崎最大的回憶就是這個東東, 買了一個.........



十多年後, 竟又找到, 依稀仍是那間店子, 一定要再買一個, 珍而重之帶回香港, 兩個東東放在一起, 見證十多年的日本慕情和每年和太太的旅情.......感覺有點兒幸福圓滿,  hehe 係有d誇張



這天吃個豐富早餐, 乘Kamome(海鷗號)特急列車



途中經過有明海, 遠遠看見雲仙火山......看看風景, 睡睡覺.......好舒服呀


  


到站了, 長崎是個很小的城市, 和函館差不多大小啦, 好多建築物都是依山而建的.



小城市都有這種地面電車, 好懷舊的.



 


中午吃迴轉壽司, 不錯呀, 都在水準之上, 有一些當地的魚, 例如Katsuo(鰹魚), iwashi(沙丁魚), 都幾特別丫.



到日本, 我唯一不肯吃的, 就是.......中華料理, 哎呀, 這些不中不日不南不北的菜, 咪攪.


不過我倒很有興趣拍!!! 不用錢的呀! 誰會$80多吃麻婆豆腐, $100多吃一碟古老肉(吓!)



香油雞......$100多, 芙蓉青蟹(*o*.......O嘴中)


最出名的不是這些, 而是名物ちゃんぼんChiangbong拉麵/炒飯........垃垃雜雜的材料, 但日本人奉為上品名物呢! 我拍了, 不過冇心機post出來.


仲有呀! 中華料理的甜品, 得一種就係........杏仁豆腐, 唔好喇啩!!!!!!



晚上一於去吃日式小吃, 這個明太子日式煎蛋, 好好吃呀, 明太子整條包入嫩滑的蛋卷中, 少少辣, 好好吃呀!



 吃一串最正宗的雞蔥串, negima.


炸魚餅, 好味呀!



晚上, 買甜品和水果回家吃......哇, 這個焦糖panna cotta, 甘香嫩滑到丫, yummy.



當然要吃士多啤利, 發覺好像小的比較甜(後來發現未必).......吃盛幾粒才記起未拍照, haha


長崎枇杷好出名, 在香港覺得不太吸引很少吃, 今次破例一次, 清清甜甜, 好多汁呀, 都幾好吃呀, 下次多一個選擇.



夜了(說的是8:30左右), 市中心靜悄悄, 店子十間有九間關了門, 食店也只是三兩台客人. 一個人的夜風中玩長時間曝光, 好冷呀!



http://www9.nhk.or.jp/ryomaden/


今次還記得, 到處都係福山雅治的龍馬傳海報, 當地正熱播龍馬傳 , 兩個人都和長崎很有淵源; 他是靚仔版的坂本龍馬, 坂本龍馬的真人嘛.......有機會給你們看.


10 則留言:

  1. 日本我十幾年都冇再去,好想去!一家大細去要好多彈藥,正努力儲備!!
    [版主回覆04/22/2010 21:17:00]一儲夠就去喇, 一家大細又係好大支出, 祝早日成功.

    回覆刪除
  2. 嗰個係咪芒果呀? 好得意呀! 不過應該不會好多肉食啦!
    [版主回覆04/22/2010 21:18:00]呢d係枇杷來的, 和香港買的有分別, 係好多水多汁的.

    回覆刪除
  3. 對於日本的中華料理我的感覺跟你完全一樣,我在日本的六年來,一次都沒有吃過中華料理呀~~ (proud to say that)。反而去年到東京出席同學會,在六本木喝到深夜沒有其他東西可吃而同學們又一定要吃宵夜,沒辦法才勉爲其難開齋。。。味道還算OK但就怎樣看也是不對胃口。
    [版主回覆04/22/2010 21:29:00]嗯......我都吃過一次, 就是最初第一次去日本, 跟團, 冇選擇, 味道不是差, 但係總係覺得係末技.....雖然日本人覺得是好東西.
     
    自由行之後, 一次都沒吃了, even神戶的老祥記包子......就算去吃廉價24小時烏冬店.......
     
    .....不過我太太說, 要是在歐洲見到一間哪怕是什麼szechuan chinese food, 會十分思鄉, 在日本嘛, 要很久很久才會想念叉包腸粉油雞......就是不會吃中華料理.

    回覆刪除
  4. 嘩!去日本吃中華料理!?唔好啦呱!又貴又唔好味。
    8:30左右市中心已靜悄悄,真是與香港不同。
    [版主回覆04/23/2010 23:16:00]當然.......不過去到加拿大, 澳洲, 就一定吃中國菜, 好快會思鄉 :p
     
    東京大阪的街店就開夜點, 9:00p.m, 餐廳9:30 last order, 10:00 close
    長崎是小城, 更早便閉店.......不過一般會早點開店, 一般10:00a.m.啦.
    西方的城市更早, 一般6:00-7:00便閉店......他們很重視家庭生活, 一早便回家.

    回覆刪除
  5. 哈~ 十幾年前到東京玩,住嚮朋友樹。臨走前,請朋友同她父母吃飯。認爲請她們吃番中餐較有意思,到了中餐館,普通菜式啦~ 就係你影嗰幾款喇!睇到d價錢真係嘩嘩聲,當然好心痛啦~ 味道就連家庭菜式都不如。到日本吃中菜,映真搵笨!!!
    [版主回覆04/23/2010 23:23:00]日本人覺得中華料理係好嘢來呀, 他們覺得那些才是中國菜, 給他們正式中國菜, 他們不喜歡呢.

    回覆刪除
  6. 你買的東東究竟是甚麼呢?
    [版主回覆04/25/2010 11:17:00]這東西好得意呀, 中國以前都有, 叫"吹乒乓", 日文叫poppen, 用口一吹, 低部的薄玻璃底會彈一下, 發出"乒乓"一聲, 好驚呀, 好怕它破, 不過從未破過.

    回覆刪除
  7. 我都想知那東東是什麼?
    要告訴你, 現在多倫多的商場/鋪沒有這麼早收市啦. 一至五, 九點. 週未就早啲.
    [版主回覆04/25/2010 11:20:00]這東西好得意呀, 中國以前都有, 叫"吹乒乓", 日文叫poppen, 用口一吹, 低部的薄玻璃底會彈一下, 發出"乒乓"一聲, 好驚呀, 好怕它破, 不過從未破過.
     
    加拿大當然熱鬧啦, 晚上都好多夜吃呀, 又可以飲夜茶, 喝夜台灣茶, 香港只係食晚飯, pub and bar, 冇乜夜飲呀.

    回覆刪除
  8. 我嘗試了用210度來烤雪芳啦!! 結果。。。 黑人版雪芳(但是裏面很好吃哦,焦的只是外面) 但是真的是平頂的!!!!!!!! 我post了出來,有空來看看吧。 感謝你的指教哦!
    [版主回覆04/25/2010 11:22:00]我看了呀!
     
    哎呀, 唔好意思呀! 很多謝妳跟我做實驗呀!

    回覆刪除
  9. 不多說了.....只羨慕ing.........
    [版主回覆04/25/2010 21:31:00]等小purple大一點, 一起去玩啦!

    回覆刪除
  10. 夠竟係乜東東  去日本僅係唔食中華料理啦, 一定食日本地道野, 咁先可以滿足自己
    [版主回覆04/25/2010 21:32:00]可能有一天, 好奇心起, 會去吃一次日本的中華料理, haha!

    回覆刪除